يوميات_كاتبة_صغيرة..
معليش قروبي صارت لخبطه في الحلقة الي فاتت
سبقت الاحداث ونزلت الثامنه قبل السابعه
يلا ماصار شي واهي الحلقه السابعه وقيموا القدر😉
■غلطة شاب❌■
(الحلقة"7")
للكاتبه✍..شوشو المقرحي☆☆
ادوشت ولبست توته كم مش تقيله واجد لان الجو بدا يصقع شوي وكنت تعبانه ومدقدقه ع الاخر حتى نت ماعندي نيه نفتحه وحطيت تليفوني وطفيت الضي وبنرقد شوي ورن تليفوني رفعت بنشوف من..
انا بصدمه: هدا من وين جاب رقمي😲🤔
وطبعا كان المتصل وليد وانا مسجله رقمه من ايامات المستشفى لما درنا حادث معاهم سجل رقمه وقالي كان احتجتي شي المهم قعدت انشوف الرقم ورن لعند فصل مارديت وبعدها عشش قعد يتصل وخلاص بعدها حطيته ع السايلنت ورقدت شوي ادكرت قلت توا الساعه 2 شن يبي يتصل الوقت هدا معقوله يكون علي صايرله شي وهوا الي يرن عليا وافكاري قعدن يمشن ويجن بعدها نضت ورديت..
انا: الو
وليد بصوت متخدر: الو شنجو
انا بخوف: من ؟؟
وليد وصوته مرتخي: ساره وله
انا: ايه ساره تفضل
وليد: اسمعي لنقني خاطري فيك مالاخير
انا: مافهمتش
وليد: يعني نبي.....
انا بصدمه سكرت عليه وقفلت تليفوني وعرفته انه مش واعي واستغربت من وين جاب رقمي معقوله من تليفون علي وقعدت انفكر وانفكر ولعند ماخداني النوم
عماد: حبيبي
خالتو بصوت يادوب ينسمع: هممم
عماد بضحه رومانسيه: دايبه ولا بترقدي😃
وقعد يتحرك بيعدل المخده..
خالتو: حبيبي خليك
عماد: قاعد ياروحي قاعد
وزاد حضنها ليه وقعد يلعب بيده في شعرها بشوي وكل واحد حاس بحنان وحضن التاني..
الصبح🌄》》■■□□
امي: سرو
انا: نعم
امي: هي نوضي عاونيني انلم الدبش بيش بنروحوا
انا: واحنينه بنرفعوها معانا
امي: ايه اكيد مابنخلوها
ونضت انا وامي وخالتي فرح ضمينا الدبش ودبش احنينه وجاء عمي مندر رفعهن ومع الساعه 1 كملنا الحوسه ودرنا غداء خفيف مقلي ومشروب..
حوش علي🏡💙💙••
امه: زيد
علي: لا خلاص الحمد لله شبعت
امه: صحه
علي: سلمك
وخش لداره واتصل بيا وطبعا انا تغديت وادوشت وخشيت رقدت لاني كنت تعبانه ونايضه بكري
علي: اف وينها من امس
شوي دق باب داره وكان وليد..
علي: وليد
وليد: وينك اليوم ماجيت قلت خليني نمشيله
علي: شنجو
وليد: تمام
وطبعا علي مش حاكي شي لوليد عن علاقتي نا وياه
وليد: شني مازال ماقلت تبي حبه
علي: الي عطيتهن ليا مازال ماتمن
وليد: به كان تبي قولي نعطيك
علي: باهي
وليد: وين هديكا البنت جت لحوشكم مره تانيه
علي بإستعباط: من هيا
وليد: صاحبة اختك
علي: عليش تسأل عليها
وليد: حاطها في راسي بنطيحها بنطيحها
علي ماسك روحه بالسيف: شن هيا
وليد: ايه والله الي سمعته تعرف النوعيه من البنات هدي بكلمتين تقدر تكسب قلبهن اه لو اطيح بين يديا
علي ماقدر يمسك روحه جاء قرب ودفه
علي: كنك انت ازح
وليد: انت الي كنك مش متحمل فيها شي تي مش اختك ولا مرتك وبلا كدب حتى انت خاطرك فيها كان اطيح بين يديك تنزل فيها نزلت بنت كلب
علي مازال ماسك اعصابه: انا بنرقد
وليد: نفهمها توزيعه
علي: كيف ماتبي
وقلب وجهه ورقد ع السرير
وليد: هانيه هي سلام
وطلع وقربع الباب وروح لحوشهم وعلي طايرتله ع الاخر من كلام وليد وناض خدا حبه وقعد يضرب في يده ع السرير بعدها طلع مشى لأمه••
