الشيخ أركان وعشك تالي العمر فصلية

ج ٢ البارت ١

مساء الخير احبابي الغالين
ورجعنالكم برحلة جديدة الي بيت
((الشيخ اركان وعشگك تالي العمر فصلية)) والجزء الثاني و

البارت الاول
مريم //بعد ما هدأت اوضاعنا ورجع كلشي لحالة وگمت اروح لاهلي واهلي يجون علية اما اولادي بس حسين ظل متواصل وياي ودوم يمنة
تبدأ احداث الجزء الثاني من سنة ٢٠١٤ وحتى سنة ٢٠١٨
وداد //اول مرة راح احجيلكم عني اني جنت احب ابن عمي حامد وهو يحب اختي منال ماجنت ادري بي يحبها الي فد يوم جنت يمهم طبعا اني كل يوم اروح اساعد عمتي ام خالد حتى اشوف حامد وشفت حامد يتوسل بمنال حتى تقبل بي ويترجاها ويشرحلها عن حبة الها بوكتها انصدمت وعرفت هو مو الي ابد منها ابتعدت عنة وما ندكيت بي وندمت على اعترافي الة بحبي وهو يرزلني جنت اكول هاذ طبعة بس جنت غلطانة هواي وبوكتها تمرضت حيل ضليت اسبوع بالفراش لا اكل ولا اشرب إلى يوم الراحت منال بي صحيت على روحي وكمت احاول انساه

خالد //دائما القدر ضدنا وما ينصفنا الي نحبهم يحبون غيرنا جنت احب وداد ميت عليها من هي زغيرة بس جنت اشوفها تحب اخوي حامد وهو مايريدها بعد ما راحت منال خفت حامد يلتفت لوداد واني اناطرها مناطر  طول عمري بس للاسف هي ماحاسة بيه

خلود //اني اخت خالد وحامد اني اعرف خالد يحب وداد حب مالة حد
ويموت على ريحتها وجنت اموت قهر عليه من اشوفة يتعذب بسبب حب وداد لحامد وبيوم من الايام
جانت وداد تخبز واني يمها اجة حامد وكلي روحي للبيت بس اني ختلت وبقيت اسمع شيكول لوداد

حامد //شلونج وداد شخبارج

وداد//الحمدلله بخير (كالتها بدون اهتمام)

حامد //وداد لساتج تحبيني؟؟؟
وداد //لا طبعا اصلا جنت مراهقة وعبالي احبك بس من اختبرت نفسي طلعت ما احبك مجرد اعجاب
ولو ما ادري شعجبني بيك بوكتها (حجتها باستهزاء)

حامد //😳😳 معقولة كل ذاك الحب وذيج الدموع جانت اعجاب مراهقة؟؟؟
وداد//شفت شلون   لا وازيدك من الشعر بيت  اكره وجودك يمي وگمت احب واحد غيرك حب حقيقي  ودرت وجهي عنة!!

خلود //بعد ما سمعت كلاَمهم فرحت حيل لان فعلا حامد ما يستاهل وداد حبابة وطيبة وجانت بس تريد ترضيه وهو يرزل بيها

خالد //جنت گاعد باستقبال بيتنة وطب حامد يغلط ويسب ماعرفت عليمن كتلة
شبيك هايج مثل الثور؟؟

حامد //هاي الكلبة الحقيرة بعد ما جانت تركض وراي مثل الكلب واني ارزل بيها هسة تگلي اكره وقوفك يمي واحب واحد غيرك بس الا اخليها اتبوس رجلية حتى ارضى عليها

خالد //وليش تبوس رجليك قابل قحط انت وبالنسبة الها هي الف واحد يتمناها ماناقصها شي عقل ورزانة وجمال انت الخسرت مو هي

وداد//بعد مارديت على حامد حسيت براحة مو طبيعية لان رديت بعض اهاناتة الي جان يركض ورة منال ومن راحت رجعلي واني جنت عمية ما اشوف الفرق بينة وبين خالد الي بديت احس اتجاهة بشعور حلووو

حسين //اني ابن مريم وعلاء جنت دائما اروح لامي لان احبها حيل واحس هي انظلمت بحياتها وحتى بعد ما تزوجت الشيخ اركان هم جنت اروح الهم بس گمت احب بتهم هدى متروح من بالي ودائما صورتها بخيالي  طبعا بيني وبين نفسي
لان ما اسمح لنفسي اتصرف اي تصرف يسئ لامي لو للانسان الفتح بيتة الي واعتبرني واحد من ولدة واني هم جنت متزوج لاكن باخر الايام حسيت زوجتي تغيرت من ناحيتي وتلتقي هواي يم مرت ابوية

وگمت من اكللها نروح لامي تضوج ومتقبل وطلع حجج حتى منروح
وامي دائما تتصل بية وتعزمني بس اني اطلع اعذار ومنروح الا ان فد يوم
جنت گاعد بالصالة مال بيتنا وسمعت بدر ابني صرخ ركضت اشوفة شبي
وجان اشوف 😲😲😲_________

الى القاء بالبارت القادم مع تحيات
الكاتبة ام ماهر