يوميات_كاتبة_صغيرة..
■غلطة شاب❌■
(الحلقة"13")
للكاتبه✍..شوشو المقرحي☆☆
بابا: به شن رايك تكملي قرايتك هنا
انا بفرح: حقا😍
بابا: ايه وفي الجامعه الي فيها انا
انا: ياريييت😍
بابا: يعني خلاص انتملك اوراقك
انا: ايه خلاص😊
بابا: خلاص تمام هي نوضي توا
انا بحزن: بس فيه حاجه
بابا: شني
انا: ماما بتقعد بروحها☹
بابا: معاها امها مش بروحها وخواتها
انا: اف بس انا قلت فتره ونرجع
بابا: ايه ومن قال مش حترجعي بين كل فتره تمشي تقعدي وبعد تبدا لقرايه ترجعي
انا: ان شاءالله 😊
حوش وليد❣❣
نادين: اف كنه هدا ماطلع تأخرت ع المحاضره
عمها: انتي مازال قاعده
نادين: نستنى في وليد مازال ماطلع
عمها: تلقيه راقد هالولد
نادين: به تو انشوفه
عمها: هي انا طلع تعالي انوصلك وخلاص
نادين: به انشوفه بيش يلحق ع المحاضره التانيه ع الاقل
عمها: به امشي وتلقيني في السياره
ورقت لوليد عشان تنوضه دقت ع الباب وخشت لقاته لابس وموتي روحه ويزبط في شعره ع المرايا..
نادين: تأخرنا ره
وليد: امشي بروحك مانيش ماشي انا
نادين: وليش
وليد: انا حر
نادين: من بيروح بيا به
وليد: ضروفك
نادين بعصبيه: به تو نشوف صاحب الحافله نسجل معاه عشان يروح بيا ويجي يرفعني
وجت بتطلع علي جاها وطايرتله شدها من يدها ودخلها وسكر الباب
نادين: حول عني
وليد دفها ع الحيط وضاغط علي يدها: حافله امك والله مش راكبه فيها هي
نادين: لا بنركب مش ماتبيش ترفعني
وليد بصوت عالي: مش انا نحرج فيك جنب صحباتك ومش انا الماضي متاعي امسخ ومش انا متحشمه تمشي معاي ومش معترفه بيا اني ولد عمك خلاص عليش تبيني نرفعك ها تكلمي
نادين الدمعه في عينها وقلبها يدق: خلاص حول عني
وليد: مانيش محول انا سيبت الشله علي شانك علي شان نهتم بيك ونكون قد كلامي مع خوك وكنت بنسيب امها لقرايه وجددت قيدي ونزلت مواد ع خاطرك ع خاطر ماتكونيش بروحك وفي النهايه طلعت انديرلك في احراجات صح وله
سليم فتح الباب: وليد
شوي تلفت ع اليسار لقاه ماسك نادين ع الحيط بعدها وليد فلت يدين نادين بالقوه..
وليد: تعرف تخبط وله
نادين طبست راسها وطلعت
سليم: شن الي صاير شن فيه
وليد: مالك علاقه وطلع
سليم جبده من يده: رد بالك تقرب من بنت عمك هدي شرفها من شرفك فاهم وله
وليد بصوت عالي: ريتني قربت منها تو
سليم: المهم اني خبرتك ماتضحكش عليها تبيها امشي لباتك
وليد: تي باهي به
وطلع وخلاله الدار نزل لقى نادين مش قاعده
وليد: وين مشت الهم لحرف..
حوشنا🏠🍁🍁●●
احنينه: هي تعالي انتي مابناكل بروحي
امي: ما خاطريش
احنينه: يابيني لعند امتى بتقعدي علي هالحاله بنتك سيورها بترجعلك
امي: افطري ياامي بس
احنينه: هاني نفطر ماوقفت
علي: 😂😂عنجدك وخلاص
نادر: قالك فيه ليبيه مشت للخارج ولبست قصير وميشت الشعر هدا كله ع خاطر مايعرفوها انها ليبيه فيه يوم قاعده في الحديقه بالصدفه فات من جنبها ليبي جاء قعد جنبها شبح فيها بنص عين قاللها الاخت ليبيه؟؟ قالتله بسم الله كيف عرفتني مع اني اميشه الشعر ولابسه قصير قاللها الركبه سوده ياقرده😂😂
علي: 😂😂😂😂😂😂😂 ووك يافرخ
نادر: انزيدك😉
علي: لا تربح خلاص بطني من الضحك مش قادر😂😂 بالله من وين امحصلهن هالنكت
نادر: ااه يااعليوه هدينا كانت تقول فيهن ليا لكبيده الله يرحمها
علي بحزن: الله يرحمها
نادر: تعرف انت قول الحمدلله لانك لو طلعت بترجع تشوفها اما انا ااه خلاص خسرتها للأبد..
علي ضربه ع كتفه: ماتزعلش يا نادر ان شاءالله ربي يعوضك بأحسن
نادر بضحكه: تي غير نطلع مرات نموت قبل لا نطلع😃
علي: بعيد السو
