يوميات_كاتبة_صغيرة..
■غلطة شاب❌■
(الحلقة"6")
للكاتبه✍..شوشو المقرحي☆☆
ادكرت اني قافله تليفوني مشيت فتحته وكنت نبي نفتح نت ومتحشمه من موقف امس بعدها استسلمت وفتحته واول شي خشيت ع الماسنجر ولقيت رسائل من علي اول مافتحت الدردشه لقيت علي باعتلي صورته وهوا لابس البدله العربيه ومعاها الزبون قريب انجنيت طالع بيها يهبل حاجه صح..
علي: اهي صورتي ياانسه ساره قبل ماكنت نبي نبعتها مع انك مصره تشوفيني بس بعد ماطلعتي تعرفيني فقررت نبعتها ليك شن رايك😊 وخليها عندك دكرى
وقعدت انكبر وانصغر ونتأمل فيه ملاك ياناس يجنن بعدها جاني جكتوري نشط الأن
انا: حي فتح😲
علي: اهلين.. جمعه مباركه💙
انا: مرحبا.. ع الجميع☺
علي: شنجوك.. وينك امس
انا: تمام.. رقدت
علي: نوم الهنا معقوله ترقدي وتخليني😟
انا: معليش
علي: به معاش تعاوديها😡
انا: اوك.. وع فكره حلوه البدله العربيه ماشيه معاك ومع الزبون اطلع طول
علي: احم احم
انا: 😃😃
علي: به وانتي
انا: انا شني
علي: امتي بتبعتي صورتك
انا: لالا مابنبعت
علي: به انا انقولك حاجه
انا: شن هيا
علي: مالاخير والله انا انعجبت بيك اقسم بالله من اول يوم ريتك فيه مش عارف هكي حركتي فيا احساس مافيش بنت قدرت اتحركه
طبعا انا ساكته ونقرا••
علي: يعني بدون لف ودوران لو تقدمتلك توافقي
انا نقرا ومصدومه😲
علي: ولو تبيني انجيب امي قبل ماانديروا علاقه ولا شي عادي عشان انكون صادق معاك
انا: بلا جو ياعلي
علي: والله ماانبصر ولا اندير في الجو اقسم بالله نبيك جديات ومش ناوي نلعب
انا: ليش انت حكيت لأمك يعني🤔
علي: لالا انتي موافقه ولالا قوليلي قبل
انا: مش عارفه
علي: انا عارف انك مش مصدقتيني سرو عطيني رقمك بنكلمك لو مافيش ازعاج
انا: لالا احكي هنا
علي: لالا نحكوا صوت احسن ونتفاهموا وانا والله نيتي شريفه يابنت
انا كنت متردده نعطيه الرقم بس بما ان خو نادين ونعرف اخته ف مش حيصير شي
انا: باهي تمام .. ••09281624
علي: اوك😍
شوي واتصل وطبعا كنت متحشمه لان اول مره نسمع صوته ويسمع صوتي ع التليفون..
علي: الو
انا: اهلين علي
علي: شنجو
انا: تمام الحمدلله
علي: انتي ساره
انا: ايه😃
علي: تهبلي صوتك عسل براءه
انا وطبعا متحشمه: شكرا
علي: به خلينا انخشوا في الموضوع طول انا اتصلت عشان انقولك نبيك ونيتي شريفه وناوي بالحلال ونبيك تجاوبيني موافقه ولا لا عشان نحكي لامي
انا: •••••• ولا كلمه
علي: ساره
انا: نعم
علي: ليش سكتتي ردي
انا: شن بنقول
وطبعا في خاطري كلام واجد نبي انقوله ونبي انقوله موافقه ومش عارفه كيف
علي بصوت واطي: نحبك يابنت
انا: •••••
علي: نحبك هيا قوليها حتى انتي نبي نسمعها منك نبي نسمع موافقتك هيا
انا: ••••
علي: هيا
انا: •••••
علي: تمام فهمت اسف لو ازعجتك ساره سلام
انا: اعليوه🙈
علي بفرحه: نعم
انا: حتى نا نحبك🙊
علي: ينا علي واخيرااااا
انا: ونتمنى مانندم ع الخطوه الي بنخطيها معاك
علي: والله مارح تندمي بكل
بعدها قالي بنسمعك حاجه..
