𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

I'm sorry but I only love you

Unicode

မှိတ်တုတ်မှိတ်တုတ်ကြယ်စင်ကလေးတွေ စုဝိုင်းနေတဲ့အလယ်မှာ လမင်းကြီးရဲ့အလင်းရောင်ဖြာကျနေပုံက မြင်ရသူတိုင်းကိုစိတ်ချမ်းသာစေပုံပါပဲ။

ဒီအချိန် ပင်လယ်ပြင်ကြီးကိုမျက်နှာမူထားတဲ့ ဟိုတယ်အခန်းငယ်လေးထဲက ညအိပ်မီးရောင်ဖျော့ဖျော့လေးအောက် လဲလျောင်းအိပ်စက်နေတဲ့ Baekhyun ကတော့ ပျော်နေပုံမပေါ်ဘူး။

အိပ်ရာ​ေပါ် ခဏခဏ ဟိုလှိမ့်ဒီလှိမ့်လုပ်နေတာကြောင်​့ ဘေးနားက Chanyeol ပါနှိုးလာသည်။

"ဘာဖြစ်လို့လဲ Baek အိပ်မပျော်ဘူးလား"

စကားနဲ့အတူ လက်တွေကပါ ဘေးတခြမ်းစောင်းအိပ်နေသော Baekhyun ကိုယ်လေးကိုဖက်တွယ်လိုက်တော့ Baekhyun က သိသိသာသာတော့မရုန်းပေမယ့် ထိုဖက်တွယ်မှုလေးအောက်က လစ်ထွက်သွားသည်။

ဒီအပြုအမူကြောင့်ပဲ Baekhyun ဟာ Chanyeol နဲ့ပတ်သတ်ပြီး တစ်ခုခုစိတ်ခုနေတယ်ဆိုတာသိလိုက်ရလို့ မရရအောင်မေးရမယ်လို့ Chanyeol တွေးတောလိုက်သည်။

"Baek ကလေး ဘာဖြစ်နေတာလဲ ဘာတွေအလိုမကျဖြစ်နေတာလဲ"

အရဲစွန့်ကာ သူ့အနားကို နောက်တစ်ကြိမ်တိုးကပ်လိုက်ပြန်ပေမယ့် Baekhyun ကအရင်အတိုင်း ရှောင်နေဆဲပဲ။ Chanyeol အခွင့်ကောင်းယူပြီး ဆက်တိုးနေရင် Baekhyun ကုတင်စွန်းရောက်ပြီး အောက်ပြုတ်ကျဖို့ပဲကျန်တော့မယ်။

ဒါကြောင့် Chanyeol အနောက်ကိုနည်းနည်းပြန်ဆုတ်ပေးလိုက်တော့ အချစ်တော်ကလည်း မသိမသာ ဘေးနားပြန်ကပ်လာတယ်။ ကြည့်ရတာ ပြုတ်ကျမှာတော့ ကြောက်တဲ့ပုံပဲ။

"Baek တခုခုပြောမှ ဘာတွေဖြစ်နေလဲဆိုတာ ကိုယ်သိမှာပေါ့ ဘာလဲ မပြောပြချင်ဘူးလား Baek ကိုကျတော့ ကိုယ်အလုပ်ကနေ အိမ်ပြန်ရောက်တဲ့တောက်လျှောက် Baek နောက်ကွယ်မှာ ကိုယ်ဘာတွေလုပ်ခဲ့တာလဲဆိုတာ ပြောပြနေကျပဲကို...Baek ကအခုမပြောပြဘူးဆိုတော့ မတရားဘူးကွာ"

Chanyeol ဟာ သူများအမြင်မှာသာ လူကြီးလူကောင်းပုံစံ ယောင်ဆောင်ထားပေမယ့် Baek နဲ့နှစ်ယောက်တည်းရှိချိန်ဆို အနည်းငယ်ထဖောက်ပြီး Baek ကိုချွဲတတ်သည်။ ဒါကလည်း နှစ်ယောက်တည်းရှိချိန်မှပါ။ သူများတွေနဲ့အတူရှိနေရင် Baek ရှေ့မားမားမတ်မတ်ရပ်ပြီး သူရဲကောင်းလိုကာကွယ်ပေးတဲ့ အိမ်ထောင်သည်တစ်ယောက်ပုံစံပြောင်းလဲသွားပြန်ရော...