𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

Let's break up

Unicode

"Omma ကျွန်တော်သူနဲ့ဆက်မပေါင်းနိုင်တော့ဘူး"

"ဟယ် ဒီက​လေးတွေဘာဖြစ်ကြပြန်ပြီလဲ သေရောသေချာလို့လား အင်း သေချာစဥ်းစားပြီးမှသာပြောပါ သားရယ်"

"ဒီတစ်ခါကတော့သေချာတာထက်ကိုပိုတယ် ကျွန်တော်သူနဲ့လုံးဝဆက်မပေါင်းနိုင်တော့ဘူး ကွာရှင်းရမှကိုဖြစ်မှာ"

ဆုံးဖြတ်ချက်ခိုင်မာလွန်းနေသော ကျွန်တော့်ရဲ့တထစ်ချစကားကြောင့် ရုပ်မမြင်ရသော်လည်း လေလှိုင်းရဲ့တစ်ဖက်ဆီမှနားထောင်နေသော Omma ကိုပင် စက္ကန့်ပိုင်းလောက်တွေဝေသွားစေသည့်ပုံပါပင်။ Omma ကဘာမှဆက်မပြောဘဲ ခဏတာအသံတိတ်နေပြီးမှ

"ကဲပါ သူသားဘေးမှာရှိနေလား ရှိရင်သူ့ကိုဖုန်းခဏလောက်ပေးလိုက်ပါ Omma သူနဲ့စကားပြောချင်လို့"

"Omma သူ့ကိုဘယ်လိုပဲဖြောင်းဖျဖြောင်းဖျ ကျွန်တော်ကတော့ဆုံးဖြတ်ချက်ကိုပြင်မှာမဟုတ်..."

"ပေးမှာသာပေးလိုက်ပါ"

"ဟာ....."

Baekhyun မတတ်နိုင်တဲ့အဆုံး အံကြိတ်ရင်းခြေဆောင့်ကာ မီးဖိုချောင်ထဲသို့ဝင်လာလိုက်သည်။ မီးဖိုချောင်ရဲ့အလယ်က ထမင်းစားပွဲမှာတော့ အိမ်ရှင်အဒေါ်ကြီးပြင်ပေးထားသော မနက်စာကို Chanyeol ဆိုသောလူက စိမ်ပြေနပြေစား​ေနရင်း တစ်ဖက်ကလည်း လက်ထဲကသတင်းစာထဲမှ စတော့ရှယ်ယာစျေးကွက်ကိုကြည့်နေသည်။  ကျွန်တော့်ဘက်ကသာ သောကပင်လယ်ဝေနေသလောက် သူ့ကြည့်ရတာတော့ ဒီမနက်ခင်းက အတော်လေးကို စိတ်အေးချမ်းသာစရာကောင်းနေသည့်ပုံ။

ကျွန်တော့်သူ့အနားထိလျှောက်သွားလိုက်သည်အထိ သူ့ဘက်ကကျွန်တော်ရောက်နေမှန်းတောင် သိပုံမပေါ်သည့်အတွက် ပို၍စိတ်တိုလာမိသည်။ သို့သော်လည်း မနက်စောစောစီးစီး ရန်မဖြစ်ချင်လို၍ ကျွန်တော်သက်ပြင်းအရှည်ကြီးဆွဲချရင်း သူ့ကိုဖုန်းလှမ်းပေးလိုက်သည်။

သူ့ရှေ့ကိုရုတ်တရက်ကြီးဖုန်းလှမ်းပေးလိုက်တော့ သူကဘာလဲဆိုသည့်သဘောနှင့် စားလက်စကိုရပ်လိုက်ကာ မျက်လုံးလှန်ကြည့်လာသည်။ ထိုအခါ ကျွန်တော်က တမင်သက်သက် သူ့အကြည့်တွေကိုရှောင်တိမ်းလိုက်ကာ တစ်ဖက်သို့မျက်နှာမူရင်း