حب وطموح

{1,2}

#حب_وطموح بارت 1,2

ازيكم ياجماعه أنا أسمى سلمى.عندى 18سنه وأخيراً هخلص الثانويه
طموحى مش أنى أكون مجرد بنت أخدت شهاده وقعدت بالبيت أنا طموحى اكبر من كده🥰👑 أنا عايزه العالم كله يشهد بنجاحى ويحكى عنه. تعرفوا أنا كنت بحلم وأنا صغيره أنى ابقى عالمة فضاء واطلع القمر هههههههههه مالكم بتبصو كده ليه
لأ مفيش مستحيل طبعاً. طب أقولكم سر تانى حلمى أطلع دكتورة جراحه  اساعد كل الناس ومقفلش الباب فى وش محتاج .واكون عالمه فى مجالى
لأ أنا مش مجنونه بس ده طموحى.. بس للاسف عندى طموح كبير أوى وسط عائله ليها عادات وتقاليد ظالمه😔 أنا من الصعيد.طبعا مش كل الصعايده متشددين.بس نصيبى اللى مش بايدى خلانى ابقى من عيله متشدده.امى هى وحدها اللى واقفه جنبى من غيرها كان زماني متجوزه من سن 13
تعرفوا عمى بينادينى بأى بيقولى يامعنسه عرتينا وسط البلد 😔 أصل عندنا البنت بتتجوز من 6ابتدائى والبنت اللى يفوتها قطر الجواز خالص بتتجوز فى 3اعدادى 🤣🤣شكلى عنست فعلا  ولا اى😕 بس دلوقتي مع أنى سعيده أنى أخلص الثانويه وهوصل لحلمى.بس حزينه لأنهم قرروا اتجوز من عمر.هتقولولى مين عمر ده هقولكم معرفش غير إسمه 👌
بس هو فى البلد اللى جانبنا✨ نسيت اقولكم أبويا عمده وكان فيه مشاكل بينه وبين عمدة البلد إلى جانبناده فقرروا ينهو الخلاف بان إبنه يتجوزنى 😳  آه اللى انتم فهمتوه صح جواز مصلحه...وأكيد طبعا هو متشدد زاى والدى
بس أنا مش هقبل بكده أنا لازم اوصل لحلمى ليه اتجوز شخص مفيش بنا اى تكافئ علمى أو تفكيرى لمجرد خايفه من كلام الناس.. ليه اتجوز شخص رافض اكون ناجحة إحنا فى عصر التقدم ولازم تفكيرنا يتقدم ..أنا مش هستسلم ومش هتجوز غير شخص شبهى..يكفى أنه يعترف بطموحى ويساعدنى أنجح اكتر..
أنا وطموحى هنكمل مهما حصل 🥰......

..................
حب وطموح... بارت 2

وأخيرا خلصت امتحانات الثانويه
اليوم هو تحديد مصير ايام السهر والاجتهاد اليوم النتيجة
ياترى هيحصل اى وياترى تعبى هيجيب اى
عمى حارس.. ها جبتى كام ياسلمى.على الله بعد ده كله تكونى فلحتى.
..الكلمه الطيبه صدقه ياعمى أنا مرعوبه وحدى وان شاء الله.هفلح أنا تعبت وربنا مش هيضيع تعبى
عمى حارس.. وكمان تردى عليا هو ده تعليم المدارس يابنت اخوي علمتك قلة الحيا وتردى على اللى أكبر منك
.... لأ ياعمى أنا مش قليله حيا  والمدارس علمتنى أنى أدفع عن نفسى وارائى المدارس نورتنى وفهمتنى الصح من الغلط.
ناديه بنت عم سلمى.. وهى المدارس كانت فادتك بأى يابنت عمى وجعتلك راسك وعيونك على الفاضى استفدتى اى كان
.... لازم تقولى كده ياناديه هتوقع اى من انسانه متعرفش الألف من الياء (طبعا مستغربين أنا بكلم ناديه كده ليه
مع أنى طيبه والله ومش بحب اجرح حد بس
أنا وناديه اولاد عم بنت عمى حارس وهى حرفياً مش بطقنى لأنها حاسه أنى احسن منها ومن واحنا صغيرين كانت بتخلى عمى يضربنى وكانت بتتهمنى ظلم وتخلى أبويا يحبسنى فى اوضتى وأحيانا من غير أكل وشرب أنا مش بكرها بس مش هسمحلها تبوظ مستقبلى زاى مابوظت طفولتى اللى كنت بقضيها فى اوضه مظلمه بتعاقب على حاجه معملتهاش وكانت تسليتى الوحيده هى القرايه عرفتو ليه بحب الدراسه لأنها هى اللى كانت بتونسنى وتنورنى كانت صحبتى)
ناديه وهى تدعى البكاء...بتقولى أى قصدك أنا شايف يابابا بتكلمنى ازاى عشان بنصحها.  كان زمانك متجوزه ومعاكى أطفال وعايشه معززه في بيت جوزك
....  طب مانتى وفقتى تسيبى تعليمك واتجوزتى واطلقتى واديك مستنيه حد تانى يتقدملك يعنى مش عايشه معززه
انتى كده لعبه ياناديه كل واحد بيلعب بيكى شويه بيستغلو عدم فهمك استفادتى اى لما سبتى تعليمك وشهادتك عشان تتجوزى واحد مقدرش حتى كلمه حلوه اتقالت له .عايزانى أبقى زيك مستحيل.
العم حارس يضرب سلمى بالقلم.. انتى شكلك عايزه ربايه من الاول. وكلها ساعات ونشوف إذا فلحتى يابنت المدارس ولا لع والجواز.ده قدرك يعنى مذكرتك دى ملهاش فايده لأن خلاص جوازك لتقرر  نحمد ربنا ان حد هيرضى بيكى

سلمى تبكى وتطلع لغرفتها وناديه تنظر لها بانتصار لأنها كالعادة تسببت فى ايذائها
....هو أنا قلت أى أنا قلت الحقيقه ليه الكل بيزعل من الحق ايوه انا مستحيل أبقى زيها اتجوز وممكن اخلف وبعدها يقولى مع السلامه اتجوز وأنا خايفه يطلقنى في اى وقت لمجرد أنى حاسه أنى عندى نقص قد اى بنات حواء مظاليم ملناش حق نتعلم ولا نختار الإنسان الصح اللى ميسبناش فى نص الطريق. لا أنا هكمل ياعمى هكمل وهوصل وأنت هتكون شاهد على وصولى وتعترف بيه
وفجأة صوت زغاريط من تحت...

....يتبع🥰#اميرة
#Aya