الشيخ أركان وعشك تالي العمر فصلية

ج1البارت السادس

(والبارت السادس)

مريم //سمعت صوت رجولي وبي حدة عالية صاح حااااامممممددددددددددددد
ماحسيت آلة الولد الضربني تكوم بالكاع واجة علية صاحب الصوت  وكرفص كدامي ورفع وجهي بيدة وصفن بوجهي شوية وكال  ___خوماتأذيتي ونزع عباتة وذبها علية وكلي كومي؛؛ اخذني لغرفة قريبة على الديوان وانطاني اكلينس امسح الدم البخشمي

أركان //جنة كاعدين بلديوان واكو ناس يمنة من غير عشيرة عدهم طلابة وقاصدينة نحل طلابتهم وجان الديوان متروس زلم شوية واجت السيارات الراحت الكربلة اولهم سيارة بناتية حمرة ويسوقها ابن عمي حامد
ياجماعة هاذ الولد ابد ما ارتاحلة عكس إخوته متهور وعقل ماعندة وحباب طلايب وجان خاطب اختي منال ويريدها بس هي جانت مثلي ماتطيقة __اني عيني منة وكف السيارة قريب على الديوان حيل ونزل يركض فتح الباب وجر أبنية  وضربها وكعت للكاع واطاير شعرها وغطاها ورجع يريد يضربها مرة ثانية اني ماتحملت وطار عقلي ركضت عليه وضربته بوكس لطشته بلكاع واني اهد عليه ركضو ولد عمي اخذو من كدامي بسرعة رجعت على البنية كعدت كبالها وهي مدنكة وشعرها مغطيها  وممزوج وية التراب من طولة رفعت وجها بيدي انصدمت وحسيت إسهام اخترقن كلبي ظليت صافن بوجها وفاصل عن العالم ماشايف مثلها بحياتي عيونها خضر فاتح لونهن ومغوركات بالدموع والرموش داكة بلحواجب كلبي كام يرجف وصفنت بابداع الخالق وانوب هي بيضة حيل وطالع من خشمها دم صاير عبالك حمرة (ديرم على كولة حبوبتي) خليط من بياض وحمار صايرة تجنن
مااظم عليكم اتخربط وضعي حيل من شفتها 😃
دقايق وحسيت على روحي نزعت عباتي وغطيتها واخذتها للمظيف الداخلي وصحت
وداااااد    وداااااد

وداد// هاهاها خوية اامرني

أركان // اخذي البنت لغرفتي وشوفي شبيها

وداد//صار خوية ___ يلة خية امشي وياي

مريم //مشيت وية البنية واني ما اعرف شنو مظموم إلى بعد الصار طبينة ولكينة نسوان كاعدات هواي سلمت عليهن منهن ردن ومنهن لا شوية وطفرت وحدة منهن وجرتني وكامت تضرب بية وتصيح

سعدية //الله لا ينطيكم اخذتو بنتي وحرمتوني منها وعود انتي بمكانها والله لموتج واحرك كلب اخوج مثل ما خطف بنتي وحرك كلبي

مريم //اريد ادافع عن روحي ما اكدر وداد تجر بيه تريد توخرها عني ماكو فايدة انوب طفرن ٢ نسوان وياهة يكتلن بيه واني اخاف اطلع صوتي لأن زلم برة هواي وماريد من اول يوم ياخذون علية نظرة عايقة وصوتي عالي من كثر ماكتلني فقدت الوعي لأن اني من الاول مرهقة جنت ما نايمة ولا ماكلة وطريق طويل يتعب فتعبت حيل بس اسمع اليصير يمي شوية وسمعت نفس الصوت النقذني اول مرة

أركان //رجعت للديوان لكيت الناس كايمة اعتذرت منهم كالو شيخ النة جية ثانية عليك واترخصوو وطلعوو رجعت للبيت اريد اشوف البنية سمعت صياح بالصالة وصوت وداد تكلهن راح اصيح لأركان طبيت لكيت مرت ابوية سعدية وجناينها كاتلات البنية وفاقدة تخبلت جريت سعدية ولأول مرة اضربها راشدي لطشتها بلكاع وعلى صوتي اجو اخوتي غزوان وعدنان