يوميات_كاتبة_صغيرة..
■غلطة شاب❌■
(الحلقة"9")
للكاتبه✍..شوشو المقرحي☆☆
ام نادين: نادين
نادين: نعم ياامي
امها: هاتيلي ورقه وقلم
نادين: ليش🤔..
امها: هاتيها بس
وناضت جابتلها ورقه وقلم وبدت امها تكتب وكانت لحظات وداعها الاخيره..
امها: هدي عطيها لعمك وماتفتحيها بكل..
نادين: شن فيها به
امها: تو بعدين تعرفي
نادين: باهي ياامي..
محامي علي: صباح الخير
نادين: صباح النور
محامي علي: شن وضعها امك توا تحسنت
نادين: تعال نحكوا بره خليها راقده
وطلعوا وخلوها بروحها..
نادين: حالة امي صعبه كل مالها تتأزم
المحامي: لقيت الحل انا في موضوع امك حنخليها تتكلم صوت وانا نسجلها وتعترف بالكلام الي حنقوله ليها وبعدها تقول ان انا بكامل ارادتي قلت الشي هدا وماحد غصبني
نادين: صح فكره والله وامي بتكون راقده في المستشفى ومعفيه عن الشهاده وشهادتها بتكون هيا الي في التسجيل
المحامي: بالزبط
نادين: خلاص تمام به وعلي فهمته كل شي
المحامي: كل شي واقتنع في الاول رفض بعدها اقتنع بكلامي
نادين: خلاص كل شي تمام
محامي تبعي"عماد": الشهود الوحيدين مش مسالمين مشكله هكي
امي: عليك بشر ماعندهم احساس يشهدوا لولدهم علي شي كدب
عماد: عندي محاوله اخيره
امي: شن هيا
عماد: ناديلي ساره
امي: به شوي بس
انا: مستحيل
عماد: تبي حقك وله
انا: اكيد نبيه بس مش بالطريقه هدي
عماد: هوا يحبك ؟؟ جاوبي
انا: مش عارفه
عماد: انتي بس تعالي معاي محاوله هيا ومابيصير الا الي كاتبه ربي
انا: مستحيييل مانبي انشوف في خلقته مانبي عيوني يجن في عيونه
عماد: البسي نقاب
انا: اف به شوي بس
ولبست عبايه شرعيه ونقاب وطلعت مع عماد مشينا للمركز..
احنينه: لقرايه قربت مابتشري لبنتك دبش
امي: الفصل التاني ياامي ماهيش سنه جديده
احنينه: انتي قبل حتى لو اسبوع عطله تحبي تجدديلها غير تو
امي بخيبه: انتي قلتيها قبل اما تو غير
احنينه بتعجب: كيف توا غير
امي: يعني توا مش زي قبل
احنينه: عليك عجب به كيف ماتبي
وليد: شن ادير هنا
نادين: يحكي معاي بخصوص امي
وليد: به خشي لامك تو انكمل معاه انا
وخشت نادين لامها ووليد قعد يحكي مع المحامي
وليد: به شن صار
المحامي: هدا كيف صار زبطت الوضع والامور ماشيه
وليد: ولد عمي بيطلع براءه يعني خلاص
المحامي: ان شاءالله كان خطتنا مشت مزبوط
نادين بصوت عالي: يااميييييمتي ياحبيييبتي
نوضي نوضي ماتخليني وراسك تنوضي
وليد بصدمه: كنها شن فيه
وخش يجري هوا والمحامي وفي الوقت هدا كانت ام نادين انتقلت الي رحمة الله..
المحامي ووليد بصدمه: ماتت
نادين : امي ماتت عدت وخلتني ينا علي يااميمتي وينك يااخويي وييييينك
وليد حضن نادين ويهدي فيها وجاء الدكتور يجري وكانت ام نادين ميته والكل فقد الامل..
