غلطة شاب ( روايات ليبية )

16

يوميات_كاتبة_صغيرة..

■غلطة شاب❌■

(الحلقة"16")

للكاتبه✍..شوشو المقرحي☆☆

حوشنا💜💜
انا فرحانه ان تعينت وانفكر كيف بيكون اول يوم ليا مش مصدقه وبعدها خشيت ع نت نتصفح شوي وانا نتصفح ع الفيس لقيت ايميل اسمه "غلطة شاب"
جدبني اسمه حسيت بأحساس غريب وحبيت انخش وانشوف شن منشوراته اول منشور كان..

لم أعد أوؤمن بخيالات الحب ،
قصص التضحيات وغرامها السام !
سئمت من الوجعْ ، الألم ،الآهات ، الدموع ، الفراق
وكل ما ارتبط بالموت البطىءْ..
#غلطة_شاب..

وتاني منشور..

"مكتفي بكّ داخل قلبي سواءً كنتيَ بعيده او قريبه"
#غلطة_شاب..

وتالت منشور مند دقيقتين..

‏‏" في منتصف الليل تبدأ القصص هُناك من يتحدث مع من يحب وإلابتسامه لا تُفارق شفتاه وهناك من يتمزق شوقاً لشخص أبعدته عنه الحياة وهناك من ينتظر مكالمه من شخص أرهقهُ بالإهمال وهناك من يبكي لشخص أصبح من المستحيل أن يعود يوماً ما وهناك من يشعر بالوحده وهناك من لايشعر بشيء سوا الخذلان "
#غلطة_شاب..

علقتله ع المنشور الأخير..
انا>>(مغرمه بأبي)..
"بعض المواجعِ ننساها وندفنها
وبعضها في صميم القلب تكْوينا ..!
فإن أتتنا من الأغراب نهملها
وإن أتتنا من الأحباب تُؤذينا ............!!

(غلطة شاب ) رد عليا..
اي والله صدقتي🖒..

الصبح☉🌝●●
نادين: هيا نوض وصلني ياراجل
علي: نفختي امها راك
نادين: نوض به
علي: اااااه ياضهري هي اطلعي تو نلحقك
وطلعت فتحت نت ومكسده ع الصالون تراجي فيه
وليد نازل من داره ماشي للعياده لقى نادين في الصاله
وليد: حبيبتي
نادين: اسكت عني ماتكلمني
وليد: صباحو😁
نادين: 😤
وليد بحركه سريعه باسها ع خدها ووقف يشوف فيها
نادين: بطل براده
وليد: به كنك فاصله عليا
نادين: امس نحكي معاك ترقد وتخليني
وليد: والله بدون شعور رقدت سامحيني حبيبتي
نادين بإبتسامه: بس صوت نفسك كان يهبل
وليد: هبله
نادين: والله نحكي جد قعدت نسمع فيه لعند رقدت
وليد: نح.....
قاطعهم علي: هي نمشوا
وليد: صباح الخير
علي: صباح النور
وليد: خلاص زي ماقلتلك كان لقيتيها الماده الي قلتلك عليها ابعتيلي صورة العلبه متاعها ع النت
نادين: تمام
وطلع علي يوصل في نادين للمستشفى ووليد مشى للعياده..

انا: لالا تو توصلني ماما
بابا: اوك تمام تلقي المدير يراجي فيك
انا: اوك تمام نحبك بابا
بابا: وانا اكتر بنيتي..

جنات: ضهري خلاص
سامي: البسي الرباط متاعك به
جنات: ماينفعش غير هكي مايديرلي في شي
سامي: امس لابسه خفيف انقولك البسي ماتبيش
جنات: تي زرده تبيني نلبس تقيل بالله عليك
سامي: وهكي كويس بعد وجعك ضهرك
جنات: نبصر اصلا مايوجعش نبيك اديرلي مساج بس لكن انت ماتفهمش ع الجو😤
سامي: ياروووحي انتي😅
وقرب وباسها: تي انديرلك مساج ليش لا😉