يوميات_كاتبة_صغيرة..
■غلطة شاب❌■
(الحلقة"20") الأخيييره😍
للكاتبه✍..شوشو المقرحي☆☆
طلعت بناخد قهوه انحس في راسي بينفجر وانا ماشيه في الممر تلاقيت مع علي وكان طايرتله ع الاخر فات من جنبي وكأنه مايشوف فيا ماقال لا صباح الخير ولا شي..
انا: اف كنه هدا
شوي جت رهف وراه مستعجله
رهف: شفتي علي
انا: فات من هنا
رهف: به شكرا
ومشت وراه..
انا استغربت ومشيت وراهم قتلني الفضول وصلت جنب المختبر ومشيت للحجره متاعه هدوء ما توقعت يكونوا قاعدين فتحت الباب وخشيت وانصدمت كان علي طايرتله ورهف حاضنته ويديها وراء رقبته وهوا يشوف ع الجنب ويديه لوطه..
بعدهاعلي دف رهف: تعرفي تخبطي وله
انا : اسفه
وقعدت انشوف فيه وعيوني في عيونه ماقدرت نستوعب الي شفته بعدها مسح بيده علي لحيته وطلع
رهف: ماتفهمي غلط
انا: لا عادي
رهف: مافي شي بيني وبينه
انا: ولو فيه انا مالي علاقه
رهف: يعني الكلام مابيطلع صح☺
انا: كوني هانيه
رهف: شكرا
وطلعت وانا مازال مش مستوعبه بعدها طلعت مشيت لمكتبي..
امي: الكلام الي تقول فيه مايخش للراس ياكمال
بابا: غير اهدي
امي: كيف نهدى
بابا: انا الاسبوع الجاي بنجي ويصير خير انا عارف شن اندير كويس
امي: به الي يريحكم انا طرطوره كل شي يمشي من وراي وساكته
بابا: تي ماتقوليش هكي تو انجي ونتفاهموا غير ماتجيبيش سيرة لساره
جنات: عجبك الجو
ميار: تي كيف مايعجبني وانا في المانيا ياهبله
جنات: صحه ليك ماتنسيش تصوري وتبعتيلي
ميار: ولا يهمك😉
جنات: عيشي حياتك وماتخلي حاجه مااديريها
ميار بضحكه: بالله وين انعيش حياتي
جنات: كنك
ميار: بعد انجي انقولك
جنات: وراك شي😃
ميار: امم
جنات: قولي توا
ميار: بيناتنا
جنات: اكيد
ميار: حامل🙊
جنات: صقع علينا تي وين هكي بدري
ميار: مش مني 😭😭
جنات: صار قلتيلي الصاحب مايقدرش يصبر
ميار: بكل
جنات: باهي ان شاءالله من قسمك حبيبتي والله فرحتلك وديري بالك ع روحك
ميار: تسلميلي ان شاءالله ربي يعطيك حتى انتي
جنات: اه ان شاءالله يااخويتي
وسكرت منها وجاها شعور اخي كيف تشوف في البنات يحملن وهيا مازال ربي مارزقهاش 😔
خالتي فرح: حاسه بدوخه من الصبح
عمي مندر: به ارتاحي
خالتي: وين نرتاح بالله
عمي: ارتاحي تو نطلب وجبه من بره
خالتي: لالا
عمي: لالا عينك غير اقعدي وماعليك في الباقي
خالتي: به 😊
جاء وقت الغداء الكل طلع وانا قعدت في مكتبي وعلي حتى هوا ماباش يطلع ورهف قاعده في الصاله تستنى فيه يجي..
علي جاه اتصال من عمه
علي: نعم😲😲
عمه: ايه☺
علي سكر وفرحان بيطير وبدون شعور جاء يجري لمكتبي فتح الباب وخش انا وقفت..
انا: نعم شن تبي
وجاء حضني حضن حنون نساني كل اهمومي ماحسيت بشي غير كل احاسيسي راكعات ليه واستسلمت في حضنه وهوا قاعد حاضني بعدها شبحلي وباسني علي خدي
انا دفيته: اوعى علي روحك
وطبست راسي وبعدت
علي: انتي مش حاسه بيا عشان هكي
انا: امشي لرهف بالك محتاجه حضن منك انا مش لعبه ولو اتفكر تلعب وبتاخد الي تبيه فبنات الناس مش لعبه
علي: به قولي الي تبيه مش هامني😤 نحبك😍
وطلع وفرحان وانا مستغربه كنه شن صارله بعدها جاء وقت مرواحتي وروحت..
