يوميات_كاتبة_صغيرة..
■غلطة شاب❌■
(الحلقة"2")
للكاتبه✍..شوشو المقرحي☆☆
وكملوا وطلعوا مروحين للحوش..
اول ماوصلوا درس علي السياره ويشوف في زحمة جنب الحوش..
نادين قلبها يدق وخافت ويسمعوا في صوت عياط..
اول ماقربوا جنب الباب يشوفوا في امهم تعيط ومنهاره عرفوا وقتها انه باتهم توفى..
وكانت اكبر صدمة يتعرض ليها علي
ومن بعد الصدمه هدي الي تعرض ليها علي كانت بداية الضياع في حياته....
لان باته كان سنده في الحياة وكان الانسان الوحيد الي يفهم عليه كان مصدر قوته والهامه..
وداروا العزاء وناس تبكي وعلي منهار ويبكي وخش لامه وضمها وقعد يبكي والي داخل كلهن يشوفن فيه وصعبت عليهن حالته ..
ام علي ضامه علي ونادين: اااااه ياكبيدتي لمن خليتني نا وولادك يناعلي الغالي عدا ينا علي عدا وخلانا ياوليدي وووووك عليا نا غير كيف اندير..
وكل كلمه من ام علي تزيد النار في قلب علي
وجن الجارات يهدن فيها..
بعد شوي خشت نوره بنتها المتزوجه..
نوره: وووووك علي ياباتي وووووك علي ياتاج راسي اااااه ياناس نار نااااار وجت تجري نزلت ع امها وتبكي وووووووك يااميمتي عدا وخلانا الغالي الي مايرضى فينا حاجه ااااااه موعرها ااااااه
وخش عم علي يطلع فيه من بين الزحمه وعلي كان ضعيف وضايع وعقله مش فيه..
ودفنوه ومر اسبوع ع وفاته..
بعد اسبوع📅..
في حوشنا🏠..
امي: سرو سرو
انا: ها ميمه
امي: هي نوضي للمدرسة
انا نضت درت دوش وفطرت ووصلتني ماما للمدرسة..
ماما: افطري ماتقوليش مانبي
انا: حاضر😚
حوش احنينه💒..
خالتي نوال: ياامي نوضي افطري هي
احنينه: نحس في راسي يسطر فيا وعيوني تقال
خالتي نوال: زعما ضغطك مرتفع
احنينه: ياودي ماني عارفه
خالتي نوال: باهي هي افطري وخودي حبتك وتو نرفعك للمستشفى..
احنينه: هالمستشفى مانحبها لانقبلها..
حوش علي🏡..
مع الساعه9:30..
ام علي: علي
علي: نعم ياامي
امه: نوض للكليه
علي: شوي بس
امه: هي نوض تو تتأخر ع محاضرتك وحتى الفجر اليوم ماصليته حاضر فوته عليك..
علي: تو انصليه..
ومشت نوضت نادين حتى هيا عشان تمشي للكليه..
ومن بعد وفاة والد علي علي تحمل كل مسؤليات الحوش وضغوطات عليه وشي ماكانش متعود عليه..
حوش عم علي🏘..
بات وليد: وليد نوض ياولد لكليتك
وليد: فوتني ياباتي
باته: اتنوض ولا
وليد: مافيش قراية
باته: لافيه اهو علي توا ماشي
وليد: تي علي ماتعرفه ياباتي حتى في العطله يمشي
باته: نوض قتلك😠
وليد: باهي نضت😩
سندس: الأبله شكلها مش جايه
انا: ايه الباين هكي
انا: به احكيلي شن درتي في العطله
سندس: سافرنا لتونس
انا: صحه ليك
سندس: وانتي سافرتي
انا: لا والله😔
شوي جت هاله..
هاله: شنجو يابنات
انا_سندس: تمام شنجوك انتي
هاله: اهو ماشي الحال قريب تسمعوني انخطبت😉
انا: منو ياحقيره😲
هاله: لالا تو مانقدرش انقوللكن بعد يصير من الموضوع نحكيلكن وعد
سندس: تو انشوفوا😞
