𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

Mischievous Valentine

Unicode

ဟိုးလွန်လေပြီးတဲ့နှစ်ပေါင်းများစွာတုန်းက ရောမမြို့ကဘုရင်တစ်ပါးဖြစ်တဲ့  Claudius II ရဲ့လက်ထက်မှာ ဘုရင်ကြီးဟာ လူငယ်စုံတွဲတွေကို လက်ထပ်ခွင့်မရှိဘူးဆိုတဲ့ သနားညှာတာမှုတစက်ကလေးမှမရှိတဲ့ အမိန့်တစ်ခုကိုထုတ်ပြန်ခဲ့ပါတယ်တဲ့။ ရှောင်လွဲလို့မရတဲ့ဘုရင့်အမိန့်ဖြစ်တာကြောင့် လူငယ်စုံတွဲတော်တော်များများလည်း ရွေးချယ်စရာမရှိတော့ဘဲ အမိန့်ကိုနာခံခဲ့ကြရပေမယ့် ဘယ်သူကမှ ဘာကြောင့်ဘုရင်ကြီးဒီလိုအမိန့်ချမှတ်ရသလဲဆိုတာ မသိကြဘူးတဲ့။

အကြောင်းကတော့ စစ်တိုက်ထွက်တဲ့အခါ စစ်သည်တော်တွေက မိသားစုချစ်သူဆွေမျိုးတွေကို လွမ်းဆွတ်သတိရစိတ်ကြောင့် စစ်ပွဲမှာသေချာအာရုံမစိုက်နိုင်ဘဲ အမြဲလိုလိုရှုံးနိမ့်တတ်ကြရတယ်တဲ့။

ဒီ့အပြင် အဲ့ဒီခေတ်တွေတုန်းက စစ်တိုက်ထွက်ရတယ်ဆိုတာ ရံဖန်ရံခါဖြစ်နေကျကိစ္စမို့ ဘုရင်ကြီးဟာ စစ်သားတွေစုဆောင်းတဲ့အခါမှာ အိမ်ထောင်ကျအမျိုးသားတွေဟာ မိသားစုနဲ့ခွဲခွာရမှာကိုစိုးရိမ်ပြီး စစ်ထဲကိုလိုက်ဖို့ငြင်းဆိုကြမှာကို တွေးပူမိလို့ဖြစ်ပါတယ်တဲ့။

လက်ထပ်ထိမ်းမြှားခြင်းကိုပြုလုပ်ပေးတဲ့ ခရစ်ယာန်ဘုန်းတော်ကြီးတွေကိုလည်း ဘုရင်ကြီးကအဲ့လိုမလုပ်ဖို့ ပြင်းပြင်းထန်ထန်တားမြစ်ထားတယ်။ အဲ့လိုနဲ့ တိုင်းပြည်ကြီးမှာရှိနေကြတဲ့ ချစ်သူစုံတွဲအတော်များများအတွက်ကတော့ ကံဆိုးမိုးမှောင်ကျခဲ့တဲ့အချိန်တွေလို့ပဲပြောရမှာပေါ့။

တနေ့မှာတော့ အချစ်ကိုရင်ဝယ်ပိုက်ထားတဲ့ ချစ်သူစုံတွဲနှစ်ယောက်ဟာ ဘုရင်ကြီးရဲ့အမိန့်ကိုဆန့်ကျင်ပြီး အချစ်ကိုရှေ့တန်းတင်ကာ ဘုန်းတော်ကြီးစိန့်ဗယ်လင်တိုင်းကို သူတို့နှစ်ဦးအား ထိမ်းမြှားလက်ထပ်ပေးဖို့ တောင်းဆိုခဲ့ကြတယ်။

ဘုန်းတော်ကြီးစိန့်ဗယ်လင်တိုင်းက သူတို့နှစ်ဦးရဲ့အချစ်ကိုလေးစားတဲ့အပြင် သူတို့ရဲ့ဘဝတွေကိုလည်းစာနာသနားတာမို့ ဘုရင်ကြီးရဲ့အမိန့်ကိုမမှုတော့ဘဲ အကြောက်အရံွ့ကင်းစွာ လက်ဆက်ပေးခဲ့ပါတယ်တဲ့။