الحكم بالحياة بعد الاعدام

النهايه

بعد التخطيط والتفكير بالموضوع بيننا نحن الاربعه
اقترح زياد ان اخرج من المنزل اولا ولكن على كمال ابلاغ نضال
من الان
انه من المحتمل ان يتم نقله للعمل في محافظه اخرى
اقترحت جلنار ان يدعي زياد ان والده فيض تريد ابنتها بعد وفاه ( العم فاروق ) كان هذا الاقتراح جيدا نوعا ما لانه لا يوجد تواصل بين نضال ووالدتي اطلاقا
انتظرنا الى وقت متأخر ونحن نخطط لذلك الامر
لكن كانت العقبه الوحيده ان علي ان اخرج من البيت لمده
حتى يرتب كمال موضوع مغادرته المنزل بعدي
_ اني اكدر اساعدكم بهالموضوع بين ما انت ترتب وضعك وتأجر
بيت او شقه
التفت الى زياد نودي فيض فد اسبوعين يم اختي نسرين
نظرت الى فيض اطمنها
كمال يعرفها ( اختي مدرسه ارمله زوجها انفقد بحرب ايران
وتسكن ببيت وحدها عدها بنات ٣ بمراحل دراسيه مختلفه وولد
بالمتوسطه )
اذا توافقون حتى باجر اتصل عليها ابلغها اكو مشكله بالبيت بين فيض ونضال والبنيه ماعدها مكان تروحله فاطلب منها تبقيها يمها بين ما تنحل المشكله وزياد يرجعها
______
بعد اسبوع اخبر زياد نضال عن اتصال والدتي به ( حسب الاتفاق بين زياد وكمال )
_ ام فيض اتصلت تريدها تسكن وياها تگول قبل عمها موجود و
مطمئنه عليها هسه تريد بتها يمها ومصره
_ وهاي شذكرها بفيض هسه مو سنين متدري بيهن هسه نزلت الحنيه وتذكرت عدها بنات
_ يوم هذا الحجي ميفيد المره تريد بتها ومن حقها اطالب بيها لان قبل ابويه ولي امرها وتوفى الله يرحمه ما كانت تكدر تاخذ بتها وتكعدها وياها وهي عدها رجال هسه يشوفوها واگفه عايشه ويا
زوجة عمها واخو زوجة عمها يعني عايشه ويا ناس اغراب
تگول رجلها طلب منها تجيب بتها وما تتركها ويا ناس ما الها صله
دم وياهم
_ لعد هو اله صله دم وياها ليش هو مو هم غريب خلي يولون
_ يوم انت رايده البنيه علمود الشغل ونايمه براسها اني اعرف
بس بنفس الوقت احنه مو وجه مشاكل ولغاوي ويا امها ورجل امها
خلي البنيه تروح تستقر يم امها اكيد مراح تبقى طول العمر يمج
هم يجي يوم وتزوج
اني بلغت خالي بالموضوع المفروض هو يروح يشوف امها ورجل امها ويشوف الوضع ويتناقش وياهم وبعدها نقرر
_ في تلك الامسيه ونحن نجتمع حول المائده نتناول العشاء طُرِحَ الموضوع من جديد
بدإ كمال يتكلم
_ فيض لازم تحضرين غراضج خلال هاليومين  حتى زياد ياخذج لبيت امج
اني التقيت بيها والمرأه مصره  ان وضعج يمنا هنا مو صحيح
لان سابقا عمج ولي امرج ومثل والدج بعد ما اتوفى تگول ما ترهم
كدام الناس وكدام رجلها انت تبقين يم ناس معتبرتنا اغراب
وزوج امج بلغني ان هم كانو متواصلين وياكم انت وهمسه ايام ما كنتي يم همسه فتره
_ اي صح  يجون يمنا بالبيت يبقون لتالي الليل يله يروحون
_ يعني شنو راح تاخذها ( نضال )
_ طبعا امها  لا اني ولا انت نكدر نمنعها  تكدر تسببلنا مشاكل ولغاوي في غنى عنها
بعدين نحجي اني وياج وحدنا بهالموضوع
_ بعد ان انتهينا من تناول العشاء
طلبت من نضال ان تلحقني الى حديقه المنزل لنتحدث بعيدا عن مسامع الموجودين
_ جلست بالقرب مني وهي تنصت  لما اقول
(فيض جانت عدنا امانه وبوصايه عمها  محد يكدر يحجي ولا يطالب بيها لكم من توفى وهي تخطت ال ١٨ سنه  خلصت الوصايا عليها
كدام الناس بالفعل هي عايشه يم ناس اغراب يمي ويمج. يعني رجل امها عنده حق ميقبل بهالوضع 
لذلك الافضل البنيه  تروح يم اهلها  اول وتالي يجي يوم تتركنا
اذا ما تركتنا هسه بعد كم سنه يتقدملها شخص ويتزوجها
فمن مصلحتها تروح تعيش يم امها  اني بالنسبه الي  بعد ما اكدر
