مرحبة حبايب هلمرة ماحصلت طيارات الخطوط مشغولة جبت باصات يللة اصعدوو وازانة الليل 🚍🚍🚍🚍🚍🚍
🙋♀️💁♀️🚶♀️🚶♂️🚶♀️🚶♂️🚶♀️💁♀️نفرررين بيت الشيخ
ااركان وعشك تالي العمر فصليه )) ولعيونكم
البارت (الثاني عشر )
اركان//منوووو
سجاد //بابا الحك حبوبتي اتخربطت وماتحجي
اركان //ركضت للبيت ومريم وراية طبينة لكيت حبوبتي كوة تتنفس وشبه فاقدة ردنة ناخذها المستشفى بس ادخلت مريم وصاحت
مريم //اركان لا تشيلها ضغطها صاعد حيل وماتتحمل الطريق خل نسعفها الاول
اركان//يللة جا سوي شيييي
مريم //رفعت راسها بين ايدية وصحت لوداد تخلي مخاد جوة جتفها حتى تتنفس عدل وقست ضغطها جان مرتفع حيل كمت اخذت ابرة وزرفت اصابع ايدها العشرة وكل اصبع طلع منة شوية دم حتى تعدي الجلطة ومتنصاب بيها
وظربتها ابرة لازكز (مدرر)عندي احتفض بيهن للطوارئ
وطلعنا الولد ولبسناها حفاضة مال مسنين هي ضامتهن كلما تتخربط تستعملهن وظليت اراقب ضغطها نزل ورة ساعتين اني ماكدرت بعد اسويلها شي كلت لاركان ياخذها للمستشفى
اركان //مريم كومي لبسي وتعالي ويانة لانج تعرفين الادوية بسرعة ابوي بسرعة
مريم //ركضت لبست جبة وشال وجبت جنطتي واجيت على السريع صعدت وخليت حبوبتي بحضني واركان بلصدر وصفوان يسوق وخالد واخوة اركان ورانة بسياراتهم
وصلنة للمشفى اخذو الحجية وشرحنالهم وضعها وشكد جان ضغطها وشأخذت من علاج
الدكتور//زين سويتو اسعفتوها قبل لا تجيبوها لان على ضغطها العالي ماتتحمل الطريق
اركان//الفضل يعود لزوجتي لان هي اسعفتها بابرة مدرر
الدكتور//اختي لوين واصلة بلدراسة ؟؟
مريم //بعد سكوت بضع دقايق ))جاوبت اني واصلة كلية الطب سنة ثالثة طب عام ؟؟ مفاجأة
الدكتور //ممتاز يعني تكدرين تساعدينة بعلاج الحجية
مريم //واني اشوف الدهشة على وجوه أهل اركان واركان كلت تمام دكتور شنو مطلوب مني ؟؟
اركان //😲😲 صافن واني اول مرة اعرف هي واصلة طب واخوتي هم صابتهم الدهشة
الدكتور //انتي راقبي حالتها والعلاج خاف بي غلط اشتباه من الممرضين
مريم//صار دكتور اني اتولى علاجها
اركان//بعدني تحت تأثير الصدمة ادنيت يمها وكتلها من بين اسنوني احجي ليش ما كتيلي هاي المعلومة هاااا انتي دكتورة واني ما ادري ؟؟
مريم// اولا ما صارت فرصة اكلك وثانيا اني مو دكتورة مجرد طالبة وتاركة من زمان طويل وثالثا اسفة لان ماكتلك ماردت اكول ما احب التفاخر خاف واحد ياخذ علية نضرة مو حلوة
أنت تقرأ
الشيخ أركان وعشك تالي العمر فصلية
General Fictionظلمها والدها وزوجها غصب لاحد اقاربها وبعد وفاة والدها تنفصل عنه لتقع ضحية عادات ظالمة فهل سينصفها القدر
