#Unicode
'Chaeyoung နာရီကို လှမ်းကြည့်တော့ မနက် 10နာရီခွဲနေပြီ Lisaက ခုထိ ရောက်မလာသေး.....
မနေ့ညက နေရာတစ်ခုခေါ်သွားမယ်သာပြောတယ် ဘယ်နေရာနဲ့ ဘယ်အချိန်လာခေါ်မယ်ဆိုတာလည်း ပြောမပြသွားသောကြောင့် Chaeyoung မှာ မနက် ရှစ်နာရီကတည်းက ပြင်ဆင်ပြီး ထိုင်စောင့်နေရသည်
မနက်ရှစ်နာရီကတည်းက စောင့်နေရတာဆိုတော့ Chaeyoung တစ်ယောက် စိတ်သိပ်မရှည်တော့ပေ
ထိုစဥ် သူမဖုန်းထဲသို့ အမည်မသိနံပါတ်တစ်ခုဆီက Message ဝင်လာသည်
From Unknown number
အသင့်ပြင်ထားနော် ကိုယ်လာခေါ်မယ်
"အမလေး နောက်ဆုံးတော့ ဒင်း ငါ့ကို လာခေါ်တော့မယ်....မိတ်ကပ်တွေ ပျက်ကုန်ပြီလား မသိဘူး ပြန်ကြည့်အုံးမှ "
Chaeyoung ဖုန်းကို ခုံပေါ်တင်ထားပြီး သူမ အခန်းထဲ ပြေးဝင်သွားတယ်
မိနစ်အနည်းငယ်ကြာတော့ Chaeyoung အခန်းထဲက ပြန်ထွက်လာတယ်
Lisaဆီက အိမ်ရှေ့ရောက်ပြီဆိုတဲ့ Message လည်း ရောက်လာရော Chaeyoung အိတ်ကို လွယ်ပြီး ထွက်လာခဲ့သည်
Chaeyoung အိမ်အပြင်လည်း ရောက်ရော
ဆိုင်ရှေ့တွင် ကားရပ်ထားပြီး ကားတံခါးကိုမှီကာ ဘောင်းဘီအိတ်ထဲ လက်ထည့်ထားတဲ့ Lisa ကို တွေ့ရသည်
ဒီတစ်ခါတော့ Lisa တစ်ယောက် အနက်ရောင် suit ဝတ်စုံကို ဝတ်ထားသည်
ဝတ်စုံကို ကြည့်ပြီး Party တစ်ခုဖြစ်ရမယ်လို့ Chaeyoung တွေးပြီး သူ့ကိုယ်သူလည်း Partyနဲ့ လိုက်တဲ့ ဂါဝန်လေး ဝတ်ထားလို့ စိတ်ထဲကနေ ချီးကျူးနေသည်
Chaeyoung ကိုလည်း တွေ့ရော Chaeyoungဆီ Lisa လျှောက်လာသည်
Chaeyoungကို ခေါင်းအစခြေအဆုံးကြည့်ပြီး
"Wow ဒီနေ့ မင်း အရမ်းလှနေတာဘဲ Chaeyoung ....အခုသွားမယ့် နေရာနဲ့ ကွက်တိဘဲ "
"ဘယ်သွားမလို့လည်း Lisa "
"Party တစ်ခုကို ခေါ်သွားမလို့ "
Lisaပြောပြီး Chaeyoung လက်ကို တွဲကာ ကားဆီသို့ ခေါ်သွားသည်
နာရီဝက်လောက် ကားမောင်းပြီးနောက်တော့ Lisa ခြံဝန်းတစ်ခုထဲ ဝင်သွားတယ်
