𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

The Little Troublemaker

Unicode

Baekhyun ကားထဲမှလှမ်းမြင်နေရသော ရင်းနှီးကျွမ်းဝင်နေသည့် ပတ်ဝန်းကျင်ကြောင့် တိတ်တိတ်ကလေးသက်ပြင်းခိုးချမိသည်။ဒီလမ်းကြောင်းအတိုင်းဆိုရင်တော့ တရားရုံးကိုသွားနေသည့်လမ်းကြောင်းတော့မဟုတ်သည်မို့  အနည်းငယ်တော့အသက်ရှူချောင်သွားရသည်။

Baekhyunကို ပိုပြီးစိတ်သက်သာရာရစေတာကတော့ ဒီလမ်းကြောင်းက Baekhyun Omma ရဲ့အိမ်ဘက်ကို သွားသည့်လမ်းကြောင်​းဖြစ်​နေသည်မို့လေ။

"ခဏခဏဟိုလှည့်ဒီလှည့်လုပ်နေရင် ကားမောင်းတာကို အာရုံစိုက်လို့ရမှာမဟုတ်တော့ဘူး"

ကားမောင်းနေသည့် Chanyeol ကိုခိုးကြည့်လိုက် ကားသွားနေသည့်လမ်းကြောင်းကို ကားပြတင်းပေါက်ကနေ လှမ်းကြည့်လိုက်လုပ်နေသော ဂဏာမငြိမ်သည့် Baekhyunကို Chanyeol မျက်လုံးချင်းတောင်မဆုံပဲ သတိပေးလိုက်တော့ Baekhyunက "အမြင်ကပ်လိုက်တာ" ဟူသည့်ပုံစံနှင့် နှုတ်ခမ်းတွန့်ကာ တစ်ဖက်သို့လှည့်သွားသည်။

ထို့နောက် ကားနောက်ခန်းထိုင်ခုံမှ Baekhyunဖက်အိပ်နေကျ ကူရှင်လေးကိုဆွဲယူလိုက်ပြီး

"ရောက်ရင်နှိုးလိုက် ဒါပဲ"

Baekhyun ကဒီလိုပါပဲ။ သူ့ကိုနည်းနည်းလောက်လေးဆူငေါက်မိရင်ကို သူကများများစိတ်ဆိုးသွားတတ်သည်။ အခုလည်း သူလုပ်ချင်တာလုပ်လို့မရပြန်တော့ အိပ်ဖို့လမ်းကိုပဲရွေးချယ်လိုက်သော အအိပ်မက်သည့် Baekhyun ကို Chanyeol လှမ်းကြည့်ပြီးပြုံးမိသည်။

မစ်ကီမောက်စ်ပုံနဲ့ကူရှင်ကြီးကို ကျစ်ကျစ်ပါအောင်ဖက်ထားပြီး အိပ်မောကျနေတဲ့ Baekhyun က အခုထိမရင့်ကျက်နိုင်သေးတဲ့ကလေးတစ်ယောက်အတိုင်းပါပဲ။

Chanyeol လည်း အိပ်ပျော်နေတဲ့ Baekhyun ကိုမနှောင့်ယှက်တော့ဘဲ ဦးတည်ရာကိုသာ မောင်းသွားလိုက်သည်။

ခဏလောက်ကြာတော့ ကားစက်ရပ်သွားသည်မို့ Baekhyun တလှုပ်လှုပ်နဲ့နိုးလာသည်။ အပျင်းကြောဆန့်လိုက်ရင်း Chanyeol ဘက်လှည့်ကာ

"အင်း ရောက်ပြီလား"

Chanyeol "အင်း" တစ်လုံးထဲသာပြန်ဖြေပြီးနောက် ကားထဲကထွက်သွားပြီး ကားနောက်ဖုံးမှ Baekhyun ရဲ့အဝတ်တွေ အသုံးဆောင်ပစ္စည်းတွေထည့်ထားတဲ့ လက်ဆွဲအိတ်ကိုထုတ်လာပေးသည်။ Chanyeol ကားရှေ့ကိုပြန်လာတော့ Baekhyun ကလည်းကားရှေ့မှာရပ်စောင့်နေသည်ကို တွေ့လိုက်ရသည်။