يوميات_كاتبة_صغيرة..
■غلطة شاب❌■
(الحلقة"15")
للكاتبه✍..شوشو المقرحي☆☆
حوش وليد🏠💚💚
اول ماخش علي نادين نزلت يدها من علي رقبة وليد ووليد بعد عنها..
علي: شن فيه
وليد مرتبك: مافي شي
نادين مطبسه راسها
علي: انا قلتلك دير بالك عليها ماقلت تقرب منها شن الحركه الي كنت دايرها
بعدها شبح في نادين: وانتي شني
نادين: مافي شي من الي في بالك صدقني
وليد: علي اس...
علي: سكر فمك ولا كلمه ماتناقشني وصبي معاي انتي
وليد ناض: وين ياعلي غير افهمني والله مافي شي بيني وبينها
علي: سكرلي فمك
وليد بصوت عالي: علي انكلم فيك
علي وقف: ماتخليني انمد يدي عليك
وليد: مدها هي نبيك تضربني اصلا
علي دفه بالقوه: تي فوتني ياراجل
وبعدها قال لنادين تلبس عبايتها نادين لبستها وطلعت مع علي..
علي: وين مفتاح سيارتي ياعمي
عمه: عند نوره اختك
علي: به عطيني مفتاح سيارتك
عمه: هاك
علي: اطلعي قدامي
وطلع هوا وياها ركبها معاه وفات بالسياره وليد طلع وراه وركب في سيارته ويمشي وراه..
علي مشى لمزرعة عمه وقف السياره ونزل ونزلت نادين شوي ووقف وليد .
علي: خير امك انت شن تبي
وليد: الي نبيه انك ماادير شي لنادين
علي شبح في نادين: شن فيه بينك وبينه
نادين ببراءه: والله مافي شي بيناتنا
علي: شن تبي منها انت ها تبي تلعب ولا شن تبي بالزبط
وليد بعصبيه: نلعب هه انا لما نبي نلعب نعرف ع من نلعب مش نلعب ع بنت عمي ياعلي الفتره هدي كلها اختك معايا ونقروا مع بعض نسهروا مع بعض لو كنت نلعب كان لعبت من زمان عندي جميع الفرص عشان نقرب منها كانت جميع الطرق توصلني ليها بإمكاني خديت الي نبيه منها بس انا اختك نحبها تفهم شن يعني نحبها وبما اني نحبها فنخاف عليها من روحي قبل اي حد
نادين: وليد انا مانحبك انا نشوف فيك زي علي وليد نحنا مافي شي بيناتنا
وليد: نادين ماتخافيش من خوك انا عارف شن فيه في داخلك حتى لو ماتكلمتي عيونك فاضحاتك
نادين: وليد اسكت خلاص انا وانت مافي شي بيناتنا
وليد بصوت عالي: بس انا نحبك افهمي
علي: انا عطيتك اختي امانه عشان ادير بالك عليها وان....
وليد قاطع علي: اقسم بالله درت بالي عليها ومانقصت عنها حاجه ومافي يوم قربت منها ولا درت معاها شي مش مزبوط وربي شاهد عليا واهي قدامك اسألها بلكي في يوم غلطت معاها في شي
علي: انت شن تبي به
وليد: نبي اختك علي انا حبيتها ونبيها
نادين قلبها يدق: وليييد
علي: تبيه انتي تحبيه تبي تكملي حياتك معاه
نادين: ااا
علي: سؤالي واضح تبيه تو انتم الموضوع ماتبيه ننهوا كل شي هنا
وليد يشوف في عيونها نادين شبحت فيه بعدها طبست راسها..
وليد: نحبك انا
علي: وليد اسكت لو سمحت
وليد: مابنسكت نحبها والله نحبها
علي: نادين تبيه ولالا قولي
نادين: ايه نبيه
وليد: كنت عارف مش حترديني شكرا نادين
علي: تكلم باتك واتملي موضوعكم في اقرب وقت ولا فوت الموضوع بكل
وليد: حاضر
علي: هي اركبي انتي في السياره
