الشيخ أركان وعشك تالي العمر فصلية

ج١ البارت التاسع عشر

الشيخ أركان وعشك تالي العمر فصلية
البارت ١٩

مريم //فكيت عيني اششششش شجابك هنا؟؟؟؟

علاء //انتي شتسوين هنا ومنو هاذ الطفل البيدج؟؟
مريم //وانت شنوو شعليك    گمت ابجي وركضت طبيت للبيت شافني اركان اجاني يركض

اركان //شبيج مريم ليش هيج وجهج اصفر منو ويااااج ولج  شببببيج
مريم //شمرت ابني على سمية وگعدت ابجي واصيح هاذ الجنت خايفه منه هاذ اليوم الماريدة يجي وگلت لاركان روح طردهم لا تخليهم يجون لهنا

اركان //لميتها لصدري اشش حبي لا تخافين اني يمج وهي ترجف مثل السعفة

كوثر //اركان مريم مخترعة ومتعرف شتحجي خل اخذها لغرفتي وجريت مريم     حبيبتي اصحي انتي راح تفضحين روحج اصحي واني اهز بيها وگمت اغسل وجها واقرأ ايات عليها وهي فاصلة

اركان //بعد ماشفت مريم بهلحالة طلعت شفت رجال برة گتله اهلا وسهلا منو حضرتك (ما عرفته احنة ولا مرة ملتقين  لان زواج ولدي تكلفة ابوي الشيخ علي))

علاء //اني نسيب الشيخ ابو اركان واجيت اشوف بناتي

اركان //بگلبي گلت الله لا جابك ولا هلة ولا مرحبة)) اي تفضل خوية للمظيف صحت ابوية واجة تلگاه وهو يدير بعيونة وكانه يدور على احد

ابو اركان //اهلا وسهلا ابو حسن تفضل تفضل  يبة أركان صيح للبنات اجة ابوهن

علاء //هاذا أركان ابو اكرم؟؟؟ ليش ما يسلم مثل الناس  علية شنوو معاركة اني

ابو اركان //لا يبة  ماعرفك هو ما التقيتوو ولا مرة

اركان //صحت لملك وشهد يبة تعالن ابوجن اهنا يريد يشوفجن
ملك//بابا امي يمكن شافت ابوية علاء  وصار بيها هيج

اركان //اي بابا اكيد روحن يمة ولا تجيبن طاري گدامة حتى لو سأل ثولن السالفة

ملك وشهد //صار بابا   وراحن لابوهن طبن وسلمو عليه  وباسن ايدة
علاء //هلا هلا بيجن ماتگولن عدنا ابو نريد نشوفة ليش ماتجن علينة خو مو اكرم وامجد مانعيجن لو اكو شخص غطة على فراگنة
اركان //هو يسولف واني اغلي من القهر وانوب يضرب بسامير
ملك //بابا أركان مامخلينة نحتاج شي ومرتاحات هنا لهاذ السبب تمر الايام من غير ما نحس بيها

علاء //ااهاااا ونسيتنا موووو؟؟

ملك //لا مانسيتك بس انتو كل واحد بيكم ملتهي باحبابة واحنة مالنة مكان يمكم ولگينة اهنا اهل وعائلة واحباب وهم التهينة مثلكم

اركان //افور من الغضب من اشوفة يدور بلرغم من وجود بناتة يمة عرفت يدور على مريم   اترخصت وگمت رحت لمريم اشوفها

مريم //ضلبت يم كوثر ماطلعت من الغرفة ابد إلى ان اجة اركان وگال
اركان //هاااا حبي شلون صرتي ليش هيج تخربطتي وظميتها لصدري وحظنتها حيل  ما يگدر يأذيج واني موجود يروح اركان
مريم //خفت يفضحني يم اهلك طلعت من بيتنا لحگت البنات لهنا وصار بوجهي مامتوقعة اشوفة

اركان //يلة يروح اركان گومي اوديج للبيت
مريم //خاف يشوفني ويگول گدام اهلك اني جنت زوجتة

