الشيخ أركان وعشك تالي العمر فصلية

ج١ البارت الرابع عشر

صباح الخير حبايبي  راح اسهر لخاطر عيونكم واكتب البارت

الشيخ اركان وعشك تالي العمر فصليه

     ((البارت ١٤))

ابو اركان //اولادة اني ماجبرتهم الموضوع وحدة صار بيوم كاعدين بلمضيف وكال اخوية ابو خالد

ابو خالد //شنو رايك يخوي اذا نشتري كاع بكربلة ونبنيها  حسينية بدل الجوادر وتبقة بيها نسوانة لمن نروح للزيارة

ابو اركان //وافقت وجان خوش اقتراح ورحت اشتري كاع واخذت وياي ولد اركان اكرم وامجد ودلونة على دلال مال اراضي ورحنا لة واشترينة كاع والرجال ماقصر عزمنة على بيتة اتغدينة يمة وجلب بينة نبات يمة بدل الفندق وبقينة وبليل ضلينة نتعلل ويا وهو حيل انعجب بلولد والحديث اخذ مجراه للزواج وسال الولد

الدلال //انتو متزوجين يولد ؟؟
اكرم //لا عمي بعدنة ما تزوجنة

الدلال//ليش بوية لهسة بعدكم الزواج سترة الكم

ابو اركان//والله ياخوي داندور على عرايس الهم

الدلال //شني السالفة شيخ اكو واحد عاقل ماينطيكم مرة

ابو أركان//مانريد من كرايبنة نريد من كربلة اخذنة وحدة لابوهم من كربلة وطلعت درة مال الله وحبينة التغيير ونريد مثلها

الدلال //ابشر شيخ عندي بنات ٢ وحدة احلى من وحدة اذا تقبل اجنكم هدية انت بس كول امهن متوفية واريد استر عليهن وما الكة احسن من نسبكم

الشيخ //كفوو والله منك على راسي انت وبناتك بس ياخوي الراي الاول والاخير للولد مو الي لان همة الراح يتزوجون

اكرم //تسلم عمي على الراس والله هديتك ما تنرد بس لازم البنات يشوفنة ويقبلن بينة مو غصب عليهن

ابو اركان //على خيرة الله باجر نشاوفهم وبعدين ردولنة خبر ونجيبلكم مشية _______ثاني يوم سوولنة ريوك وتريكنة وكمنا نريد نطلع صاح الرجال

الدلال//اوكفوو بوية دقيقة راح اصيح بناتي حتى ماتكولون غلس ههههههه
شوية واجن البنات سبحان الخالقهن صدوك وحدة احلى من وحدة
الدلال//بوية ارفعو روسكم وشوفو وبقناعتكم انتم المامقتنع خل يكول اني اريد استر على بناتي لان الوكت موخوش بوية واني اشتري زلم وماالكةاحسن منكم

اكرم//بوووووية هاي صاروخ مو بت ههههههه كعد حضي اذا تصير الي ))حجيت بكلبي وجليت صوتي وكلت
عمي بارك الله بيك اني عن نفسي مقتنع مية بلمية

امجد //اني انشرك حلكي على كد ما مبتسم وما مصدك هلجمال الي خررررب بهبل ))   اني هم عمي مقتنع قناعة كاملة مليون بلمية ههههههه

ابو اركان//خوية الجمعة الجاية انشالله تجيكم المشية ولان بعيدين نريد نخصمها نيشان وعقد شيخ والعرس بعد مانجهز الواد والبنات  اذا بناتك مقتنعات

الدلال//بوية بناتي هم حيل مقتنعات على بركة الله نقرا الفاتحة على نية التوفيق
قرينا الفاتحة وسلمنا ورجعنا للبيت وجمعتهم وكتلهم بس فاجأني اركان ماقبل بهل الخطوة ودزيتلة صفوان

صفوان //خوية شبيك مو جنت فرحان بحمل مريم شكلبك هيج غير تعرف من ابوية تفاصيل الخطبة

أركان//شعرف ياخوية انت تدري شكد عانيت من خطبات ابوك ماريد اولادي يعانون هم ابد مادامني اشم الهوى

صفوان//انت شفت الولد حجيت وياهم احتمال عدهم علم وموافقين
أركان//لا ماشفتهم امشينة نشوفهم ونسمع منهم

صفوان//هذاك امجد بلمظيف      امجد عمي تعال

كلي عمي شني سالفة الخطبة الكال عليها جدك

امجد //هههههه والله عمي الدلال الشترينة منة الكاع خطبنة لبناتة هههههههههههه بس هنة شلون بنات عمي عبالك حوريات
اركان //بعصبية  وين شفتهن ؟؟؟؟؟

امجد //مو احنة تشاوفنة واقتنعنة وجدي قرا الفاتحة وية الرجال وكالة الجمعة الجاية المشية والعقد

صفوان//التفت على اركان))شفت شلون ظلمت ابوك الولد مقتنعين قناعة كاملة وفرحانين بيهن موغصب عليهم

أركان//الله يخزيك يالشيطان اي والله ياخوي اني اتسرعت بحكمي خل اروح اعتذر من ابوي
رحت لكيتة كاعد يم حبوبتي بس شافني صاح

ابو اركان//تعال بوية لا تزعل راح اخابر الرجال واكلة بطلنا ومايكون الا خاطرك طيب

اركان// لا يابة اني اعتذر منك وفوت بفالك الجمعة نجمع الناس وروح الهم واعقد للولد
ابو اركان//اهاااا يعني عرفت الصار ؟؟؟

اركان//اي يابة واعتذر منك واترجاك تسامحني ودنكت بست ايدة

خلص الاسبوع وجمعنا زلمنا والنسوان هم كلهن راحن بس مريم اتخربطت واني بقيت يمها ابوي كال لا تعوفها خاف تتأذى
وصلت المشية ومتفقين على الحاضر والغايب والبنات متحضرات وعاقدين الهم ومشترين النيشان الذهب وملابس والولد مشترين مبايلات للعرايس وماخذين صور ولثالث يوم اجو
اني من كمت ابات يم نسواني كل يوم وحدة بناءا على طلب مريم تحسنت علاقتي بيهن ماانكر بلاول انجبرت حتى ارضي مريم بس بعدين اتأقلمت وية الوضع وصرت كل يوم يم وحدة      ومرت الايام ورة شهر بعد يومين على زواج اكرم وامجد

مريم//جنت ابيت عمي وكلهم مجموعين يوزعون المهام عليهم حتى يكمل زواج الولد اجة اكرم

اكرم //خالة مريم انتي ماشفتي زوجتي ابد مووو ؟؟؟

مريم //لا والله خالةة ماشفتها حلوة هي ؟؟

اكرم//اوووو تخبل بس من اشوفها احسها تشبهج

الحجية//اكيد هيج تحس جا غير هن من مكان واحد ومن طبقة مريم

اكرم //تعالي خالة هاج شوفي هاي الصورة اربعتنة بيها هي واختها واني وامجد
مريم //الف مبروك الله يتمم بخير
شافت الصورة وفتحت عيونها حيل وكامت على حيلها واخذتها الرجفة ووكعت بلكاع

أركان//مرررررررييييممم________________

البارت قصير اعترف راح انزل بارت مفاجأ وتدللون

مع تحاتي ام ماهر الكربلائية