𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

Cupid once said

Unicode

(ဂွန်းဟွာအထက်တန်းကျောင်း)

"Baek ဟိုမှာ ဟိုမှာ ကြည့်စမ်း"

Heeyoung ဟာ Baekhyun ရဲ့လက်မောင်းကိုလှုပ်ဆွဲလိုက်သည့်အတွက် Baekhyun ရဲ့လက်ထဲက အသားညှပ်ပေါင်မုန့်လေးကတော့ မျက်စိတစ်မှိတ်အတွင်းမှာပဲ မြေပြင်ပေါ်တွင်နေရာယူသွားသည်။

"ဟာ Heeyoung ငါမုန့်စားနေရင် အဲ့လိုရုတ်တရက်ကြီးလာမလုပ်ပါနဲ့လို့ ပြောပြီးပြီမဟုတ်လားဟ"

Baekhyun ဒေါသကိုမထိန်းနိုင်တော့ဘဲ စိတ်ပေါက်ပေါက်နှင့် လူကြားထဲမှာ Heeyoung ကိုပိတ်အော်လိုက်မိတော့ ကေ​ျာင်းဝင်းထဲမှာ ဖြတ်သွားဖြတ်လာ​လုပ်နေကြတဲ့ လူတွေဟာ Baekhyun နှင့် Heeyoung ကိုအထူးအဆန်းကြီးတစ်ခုလို ကွက်ကြည့်ကွက်ကြည့်နှင့်...

ဒါတွေလည်း Baekhyun ဂရုမစိုက်နိုင်သေးပါ။ မြေပြင်ပေါ်မှာ တစစီဖြစ်သွားရှာပြီဖြစ်တဲ့ အသားညှပ်ပေါင်မုန့်လေးကို နှမြောတဿဖြစ်မှုများစွာနှင့် ထွက်ခွာသွားသောချစ်သူနဲ့ မခွဲနိုင်မခွာရက်ဖြစ်နေသောလူတစ်​ယောက်လိုမျိုး ဝမ်းနည်းစွာငေးကြည့်နေမိသည်။

"အေးပါ နင်ကလဲ စိတ်ကြီးပဲ ေဆာရီး ဆောရီး ငါပြချင်ဇောများသွားလို့ ဟီး"

Heeyoung က သူမပြုလုပ်နေကြအတိုင်း သူမရဲ့သွားညီညီလေးတွေအားလုံး Baekhyun မြင်ကွင်းထဲမှာပေါ်လာအောင် ပြုံးပြသည်။

"သွားဟာ နင့်ကြောင့်ငါမနက်စာငတ်သွားပြီ"

"ခဏနေရင်ကန်တင်းမှာငါလိုက်ကျွေးပါမယ်ဟ"

ဒီလိုဆိုတော့လည်း Baekhyun သူမကိုမျက်စောင်းတစ်ချက်ထိုးပြီး ကိစ္စကိုခပ်မြန်မြန် အဆုံးသတ်လိုက်သည်။

"ဘာမို့လို့လဲ နင်ပြချင်တာက"

"ဟိုမှာကြည့်ပါဦး Chanyeol ဘတ်စကတ်ဘောကစားနေတာ"

Baekhyun ကိုယ့်နဖူးကိုသာ တစ်ချက်လောက် နာနာလေးရိုက်ချလိုက်သည်။ မနက်စောစောစီးစီး ဒီ Chanyeol ဆိုသူကြောင်​​့ပဲ အပြစ်မရှိတဲ့ Baekhyun ရဲ့ပေါင်မုန့်လေးက ဓားစာခံဖြစ်သွားရရှာတာလား။

"ဒီမှာအမိ သူ့ကိုကြိုက်တာနင်နော် ငါမဟုတ်ဘူး သူ့ကိုချောင်းချင်လည်း နင့်ဘာသာတစ်ယောက်တည်းချောင်း ငါအဲ့ထိတော့လိုက်မချောင်းပေးနိုင်ဘူး"