𝙈𝙮 𝙇𝙤𝙫𝙚𝙧 𝙞𝙨 𝙖 𝙣𝙖𝙪𝙜𝙝𝙩𝙮 𝙗𝙤𝙮​ [ᴄʜᴀɴʙᴀᴇᴋ]​

Happily ever after

Unicode

ပျော်ရွှင်စရာအတိနဲ့ အလိုအပိုမရှိဘဲ ကြည့်ရူသူတွေကိုပါ ပျော်ရွှင်မှုတွေကူးစက်စေတဲ့ ဇာတ်သိမ်းမျိုးထက် ဘယ်သူကများ ချစ်ရသူနဲ့ကွေကွင်းပြီး ရှင်ကွဲကွဲတာတို့ သေကွဲကွဲရတာတို့စသည်ဖြင့် ငိုကြွေးစရာတွေနဲ့ချည်း ပြည့်နှက်နေတဲ့ဇာတ်သိမ်းမျိုးကို သဘောကျမှာလဲ။

အကယ်၍သဘောကျမယ့်သူရှိခဲ့မယ်ဆိုရင်တောင် ကမ္ဘာပေါ်ကလူဦးရေနဲ့ယှဥ်လိုက်မယ်ဆိုရင် ဆယ်ယောက်တိတိတောင် ပြည့်ချင်မှပြည့်လိမ့်မယ်ထင်တယ်...

ရင်ကွဲမတက် အော်ဟစ်ငိုကြွေး​နေရတာထက်စာရင် ဝါးလုံးကွဲမတက်အော်ရယ်နေလိုက်တာကလည်း စိတ်အပန်းဖြေနည်းတစ်မျိုးပဲလေ။ ဒါကြောင့်လည်း လူတွေက သံသဃဖြစ်စရာမလိုလောက်အောင် ပျော်ရွှင်စရာကောင်းတဲ့အရာတွေနဲ့ပဲ မွေ့လျော်ချင်နေကြတာပေါ့။

Baekhyun လည်း လွန်ခဲ့တဲ့ရက်အနည်းငယ်အတွင်းမှာဆိုရင်တော့ ဒီအဆိုကိုလက်ခံကောင်းလက်ခံမိခဲ့လိမ့်မယ်ထင်တယ်။ ဒါပေမယ့် အကျိုးရှိလို့အကြောင်းဖြစ်လာတဲ့အခါ ကိုယ်မလိုချင်တဲ့အရာတွေကိုလည်း ဝမ်းနည်းစွာနဲ့ လက်သင့်ခံပေးရမှာပဲ။

စိတ်မကောင်းစွာပဲ ပတ်ဝန်းကျင်ရဲ့ကောင်းချီးပေးမှု တစုံတရာမပါဘဲ ခက်ခက်ခဲခဲတည်ဆောက်ထားခဲ့ကြတဲ့ Baekhyun နဲ့ Chanyeol ရဲ့အိမ်ထောင်ရေးဟာ မျက်စိတစ်မှိတ်အတွင်းမှာပဲ ပြုိလဲပျက်စီးရတော့မယ်။ ပြီးရင် သူနဲ့ဘာမှမပတ်သတ်ခဲ့သလို သူစိမ်းဆန်စွာနေထိုင်သွားကြရတော့မယ်။

ဒါတွေကို အခုချိန်ထိ Baekhyun ကြည်ကြည်ဖြူဖြူနဲ့ လက်ခံပေးဖို့ရာ ခက်ခဲနေတုန်းပဲ။ ဒီအခြေအနေကနေရုန်းထွက်ဖို့ Baekhyun နည်းလမ်းပေါင်းစုံစဥ်းစားခဲ့ပေမယ့် တကယ်တမ်းတော့ ဘာတစ်ခုမှ လက်တွေ့မလုပ်ဖြစ်လိုက်ပါဘူး။

အချိန်တွေကလည်း တရွေ့ရွေ့ကုန်သွားလိုက်တာ ဒီနေ့ဆို Chanyeol နဲ့ချိန်းဆိုထားတဲ့ရက်တောင် ရောက်လာပါရောလား။

Byun Baekhyun ဆိုတဲ့နာမည်လေးအောက်မှာ လက်မှတ်တစ်ခုရှိနေရမယ့်အစား  အမဲစက်ကလေးတစ်ခုတောင်စွန်းထင်းမနေတဲ့ ကွက်လပ်ငယ်လေးနဲ့ကွာရှင်းစာချုပ်ကို ကြည့်ကြည့်ပြီး သက်ပြင်းချနေတာလည်း ဘယ်နှစ်ကြိမ်တောင်ရှိနေပြီလဲမသိတော့ပါ။