الشيخ أركان وعشك تالي العمر فصلية

ج2البارت السابع

مسا الورد احبابي
امشو ويانة نعرف باقي قصة
الشيخ أركان وعشك تالي العمر فصلية و الجزء 2
البارت السابع

اركان //اجت فكرة براسي گلت خلي اجربها بلكي تحن وترجع إلي وهميت ردت انزل وسويت روحي دايخ ومتخربط صحت اكرم تعالي

بوية راح اموت مدري شصار بية

اكرم //سمعت ابوي يصيحلي ركضت لكيتة واكع بالگاع صحت حسين امجد تعالو نشيل ابوي
واگع اجة حسين يركض وشلنا ونزلنة خليتة على القنفة وگمت افتح دگم دشداشتة واهفيلة

امجد //خلي ناخذة للمشفى خاف صعد ضغطة

اركان //لا بابا مابية شي شوية دوخة وهسة ارتاح {ادحك على مريم على گعدتها تتريك ولا جن اني متخربط معقولة ما اثرت بيها بس لا عرفت اني اجذب 😳😳حتى تحن علية خررررب بهبل عود اني شيخ

گمت اسوي اشياء مال زعاطيط

مريم //سمعتهم انخبصوو ركضت نص الطريق تذكرت زعلي منة رجعت اتريك بس جذب گلبي يدك على السريع اريد اروح احضنة بس سيطرت على روحي

ورة ١٠ دقايق گام مابي شي وراح للبيت الجبير گلت الحمد لله مابي شي
اركان //من شفتها ما مهتمة گمت طلعت من البيت

اكرم //بابا وين رايح وانت مريض اگعد راح اصيح لهدى تسويلك ريوگك
اركان //لا بابا ماريد راح اروح للبيت صدك عندي ٢نسوان غصبن عليهن
يريگني ((واني عيني على مريم الماضهرت اي ردة فعل))) وطلعت

مريم //ما اعرف السويتة صح لو غلط بس والله مقهورة من تجاهلة
الي وين ذاك الحجي الجان يگلي بي انتي غالية وما ازعل منج ومجلب بيج حتى لو ماترديني اشو بسرعة نسة وبات بعيد عني هاي اول ردة الة وبعد ٩ مرات اني حلفت ولازم انفذ

لليل اجة اركان بات يمنة هو طب للغرفة ينام اني ظليت جوة صارت الساعة ١١ صحت لملك

ملك //هاا ماما ردتي شي؟؟

مريم //اصعدي لغرفتي جيبيلي دشداشة قصيرة اريد انام اهنا بالغرفة الجوة بس دگي الباب عمج اركان فوگك

ملك //رحت للغرفة مالت امي دگيت
الباب ✊✊✊

اركان //ادخل

ملك //بابا گاعد لو نايم اريد اطب
اركان //ادخلي بابا گاعد

ملك //دخلت فتحت كنتور امي واخذت الدشداشة وردت اطلع

اركان //هاي شنوو بابا وين امج؟؟

ملك //امي راح تنام جوة تصبح على خير
اركان //😳😳 وانتي بالف خير ببنيتي
اهووووو هاي شلون طلابة هاي شيرضيها بعد
ظليت اتگلب بفراشي ما اگدر انام هاي اول مرة نزعل اني ومريم بس الظاهر زعلها صعب صارت ساعة ٤ نزلت على اطراف اصابعي واجيت فتحت باب الغرفةلگيتها نايمة على الجرباية وشابگة اسعد وبدر كل واحد بايد وحسين نايم بالگاع رجعت سديت الباب مابيها مجال انام يمها لو احاجيها بوجود حسين