اتكفل بيها لان سمعت خبر هالفتره راح ينقلوني لغير محافظه
يعني راح اترك البيت  وانت يادوب  تتكفلين وتحيرين بزيد وبزيدون  واحنه ما قصرنا وياها  وصلناها لمرحله تكدر تعتمد على نفسها وتكمل حياتها يم اهلها 
اني اتفقت وياهم ادزها بيد زياد هاليومين لان ترى امها مبينه وحده مو قليلة شر تالي تجي توگفلنا بالباب تخزينا كدام العالم والجوارين
ماكو داعي نجيب الحجي لروحنا  امها احق بيها منج 
_ بكيفك هاهيه دزها لامها
_________
بعد مرور يومين
كنت اقف مع زياد امام منزل نسرين
فتحت لنا الباب شابه تكبرني قليلا .... رحبت بنا  وطلبت منا الدخول
بعد دقائق دخلت نسرين ومعها ابنتها الاخرى 
تعرفنا ببعض وتبادلنا الحديث حتى وقف زياد يستسمحني للمغادرة
بعد ان رحل بقيت مع نسرين وبناتها في غرفه المعيشه  
في بدايه الامر شعرت بالخجل والارتباك  لكن نسرين كانت تشبهه جلنار كثيرا هي ايضا ودوده وطيبه
طلبت مني ان اتصرف كأنني احد افراد العائله بعيدا عن الخجل
اخبرتني انها تحتاج مني ان اساعدها في  تحضير العشاء
كانت تتكلم معي وكأنها تعرفني جيدا ومنذ زمن بعيد كل ما بدر منها من ود
سمح لي ان اتصرف معها بسهوله من غير تقييد او خجل
كانت تسرد لي ما كانت تخبرها به جلنار عني سابقا 
كانت تعرف عني الكثير بعد ساعات توطدت العلاقه في ما بيننا
لم اشعر بذلك الارتياح سابقا مع شخص غير جلنار 
بدأت اضحك طوال الوقت لان الفتاه الكبيره  مرحه وتتحدث بأسلوب
هزلي
في تلك الليله عندما ذهبت للنوم  كانت الليله الاولى التي افارق فيها كمال وانا خارج المنزل بعيد عنه
كان هو من يغيب لكن مكالمه الهاتف كفيله باخماد نار تلك الاشواق
اما الان فأنا اتشوق لرؤيته او سماع صوته 
اتذكر مشاعر اليتم وانا بعيده عنه وحيده من غيره
موقنه ب انه بالنسبه لي ليس زوج فقط
انه يختصرلي معنى العائله مره اشعر به كأب ومره كأخ ومره كصديق و حبيب  انه عالمي
_______
في ظهر اليوم التالي بينما كنت انظر  الى الساعة انتظر موعد عودته لاتصل به  وانا اتحرق شوقا لسماع صوته
اتصلت جلنار سمعت نسرين تتحدث لها ومن ثم نادتني وهي تمد لي سماعه الهاتف 
_ هاي جلنار رايدتج بموضوع خاص ... احجي براحتج راح اطلع واسد الباب
_ اخذت السماعه وانا اجيب الو  جاءني ذلك الصوت الذي كنت اتحرق شوقا  لسماعه ليجعل قلبي يسكن ويطمئن ليطفئ ذلك القلق في نفسي ويروضه  ليفجر مشاعر ابلغ من الحب والتعلق كأنني تلك الابنه التي اضاعت والدها
بدأت الدموع تسيل من عيني احاول الرد عليه بصعوبه
الو ها كمولي
_  عيون كمال مرتاحه حبيبتي
_ الحمد لله كلهم حبابين مثل جلنار بس المتعبني انت مو يمي
_ اني هم تعبان ومشتاقلج مكانج بالبيت خالي
ان شاء الله اقل من اسبوعين امر اخذج  تحملي لخاطري حتى وراها
نرتاح ونستقر نرتب حياتنا مثل العالم  وعيونج اعوضج عن كل الي راح بس شدتها هالايام  اليوم راح نطلع اني وزياد ندور على بيت
والله كريم 
_ ان شاء الله  ... كمال قبل لا انسى افتهمت نسرين والبنات يطلعون امرات يم الجيران او للسوگ اني لازم اروح وياهم ما اكدر ابقى وحدي
_ لالا روحي تونسي وياهن ماكو مشكله اخذي راحتج
ففه الفلوس الي عندج كافيه لو ادزلج ويا زياد
_ لالا كافيه  بس كلت انطيك علم قبل لا انسى ومن يريدون يطلعون انحرج منهم لان ما مبلغتك
_ اه ه ه  تدرين شكد احبج  وشكد يغزر بعيني انت صاينه الوعد ويايه  ينزل مي بارد على قلبي من احسج تفكرين بيه بكل خطوه تخطيها
_ كمولي اني بلياك اضيع والله لا الي راحه ولا سعاده الا وانت  قريب مني الله يحفظك الي وما يحرمني منك 
.........
