يوميات_كاتبة_صغيرة..
■غلطة شاب❌■
(الحلقة"12")
للكاتبه✍..شوشو المقرحي☆☆
نادين ادق علي دار وليد..
دق دق دق
وليد: ...
نادين: وليد
ماحدش يرد بعدها فتحت الباب وخشت لقاته حاط السماعات ويلعب بالبلايستيشن نادين قربت ونحتهن من ودانه
نادين: من امبكري اندق ع الباب
وليد: ماسمعتك
نادين: اهو عشاك تعشى
وليد: وين ماشيه
نادين: بنمشي لداري
وليد: لاخليك تعالي كولي معاي
نادين: الحمدلله شبعانه
وليد: به خليك
نادين بإستغراب: شن تبي
وليد: تلعبي معاي بلايستيشن ؟؟
نادين: 😃😃ايه عادي
وليد: به طلعي الديسكه ركبيها علي ماكليت
ونادين ركبت الديسكه وعلي تعشى وكمل وناض بيرفع السفره
نادين: هاتها تو اندخلها
وناضت دخلتها وعلي فتح لفريز الي في داره طلع الجولاطي والسميسه والشبس الي شراهن امبكري وطلع اتنين ببسي
نادين غسلت السفره ورجعت لدار وليد..
وليد: تعالي هي
نادين: شوط بس لاني نعسانه
وليد: غير هيا بس شوط عينك
وجت قعدت..
نادين: حي من وين طلع الجو هدا
وليد: 😃من مخزني السري
نادين: 🙊
وليد: هاك خودي
وفتحوا الجولاطي وقعدوا ياكلوا
وليد: هي بسم الله نبدوا
نادين: عارفه روحي بنخسر فلهدا مابندير روحي شجاعه
وليد: 😃😃مرات تفوزي
نادين: ماضني
وقعدوا يلعبوا ويتعاركوا بالبصاره بعدها تمت المباراة وكانت وليد 4: نادين0
نادين حطت اليد: خلاص معاش بنلعب😭
وليد: هييي انا فزت😝
نادين قعدت تشوف فيه وساكته
وليد بطل ضحك: كنك
نادين حطت يديها ع عيونها وتبكي
وليد: ياهبله انبصر ره
نادين: خطرت عليا علي والله استاحشته واستاحشت ماما وحتى بابا
وزادت تبكي اكتر واكتر وليد ماقدر يمسك روحه قرب وضمها ليه وقعد يواسي فيها وعيونه مليانه دموع
وليد: خلاص يا نادين مااضايقيش روحك
نادين: انا قعدت وحيده لا خوي ولا ماما ولابابا
وليد: معاش تقولي هكي انتي مش بروحك نحنا كلنا معاك خلاص معاش تبكي
وقعد يواسي فيها ويطبطب عليها وهيا راقده علي كتفه بعدها شبحلها لقاها راقده وليد قعد سارح فيها ويشوف في ملامحها بعدها ادكر كلام علي ليه..
علي: اختي امانه عندك ياوليد ماتخلي شي يأذيها ودير بالك عليها..
بعدها قعد ينوض فيها
وليد: نادين نادين
نادين: ها
وناضت وكانت متحشمه من اللقطه..
نادين: اسفه.. هيا تصبح علي خير
وليد: وانتي من اهل الخير
نادين ابتسمت وطلعت مشت لدارها ورقدت ع طول ووليد طول الليل مارقد وهوا يفكر في نادين وعلي والكليه وكيف بيدير باله ع نادين وهوا يوم يمشي ويوم لا والكليه يوم الاحد تبدا وبعد تفكير وصل لقرار حاسم انه بيسيب الشله كان صعب عليه بس هدا هوا الصح ومن بعد القرار هدا حتتغير حياته للأفضل وبيشكر ربه انه بعتله نادين عشان يقرر يسيب الشله الفاسده ويهتم فيها وتتغير مجرى حياته من اقصى اليسار للطريق الصحيح..
يوم الجمعة 💜
الصبح🏡❣❣⛅⛅
امي: صباح الخير
انا: صباح النور
امي: وين هالساكو والدبش وين ماشيه
انا: امي الله يخليك ماتزعلي بنمشي مع بابا لبريطانيا
اني بصدمه: نعم وين بتمشي معقوله هدي اخرتها بتسيبيني بتسيبي امك الي رباتك وبتمشي مع الي سيبك وانتي في امس الحاجه ليه حرام عليك
وطلعت وسكرت الباب وخشت لدارها وتبكي نضت مشيتلها..
انا: ياماما انتي فهمتي غلط انا مابنسيبك فتره بس عشان تتغير نفسيتي ونطلع من الحاله الي انا فيها وبعدها نرجعلك والله
امي: امشي امشي عادي نقعد بروحي
انا جيت حضنتها: ياماما افهميني انا مستحيل ننساك
امي: بالله خليني في حالي وناضت طلعت..
