غلطة شاب ( روايات ليبية )

11

يوميات_كاتبة_صغيرة..

■غلطة شاب❌■

(الحلقة"11")

للكاتبه✍..شوشو المقرحي☆☆

انا استغربت: ليش جينا هنا
كمال: تو تعرفي
وبدا يحكي..
كمال: قبل كل شي نبيك تسامحيني
انا: علي شني بنسامحك
كمال: علي كل شي
انا: مافهمت
وكان مرتبك ومافهمت كنه المهم اموره متلخبطه وفيه شي بيحكيه ومتردد..
كمال: متمنيه ان يكون عندك اب وتحسي بحنانه متمنيه يكون عندك اب يعوضك عن كل يلي فاتك وتناديه بكلمة بابا
انا نسمع وساكته لاني مش فاهمه شي بعدها خطرت في بالي ان هوا يحكي هكي عشان يبي يتقدم لماما وحاط عينه عليها ويبي ياخد رايي لو انا موافقه او لا..
كمال: جاوبيني متمنيه يكون عندك اب
انا: انا فهمت عليك بس ماما مستحيل توافق ره
كمال: كيف يعني
انا: ايه والله ماما مستحيل توافق انك تكون انت بابا
كمال بصدمه: ليش انتي تعرفي بالموضوع
انا: ايه عرفت من كلامك
كمال بخوف: شن عرفتي
انا: ان انت تبي تتقدم لماما وتبي تاخد رايي وان انا اناديك بابا بعد ماتتزوجوا وتبي تعوضني عن الي فاتني من حياة الابوه كلها
كمال: لا مش هكي قصدي
انا: ها شني
كمال: انا بنكون باتك بس بدون مانتزوج امك وبدون التفكير الي تفكري فيه انتي بتكوني بنتي من لحمي ودمي مش نتزوج امك وتكوني انتي بنت زوجتي
انا: مافهمت
كمال قرب ومسكلي يدي: بنحكيلك قصه صغيره
انا : مع اني مافهمت شي بس احكي
كمال: قبل كان فيه اتنين متزوجين عن حب وكانت حياتهم حلوه في بداية زواجهم بعدها الزوج يبي صغار والمراه ماتبيش ودار جميع الطرق بس المراه معنده وفيه يوم ربي رزقهم ببنت حلوه كيفك انتي بالزبط والزوج فرح اما المراه دارت جميع الطرق عشان تتخلص من منها قبل ماتجي ع الدنيا بس قدرة ربي اعظم وجت البنوته ع الدنيا وقعد باتها مدلعها غير شن تبي بعد وصل عمرها خمس سنين الاب يبي بيبي تاني والام مسكره راسها هوا الاب من حقه الشي هدا بس الزوجه ماتبيش وفيه يوم كبرت بيناتهم القصه الزوج طلع وبعد رجع لقى مرته معصبه وطلبت الطلاق بدون سبب في لحظه الزوج استغرب ليش شن فيه المراه قالتله مانقدر انجيبلك صغار مره تانيه الزوج استغرب وسألها ليش به الطلاق قالتله انت تبي وانا لا ومعاش نقدر انجيبلك مره تانيه وقعدت تنتت وحالتها حاله والزوج كان يحبها بس اصرت ان هوا يطلقها فطلقها وكل واحد مشى في طريق ومارضيت تعطيه البنت مع انها كانت ماتحبش لصغار والراجل مشى في حاله وتزوج مرأه معيشته احلا عيشه وتوا عنده منها اربع صغار
انا بإستغراب: قصة من
كمال: هدي قصتي مع امك وانتي بنتنا
انا : نعم؟؟
كمال مسكلي يدي: حبيبتي انا باتك انا الي كنت بعيد عنك كل هالسنين انا الي ماحسستك بحناني سامحيني حبيبتي ومستعد انعوضك عن كل الي فات
انا مصدومه: نعم؟؟
كمال والدمعه في عينه حضني: سامحيني بنتي
انا دقات قلبي زادن ومش مستوعبه الي صار
كمال: حبيبتي سامحيني سامحيني
انا: انت بابا انت الي سيبتني وتخليت عني
كمال: انا ماسيبتك ماتخليت عنك
انا نبكي: انا ماحسيت بحنانك ولا بحبك ليا كنت ديمه انشوف في البنات مع بوهن وانا لا ديمه يحكن بابا جابلي وبابا دهورني وبابا وبابا وانا نكتفي بالصمت ليش ليش
كمال: اسف الضروف حكمت والعيشه حكمت والله انا من بعد طلاقي من امك انتقلت لبريطانيا وماحبيت نرجع ولا نتلاقى مع امك واول رجعه ليا كانت في ظرف شين بكل كنت الشاهد علي قضية اغتصاب بنتي
وطبس راسه وحط يديه ع عيونه وبدا يبكي
كمال: بنتي اغتصبوها وياما شافت وياما وانا بعيد عنها ماتمنيت رجعت وشفت الي شفته والله مقهور يابنتي والله باتك مكسور
انا قربت وحضنه وبديت نبكي معاه بالقوه: اااه يابابا اااه بنتك لصغيره الي خليتها وعديت الدنيا غدرت بيها وياما شافت من الدنيا اااه يابابا قداش استاحشت وتمنيت اناديك بالكلمه هدي اااه يابابا كم تمنيت انقولك نحبك وتلعبني ونتعارك نا وياك
كمال: وعد ياحبيبتي انعوضك عن الي فات وعد يابنتي وعد
انا: نحبك يابابا نحبك