𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

Uncontrolled Love

Unicode

Baekhyun ဟာ တခြားနေ့တွေနဲ့မတူဘဲ တိတ်ဆိတ်ငြိမ်သက်နေတဲ့ကျောင်းဂိတ်ဝကိုကြည့်ပြီး အံ့သြမှင်သက်မိသည်။ အရင်ကဆို Baekhyun ကျောင်းထဲခြေချလိုက်တာနဲ့ မျက်စိရှေ့တည့်တည့်မှာ အသင့်နေရာယူထားနေကျ Fan Club Board ကြီးဟာ အခုတော့ ထူးထူးဆန်းဆန်း နေရာမှာရှိမနေတော့ဘူးတဲ့လေ။

ဒီနှစ်ပတ်အတောအတွင်း Fan Club ကိစ္စကြောင့် နာမည်လဲပျက်၊ပြဿနာတွေလဲအများကြီးတက်၊ ထပ်ပြီး အထင်တွေလဲအများကြီးအလွဲခံခဲ့ရလို့ Baekhyun အတော်လေးစိတ်ရှုပ်ခဲ့ရပေမယ့် အခုလိုရုတ်တရက်ကြီးအရာအားလုံးပျောက်ကွယ်သွားပြန်တော့လည်း Baekhyun အတွက်နားမလည်နိုင်သော ပဟေဠိပုစ္ဆာတစ်ပုဒ် ဖြစ်ရပြန်သည်။ အမှန်ဆို Baekhyun ပျော်နေရမယ့်အချိန်မဟုတ်လားကွယ်။

Baekhyun ကိုယ်တိုင်လည်း Park Chanyeol ကိုကြိုက်နေတဲ့သူဆိုတဲ့ အမည်းစက်ကြီးကို ဖျက်ပစ်ချင်နေတာလို့ထင်ထားခဲ့ပေမယ့် တကယ်တမ်းအဲ့လိုဖြစ်လာတော့လည်း Baekhyun ဘာလို့ဝမ်းမသာနိုင်ရတာလဲ။ Baekhyun ရဲ့စိတ်ထဲမှာ တစ်စုံတစ်ခုက မတင်မကျဖြစ်နေသလို ခံစားနေရတယ်ဆိုတာ Baekhyun တကယ်လက်မခံနိုင်ဘူး။

"ဟား မသိတော့ဘူး ရှုပ်တယ် အဲ့ဟာကြီးမရှိတော့လဲပြီးရောပေါ့ မျက်စိနောက်တောင်သက်သာသေးတယ်"

မနက်မိုးလင်းထဲက စိတ်ရှုပ်နေရတဲ့ပုစ္ဆာတစ်ပုဒ်အတွက် Baekhyun အဲ့သည်လိုပဲ ခပ်ပေါ့ပေါ့တွေးလိုက်မိသည်။ ထို့နောက် ခြေလှမ်းတွေကိုခပ်ကျယ်ကျယ်လှမ်းပြီး အထက်တန်းအဆောင်ဆီသို့် လျှောက်လာခဲ့သည်။

အတန်းထဲမှာ သုံးလေးရက်လောက်ပေ​ျာက်နေတဲ့ Luhan ဟာ နောက်ဆုံးမှာတော့ပြန်ရောက်လာခဲ့ပြီ။ Luhan ဟာ စာသင်ခန်းရဲ့ညာဘက်ထောင့်ဆုံးက ချောင်ကျကျနေရာမှာရှိနေတဲ့ သူ့ထိုင်ခုံလေးမှာထိုင်ရင်း စားပွဲခုံအောက်ကတစ်စုံတစ်ခုကိုကြည့်ရင်း ပြုံးစစလုပ်နေသည်။

Baekhyun ဟာ သူငယ်ချင်းဖြစ်သူ Luhan ဘာတွေလုပ်နေတာလဲဆိုတာ မသင်္ကာသလိုဖြစ်လာ၍ Luhan အနားကို ခြေလှမ်းခပ်ဖွဖွလှမ်းရင်းလျှောက်သွားလိုက်သည်။ Baekhyun Luhan ဘေးကိုဖြေးဖြေးချင်းကပ်သွားသည်အထိ Luhan အကြည့်တွေကခုံအောက်မှမခွာသေးပေ။