Jamais Vu [Phenomena Series #2]

Chapter 28

Chapter 28:

The years went by so fast.

Hindi ko na kinuha 'yung in-offer sa akin ng Architect Perez na leave after ng holiday break dahil gusto kong patunayan na hindi ko kailangan ng special treatment kahit na gaano man kagaling ang tingin nila sa akin.

It was my mess so I am the one who should clean that.

I went back on my track.

Kitang-kita ko ang gulat kay Anna nang maging enthusiastic ulit ako sa trabaho at maging excited sa bawat project na tinatanggap, site visitation at pakikipag-meeting sa clients.

"Nagkabalikan ba kayo ni Ruby?" natatawang tanong ni Anna nang makitang tutok na tutok ako sa computer para sa pagli-layout ng bagong project na tinanggap ko.

Umiling ako. "Hindi na niya ulit ako tinanggap," I chuckled before looking at her. "Gusto ko lang patunayan sa sarili ko na walang ibang para sa kan'ya kung hindi ako lang."

Humagalpak siya ng tawa bago sinundot ako sa kili-kili, dahilan para magulat ako. Talaga naman itong babaeng 'to.

"Malandi talaga mga graduate ng UST, eh," sabi niya bago naupo sa swivel chair niya.

Hindi ko na pinansin pa ang mga pang-aasar niya at itinuloy na lang ang mga trabaho.

Lumipas pa ang mga buwan, nagkaroon kami ng project sa Baguio. Anna had a big problem with George, making her leave him without a word.

Nawalan tuloy ako ng source sa kung kumusta na si Ruby. Basta ang alam ko lang, nasa Qatar siya ngayon at nagta-trabaho sa isang five star hotel as a receptionist.

Three years daw siya ro'n, 'yun lang ang huli kong nabalitaan kay Ruby.

Kung three years siya ro'n, isang taon pa ang hihintayin ko bago siya umuwi. Kung kailan nasa Baguio ako tsaka siya wala. I sighed as I stare at their compound. Wala naman halos pinagbago; bagong pintura lang ang gate at mas marami nang halaman ngayon.

Pinagbago lang ay wala si Ruby ngayon dito at tinutupad niya ang pangarap niya ngayon sa ibang bansa.

Ilang buwan na kami rito ng team sa Baguio. Gusto kong makita si Ruby. Gusto kong puntahan siya kung nasaan man siya ngayon, tutal kaya ko naman. Pero natatakot ako sa magiging reaksiyo niya kapag nakita ako.

Hindi ko nga alam kung okay na ba siya. Wala na akong balita simula noong naghiwalay si Anna at George dahil pinutol na ni Anna ang lahat ng koneksiyon niya kay George.

Naputol ang mahabang pagtitig ko sa malaking gate nila nang may kumatok sa bintana. Paglingon ko ay nakita ko si Vanessa, ang pinsan ni Ruby. Mabilis akong lumabas ng sasakyan dahil bigla akong nahiya. Baka mamaya, akalain kung sino ako.

"Hi, Architect!" nakangiting bati niya.

Naka-uniform pa siya mula sa trabaho niya sa BDO. Buti, nakilala niya pa ako?

"Ahh, h-hello..."

Ngumiti siya. "Wala na kasi si Ruby dito, eh."

"A-Ano, okay lang!" naiilang na sabi ko. "Alam ko naman."

Bahagyang umawang ang bibig niya bago tumango. Ilang sandali pa, nakaisip ako ng paraan para makumusta ko si Ruby ngayon kahit na hindi si Anna ang gumawa no'n.

"Uhm, a-are you busy?" I asked her.

She shrugged. "Hindi naman pero may lakad kami ng boyfriend ko mamaya."

Napatango ako. "May... free time ka? Can we have a coffee?"

She chuckled. "Miss mo na ba siya?" natatawang tanong niya. "Okay, then. Magbibihis lang ako."