يوميات_كاتبة_صغيرة..
■غلطة شاب❌■
(الحلقة"8")
للكاتبه✍..شوشو المقرحي☆☆
اول ماخشت نادين للصاله..
نادين بصدمه: هدا شني شن اديري هنا انتي
بعدها شبحت في علي لقاته مصدوم
نادين: شن الحاله الي واصلينلها انتم لتنين
ام علي: بتجلطوني بتجلوطي هدا شني
انا بصوت عالي: اغتصبني ولدك ولدك ضيع شرفي يااعميمه
نادين جت تجري ومسكتني وقعدت تهز فيا بالقوه: شرف شني الي ضيعها ليك انتي شن جابك هنا اصلا
بعدها شبحت لقميصي لقت كل ازرار قميصي منحيه مافيش الا لتنين الاخيرات نادين انصابت بصدمه
ام علي طاحت ع طولها ومع خشت امي وقفت وتشوف فيا وعيونها كلهن خيبه ووجع..
امي: ياخسارة تربيتي فيك ياخسارة تسع شهور الي قعدتيهن في بطني ياخساره بس
انا بصوت عالي وحرقه: ضحك عليا ياماما اغتصبني والله مش بإرادتي هوا الي قالي تعالي هوا الي قالي نادين عارفه هوا السبب هوا ماكنتش عارفه الحوش فاضي اااااه يا امي
علي يبكى وحط يده ع راسه: بناخدها انا والله بناخدها والله ماضحكت عليك ياساره
امي جت تجري وضرباته كف من حرقت قلبها لعند ماطبع الخاتم ع خد علي
امي: بنمسح بكرامتك الارض والايام بيناتنا
وبعدها جت نوضتني بشوي ورفعتني للسياره..
ام علي: ياحيف ياحيف وينك يامحمد تعال شوف العار الي داره ولدك تعال
نادين تبكي: ياريتني متت ولا شبحت هاليوم
ام علي: اااه اااه صدري مخنوقه جيبيلي ميه
وبعدها غابت عن الوعي ورفعها علي ركبها في السياره ومعاه نادين ورفعوها للمستشفى..
امي: كيف اندير كيف وين بنمشي بيه هالعار
انا: والله انا بريئه ياامي والله
امي: ياريتك متي في بطني ولا طلعتي ودرتي العار ياخسارة تربايتي وتعبي فيك ياخساره بس
واتصلت بخالتي فرح..
امي بصوت مجروح: انتي في الحوش
خالتي: ايه ليش
امي: مندر وزعيه جايه انا وبنت الكلب
خالتي: كنك شن فيه
امي: غير هي وزعيه خليه يطلع بس
ووصلنا حوش خالتي ونزلت امي ونزلتني وانا كنت موجوعه وخاشه في عقل مش عقلي
خالتي: بسم الله كنك شن هدا وين ازرار قميصك وكنك هكي شن هالحاله
امي قعدت تبكي وقعدت ع الصالون
خالتي: ماتقولي.. لااااا لاااااا يابنت تكلمي درتيلنا العار ولا شن درتي
انا طحت علي طولي وقعدت نبكي لعند ما ظلمت الدنيا قدامي جت خالتي رفعتني لدار سلام وطلعت لامي
خالتي: سحر بنتك دارتها تكلمي راني مش قادره نستوعب مع من قولي
امي: علي علييي
خالتي بصدمه: لا
امي: قالتلي انها بتمشي عند صاحبتها والي هيا تكون اخت علي و••••
وقعدت تحكيلها في القصه وخالتي مصدومه..
الدكتور: جلطه بس في بدايتها والحمدلله خفيفه
نادين تبكي: لااا لااا ياامي
علي شارد وخلاص عقله مش فيه
نادين تضرب فيه علي ع صدره: بتقتل امي بتقتلها عاحبك الي صار ضيعت شرف البنت وبتقتل امك عاجببببك
علي دفها بالقوه: فوتي دين اصلي
وطلع ركب في سيارته والدنيا ضاقت بيه..
