يسعد اوقاتكم احبتي المتابعين
نكرر اللقاء معكم ونكمل قصة
الشيخ أركان وعشك تالي العمر فصلية و ج2بارت العاشر
عباس //جنت رايح وية ٣ ولد اصدقائي للمحمودية عدنا شغلة
وصلنة للسكندرية بحدود التسعة ونص وجان يصير گدامنا حادث
سكس كلاب طلع من شارع فرعي واظاهر جان يمشي اكثر من السرعة الاعتيادية وظرب سيارة جاية بالشارع العام متوجها لكربلاء نزلنا
نركض عسى وان نساعد بشي بس من وصلت انصدمت هاذ اركان زوج اختي واخو زوجتي منال گمت اصيح
عباس //ولكم تعااااالوو نساعدة راح يموووووت لا ياربي لا ياربي اصبر ابو اكرم هسة اطلعك ولك كررررررريم اركض تعاااال ساعدني
اسعااااااف ياناااااس اسعاف كمت الطم على راسي بدون شعوور
كريم صديق عباس //ولك عباس شبيك ليش تلطم على كيفك يااخي الي يشوفك يكول اخووو
عباس //ولك هاذ زوج اختي الشيخ اركان واخو زوجتي امششششششييي ساعدني
ركضوو الولد گاموو يطلعون بالشباب الوياااا وعم اركان طلعوو شبه الفاقد ويصيح طلعوو اركان بوية طلعوو اركان
بس اركان جان عالق بالمقعد لان الضربة جانت جاية من صوبة وداخل الستيرن وصفحة الباب ببعضها وهو عالق بنصهن اجيت گمت اجر بالحديد واصيح على الولد
هو مد ايدة ولزم ايدي وگال بصوت
متقطع
اركان //عببباسس دددديرر بابابابالك على مرررريم وعلى م م ممناال امممانة ببببرررگبتك عووفني وطلع ععععمي
عباس //ابو اكرم روحي فداك خوية هسة اطلعك وانشالله مابيك شي لا تحجي وتتعب نفسك هو ابتسم وغمض عيونة
واني تخبلت گمت اصيح اجوو الشرطة والاسعاف تعاونت الناس الجاية وية اركان والناس البشارع
وطلعنا اركان وعمة والولد الوياا بس جانوو كلهم احسن حال من اركان
نقلناهم للمشفي وظليت وياهم سووولهم فحوصات واشعات
اركان جان اخطر واحد بيهم دخلوو العناية المركزة وهو فاقد الوعي
لليل ذكرت انو اهلة ما يدرون والظاهر محد مخابرهم وتليفوناتهم ماكوو وما اعرف تليفون اي واحد منهم مثل ما تدرون اني مقاطعيني بسبب الصار ماكو غير مريم
دگيت عليها بس ماترد مرة مرتين ثلاث مرات وماكوو
دزيتلها رسالة وجان مظمون الرسالة
📩 حبيبتي مريم اسف لان راح اخبرج هذا الخبر بس لازم تعرفون انو الشيخ أركان سوة حادث بطريق
كربلاء وهو هسة بالمشفى بالعناية
المركزة اخوج عباس - - - -
مريم //بعد ما صرخت وگمت ارعش
ركض خالد اخذ مبايلي وشاف الرسالة واتصل بعباس
خالد 📲مرحبا خوية شنوو السالفة
احجيييي هاااااا ايي جاي جاي
طوط طوط طوط
غزواااااان عدنااااان اركضووو وياي
ركضوو الولد وية خالد وتوجهوو لكربلة
مريم //ركضت للبيت اخذت سويج سيارتي ركض حسين اظاهر عرف
بالموضوع اخذ مني السويج وصعدنا وگبل على كربلاء
أنت تقرأ
الشيخ أركان وعشك تالي العمر فصلية
General Fictionظلمها والدها وزوجها غصب لاحد اقاربها وبعد وفاة والدها تنفصل عنه لتقع ضحية عادات ظالمة فهل سينصفها القدر
