يوميات_كاتبة_صغيرة..
■غلطة شاب❌■
(الحلقة"5")
للكاتبه✍..شوشو المقرحي☆☆
نادين: اف دراه كبد لقرايه
صابره: بكككل
نادين: قالوا فتحوا منتزه يهبل مشيتي
صابره: لا والله مامشيت
نادين: الله نبي نمشي تو انقول لخوي علي يرفعني
صابره: حق ع سيرة خوك امس ريت خوك يدخن مش قلتي مايدخنش
نادين: متأكده خوي علي😲 لالا مستحيل
صابره: والله هوا متأكده
نادين: لالا مستحيل اكيد شبهتي عليه
صابره: وربي شفته يدخن ومعاه وليد ولد عمك
نادين: حي ع امه الفرخ كان يطلع حق
صابره: اصلا مافيش ولد مايدخنش الوقت هدا تلقيه يدخن من قبل غير انتم ماتندروش عليه
نادين: مش عارفه 😔
وشوي طلع علي من المحاضره وروحوا للحوش..
عم علي: وامها تزن من جيهه وهوا مايبيش يخسرها البنت
ام علي والدمعه في عينها: الي يريحكم ديروه
عم علي: يعني مسامحتنا
ام علي: مسامحين
شوي خبط الباب دق دق دق دق..
ام علي: اهم اكيد لولاد جو
وناض عم علي فتح الباب..
علي: اهلين عمي
عمه: كيف حالكم
نادين وعلي: الحمدلله
عمهم: هي نستأدن توا
ام علي: باهي مع السلامه
وطلع وسكر الباب وعلي ونادين خشوا ومعاهم امهم بعدها قعدت ع الطاوله وتبكي..
نادين: كنك ياامي
علي: شن فيه شن قالك عمي مالا
امهم: اي بالله عمكم بيعرس ولده وبوكم مات علي روحه
علي بصوت عالي: شني بيعرس تي باتي ماليه واجد كيف ميت وتو هدا بيعرس ولده
امهم زادت تبكي: اااه فراقه نار وانا بس الي حاسه بيها
نادين: خلاص ياامي ماتبكيش..وحضنتها وقعدت تبكي
علي: تو انوري دين اصله
ومشى لبس صباطه وبيطلع ناضت امه تجري مسكاته
امه: تربحك اوليدي فكنا من المشاكل
علي: بالله خليني ياامي
وطلع وقربع الباب ومشى حوش عمه..
علي بصوت عالي: وينه الي بيعرس لولده وخوه متوفي
وطلعوا سامي وسليم..
سامي: نقص صوتك
علي بصوت مجروح: وين باتك
شوي وطلع عمه..
عمه: كنك ياعلي
علي بصوت عالي: خوك مادارش سنه وانت طول هكي فرح ومش فارقه معاك
عمه: كلمت امك وامك مسامحتنا وانا مابيدي شي انديره
علي: امي امي تي المفروض حتى لو امي قالتلك ديره مااديره خزي ع العمام الي هكي
سامي: ياكلب مااتعليش صوتك ع باتي
وجاء يجري ضربه ونزلوا فيها عركه هما لتنين وجاء بات سامي وخوه يحزوا..
علي وخشمه ينزف: تفي
وطلع روح لحوشهم والدمعه في عينه..
امه: اوليدي هدا شني الدم شن درت
علي: مادرت شي ومعاش عندي لاعم لا هم احرف وبنلقى دين اصله هنا مره تانيه بنكسره لاهوا ولا المفرخ متاعه
امه: يااوليدي تعودب من الشيطان
علي بصوت عالي: كلامي واضح
وخش لداره قعد ع السرير وطلع دخان وقعد يدخن ويدكر في باته وفي كلامه ونصائحه ومضايق ع الاخر
عمي: شني ان شاءالله تجاوبي في الامتحان
انا: الحمدلله انجاوب
عمي: به كويس بالنجاح ان شاءالله
انا: ان شاءالله
ووصلنا للحوش ونزلت
انا: هي تفضل عمي
عمي: لاصحيتي سلمي عليهم
انا: يوصل
دق دق دق
خالتي نوال: من؟؟
انا: انا ساره
وفتحتلي الباب وخشيت وسكرت الباب
انا: شنجو
خالتي: تمام
امي: اهلين ابنيتي
انا: اهلين وين احنينه
امي: راقده عطيناها تغدت ورقدت
خالتي: هي خشي بدلي عشان تتغدي
وخشيت ادوشت وصليت وطلعت تغديت انا وامي وخالتي بعدها خديت شوي غفوه وبعد العصر نضت صليت وكسدت ع قرايتي..