بعد اسبوع فاض الشوق بكلينا
عندها رن جرس الباب .... نادى علي ابن نسرين والدته  من المطبخ ومعه اصوات مختلفه يخبرها
ان خالته جلنار قد اتت
وهو يتحدث لمن معه
تفضلو تفضلو
عندما دخلوا الى غرفه المعيشه شعرت بأطرافي ترتخي غير مصدقه
انه امامي للحظه وددت الذهاب والارتماء بين أحضان ذلك الرجل
الذي يقف امامي مبتسما وهو يتبادل التحيه مع الجميع
كان ينظر لي بشغف نظره  حميميه اخترقت كل خليه في جسدي
سلبني الجرأه جعلني اشعر بالخجل ابعدت نظري عنه خوفا من ان
انصاع بمشاعري ويفتضح امرنا
اقترب مني حتى لم يعد يفصل بيننا الا خطوات قليله وهو يمد لي يده
ويلقي علي التحيه
نظرت له بحيره وانا امد يدي له كان تلامس الايدي فيه شئ من الدغدغه
لمسه جعلت قلبي يخفق بشده خشيت النظره له وهو يتكلم معي برسميه امامهم ولا زال يمسك بيدي
قبل ان يتركها نظرت له همس من بين شفتاه من دون صوت ومن دون ان يراه احد
- احبج
_ جعلتني تلك الكلمه ابتسم بخجل خشيت ان يلحظ احد تلك الابتسامه
تلافيت الامر بسرعة وابتعدت عنه بينما هم هو بالجلوس 
بعد نصف ساعة  اصرت نسرين على الثلاثه ان نتناول العشاء
جميعا دون ان تقبل اي عذر للمغادرة
بعد ان غادرت نسرين الغرفه لتحضير العشاء
وبعد مدة نادت على علي تخبره ان يذهب الى السوق
لم يبقى في المكان غيرنا نحن الاربع
_ همس لي وهو يتحرك ليجلس بجانبي ترك مسافه خوفا من ان يدخل احد
لكينا بيت هسه تكاتبنا گتلهم خلي انمر اريد افرحها  هاي جانت حجه لان صار كم يوم عندي الم بصفحتي كلت خاف الكلى بطلت تشتغل على بعد النص الثاني
_ ههههه همست له شو لعد اني حسيت عقلك طاير صاير تنكت
مو عوايدك
_ اي والله عقلي طاير دايخ بيج  دوصي جلنار شلون تريدين غرفه النوم لان باجر نصبغ البيت والعصر كالت جلنار
التفت
جلنار شنو نحتاج نشتري باجر بين ما فيض تجي
_ تريد نصيحتي كلشي لا تاخذ  فقط دواشگ حتى انام عليها يوم الي نجي ناخذ فيض  حتى ثاني يوم نتفرغ انروح نشتري غراض البيت وهي تختارها لان المره اكثر شي تفرح بي من تطلع بيت وحدها متعة تجهيز البيت اسألني اذا مو هي تختار ممكن اكو شي ميعجبها تخليك تغيره ورا فتره الافضل هي تقتنع واحنه وياكم
نساعدكم لحد متكملون كلشي
______
تلك الليله التي غادرت فيها منزل نسرين
ووصلت فيها الى كراج ذلك المنزل ذات الحديقه العامره بالنباتات وواجهة المنزل مغطاة بنيات يتدلى منها ( مخالب القط ) يخفيها بلونه الاخضر
منظر يجلب الراحه.
كان المنزل من الداخل واسع الطابق السفلي غرفه معيشه وغرفه ضيوف ومطبخ وغرفه نوم وحمام  ممر صغير فيه سلم للطابق العلوي الذي يحتوي على ٣ غرف نوم  
احضر كمال فراش الارض ( الحصيره ) من السياره ساعده زياد
لفرشها في غرفه المعيشه
ثم مددت انا وجلنار الفراش  ( الدواشگ الاربعه ) والاغطيه والوسائد
جلسنا الاربعه نستذكر ما نحتاج وكان
كمال يحمل الورقه والقلم لتدوين ما نحتاج من اثاث ومستلزمات المنزل الاساسيه في الوقت الحالي
كانت ليله مميزه حفرت في ذاكرتي  احتلتها ضحكاتنا على مزاح
زياد الذي ابتدأ بغناء اغنيه كاظم الساهر
_ اكلك خالي انت عندك علاقه بكاظم الساهر
_ ابتسمت لذلك التعليق
لا
_ لعد شمدري راح تكعد فيض على الحصيره
وغنى  الاغنيه ونحن نغني معه وكمال يصفق بيديه محاول تقليد موسيقى الاغنيه
( ما عندي ألماس وقصر .. ولكني ميسور الحال
عندي قلب ليرة ذهب .. وصحتي عال العال
ما اواعدك الا أوفي موعدي ..
خطوة خطوة منا حبنا يبتدي ..
بيت على قد أحلامنا .. وعيشة على قد الحال
تغنينا كلمة من القلب .. والغنى مو بالمال