اركان //يابعد أركان وعشيرتة َايگدر يحجي البنات والولد يمة وابوية موجود لا تخافين

مريم // رحت للبيت وماشفتة بعد الى ان راح بليل سألت ملك وشهد علية شيريد اجة

ملك //ابوية رادنة نروح ويا نبقة اسبوعين بحجة مشتاقلنة بس الصدگ مرتة جايبة ونسوان اخوتي ما يدارنها هي وجهالها
مريم //وشگتلة؟؟؟
ملك //گلنالة مانروح احنة اهنا مرتاحات وانت وشفناك بعد شكو رايحين وياك هو زعل وراح

بعد هاي الحادثة باربع شهور

مريم //جنت گاعدة العب اسعد حبيبي صار عمرة ٨ شهور يزحف انطيتة ملاعيب واجت ملك يمي

ملك //ماما اشو احس بروحي تلعب وتعبانة وعودي الم ابطني
شهد //ولج اني هم يمكن تغيير الجو هاذا الربيع كل الناس تتمرض
مريم //اليوم اخلي اكرم لو امجد يوديجن للطبيب

اركان //جنت رايح للبيت وسمعت البنات مريضاتدگتلهن حظرن روحجن العصر اوديجن للطبيب             وصار العصر واخذتهن ورحت
ملك //بابا نطب الدكتورة احسن من الدكتور حتى ناخذ راحتنا بلفحص
اركان //ماشي بابا يللة امشن    طبن للدكتورة وطلبت تحاليل وطلعت النتيجة

اركان //هااا بابا شكالت الدكتورة الجن؟؟؟

ملك //وهي مدنگة وخجلانة    بابا گالت اثنينجن حوامل

اركان //اللهم صل على محمد وال محمد مبروك بناتي الله الله هاي البشارة الحلوة وصلنا للبيت ولكيناهم گاعدين كلهم وگلنالهم الخبر والكل فرح وصارت هوسة وهلاهل

مريم //من اجة أركان وگال البنات حوامل اني رأسن درت وجهي على سمية شلون غرغرت الدمعة بعينها وشبگت احمد اتمنيت كون الخبر الها مو لبناتي وهمست بأذنها  انشالله يوم الج ونذر علية اطش جكليت عليج من باب الحديقة البرة لغرفتج واهلهل

سمية //الله لا يحرمني من حنانج والله انتي هدية من ربي الي حتى عديتي على حنية امي الي  وبست مريم   الله يخليلي حمودي انشالله واشوف اولادة يارب

مريم //گمنا نداري البنات لان تعبن بحملهن الاول صعب صار عليهن ٦ شهور بينهن ايام هنة وبيوم گاعدين واجت سمية فاحطة الحگيلي مريم اني مريضة حيل مدري شبية

مريم //ولج شببببيج خرعتيني من الصبح

سمية //صار اربع شهور من اگعد الصبح احس اكو كتل ابطني جبيرات يمكن بية ورم   وج عيني خاف مرض خبيث

مريم //تحسين عندج اعراض غيرها؟؟
سمية //لا بس هاي الكتل من الزمهن مثل الطوبة يرحن منا ومنا
مريم //اليوم نروح للدكتورة ونشوف شكو لا تخافين يجوز كيس دهني علي الرحم واحتمال هو سبب  منع حملج
سمية//يعني اذا هو المانع ويروح ممكن احبل؟؟

مريم //ايي ممكن ليش لا الله كريم
سمية//يارب شوكت يجي العصر واروح حتى اذا كالت عملية راسن ادخل ما اتأخر   صار العصر ورحنا اني ومريم للدكتورة
وسويت سونار  وگالتلي الدكتورة ___________

سمية //😲😲😭😭😭😭
__________________________________________

ياترى سمية شنو مرضها  وگامت تبجي  سوف وعرف ذالك بلبارت القادم    ورجاءاا  لحد يكتب البارت قصير