يوميات_كاتبة_صغيرة..
■غلطة شاب❌■
(الحلقة"4")
للكاتبه✍..شوشو المقرحي☆☆
علي ووليد راجعين للحوش..
علي: نقص السرعه ياراجل
مشى وليد نقص السرعه شوي وشبح في علي وقعد يغني ونحنا جايين انضربت سيارتنا في سيارتهم..
علي نزل يجري اول ماقرب من سيارتنا يشوف في امي راسها ع الستيرسو وانا انوض فيها ونبكي جاء يجري فتح الباب ورفع امي هوا ووليد وحطوها في سيارتهم وبيرفعوها للمستشفى مشى انا نزلت ومشيت ركبت معاهم وقعدت نبكي وانوض فيها
وليد: ماتبكيش ان شاءالله ساهله
شوي ووصلنا للمستشفى وجابوا السرير رفعوها ودخلوها وجاء الدكتور وانا قعدت بره جنب الحجره ونبكي وعلي قعد يشوف فيا كويس..
علي في سره: حي هدي نفس البنت الي جت لحوشنا والي لقيت صورتها في تليفون نادين
وقعد يشوف فيا وعينه مانزلها ومتعاطف معاي وخاطره يجي يقعد جنبي ويواسيني ويقولي خلاص ماتبكيش وهوا يفكر في الكلام هدا سبقه وليد ولد عمه جاني ووقف جنبي ونحالي يديا من على عيوني وقعدني ع الكرسي..
وليد: خلاص معاش تبكي امك كويسه مافيها شي
علي غار منه ونار الغيره تاكل فيه وتمنى هوا الي قاعد مكان وليد بعدها بنص ساعه طلع الدكتور..
انا: شن صار
الدكتور: انتي بنتها
انا: ايه
الدكتور: امك كويسه خيطتلها الجرح وتوا كويسه غير دوخه بس مافي شي يخوف
انا: الحمدلله به بنخش انشوفها عادي صح
الدكتور: اكيد عادي
وخشيت لأمي وضميتها ونبكي
امي: خلاص ماتبكيش حبيبتي انا كويس
انا: الله ماتعرفي قداش خفت عليك
وليد: هي نمشوا
علي: اصبر انشوفوا امها ونطمنوا عليها هكي طول نمشوا لا سلام لا كلام
وليد: به هي دق ع الباب
علي: مابنخشوا بيدينا تعال ناخدوا حاجه
ومشوا للمحل خدوا شوية حاجات ورجعوا للمستشفى وهما خاشين لاقيتهم..
علي: امك كويسه توا
انا: الحمدلله
وليد: به بنسلموا عليها لان بنمشوا
انا: رقدت توا الدكتور عطاها حقنه مهدئه وحاضر انوصللها سلامكم ان شاءالله
وليد: خلاص تمام
علي: تفضلي
انا: عليش امتعبين ارواحكم
علي: لامافيش تعب هدا واجبنا وسامحونا مره تانيه
وليد: سجلي رقمي وكان احتجتوا شي رني عليا
انا طلعت تليفوني وسجلت الرقم وطبعا علي طارتله
انا: انت خو نادين صح؟
علي: ايه
انا: سلم عليها☺
علي: يوصل.. هي نمشوا ياوليد
وليد: هيا
وطلعوا روحوا وانا مشيت لامي..
وليد: وين طلعتوا تعرفوا بعض
علي: امم
وطول الطريق وعلي ساكت بعدها وصلوا لحوش عمه وعلي نزل مع وليد لحوشهم خشوا طول لدار وليد علي نحى قميصه واسطح ع السرير ووليد ولع البلايستيشن
وليد: هي تعال العب معاي
علي: فوتني
وغمض عيونه وقعد يتخايل في صورتي قدامه..
وليد: طرف البنت تعرف احساسي يقولي انها بترن عليا
وعلي ساكت وشاد اعصابه ويسمع..
وليد: ياريتني انا الي خديت رقمها مش عطيتها رقمي اف كان غير انجيبها عندي للشقه تي عااار بعدها
علي ناض ومشى ضربه بيده ع راسه لان وليد كان قاعد ع الارض..
علي: سكر فمك البنت هدي مش من نوعية البنات الي تحكي عنهن
وليد: شن عرفك انت وليش فاصل
علي رجع قعد ع السرير وطبس راسه: عطيني طرف دخان
وليد بإستغراب: بتدخن!!!
علي: ايه
وطلع طرف ومده لعلي وقعد يدخن بعدها شبح في وليد..
علي: هدي نفس البنت الي قلتلك عليها جت لحوشنا بعد انا طالع وهيا خاشه ووووو المهم حكاله القصه
وليد: يافرخ قصدك هدي نفسها🙂
علي: اممم نفسها
وليد: 😃😃ماشيه معاك شكلك انضربت فيها انت
علي: مش عارف
وليد: تي فوتك منها تعال جاي مدلي تليفونك
علي: شن تبي فيه
وليد: هاته بس
ومدله تليفونه ووليد دار لعلي حساب ع الفيس وضافله البنات الي يعرفهن ومش مزبوطات ونفسهن الي يجن معاه للشقه بعدها عطاه التليفون..
وليد: زبط امورك هي
علي: شني هدا
وليد: هدا الفيس درتلك حساب وضفتلك بنات اختار الي تعحبك والخميس الجاي انجيبها ليك للشقه
علي: لالا
وليد: تي غير تعرف عليهن بس وبلا عناد
بعدها علي طفى الضي وقعد يتفرج ع الصفحات بعدها حط التليفون ورقد..
