Jamais Vu [Phenomena Series #2]

Chapter 29

Chapter 29:

"Wala pa rin?" tanong ko sa isang manager na nag-aayos ng schedule para sa leave namin.

She laughed. "Architect Jin, I promise to tell you kaagad kapag mayroon nang bakante for a whole week ng leave. You see, dumarami na kayong architect dito sa firm at siyempre, unahan sa schedule. Pero 'wag kang mag-alala. Ipa-priority na talaga kita."

Nagpasalamat ako sa kan'ya bago lumabas ng department nila. Fuck, three months na. Three months na simula noong nagkita kami ni Vanessa at ibinigay niya sa akin ang address ni Ruby sa Qatar, pero hanggang ngayon, nandito pa rin ako sa Pilipinas.

Tangina, ang hirap maghanap ng bakanteng leave.

I sighed as I sat on my swivel chair. Nag-text ako kay Vanessa.

Me:

Hindi naman siya lumilipat ng bahay, 'di ba? :(

Vanessa:

HAHAHAH pacute amputa. Hindi nag-iiba ng address 'yon. Doon lang siya sa apartment na 'yon simula nang nag-work siya sa Qatar.

Vanessa:

Pero babalitaan kita once mabalitaan kong hindi na siya sa dating apartment niya nakatira. :)

Me:

Thank you!

"Bakit mo ka-text si Vanessa?"

Napatayo ako sa gulat nang may biglang magsalita sa tainga ko. Fuck, Anna! Lagi na lang! Nakayuko pa at nakatutok ang bibig sa tainga ko! Bwisit, akala ko kung ano 'yung bumulong sa akin!

I sighed as I sat again on my swivel chair. Umayos na siya ng tayo, dala ang naka-roll na mga papel.

"Wala. Nakikibalita lang."

She smirked. "Wala akong pakialam sa mga gagawin mo pero 'wag na 'wag mong ipapaalam sa pamilyang 'yon na nandito rin ako, huh?"

I rolled my eyes at her. "Oo na, oo na."

She smiled before looking away. "Kumusta na sila?"

I shrugged. "Ate Honey's a doctor already and Vanessa is working in BDO. Mas mataas na yata ang posisyon niya at hindi na Bank Teller. Wala akong balita kay Hennessey at sa iba niyang pinsan," I looked at her and saw that she wants to ask something. "Wala rin akong balita kay George."

Mabilis siyang tumingin nang masama sa akin oras na marinig ang pangalan ng taong pakaiwas-iwas niyang banggitin at marinig. "Pwede ba?" irita niyang sabi.

I laughed. "May ilong at may buhok naman 'yang ex mo. Anong kinakatakot mo na mabanggit at marinig ang pangalan niya?" kumunot ang noo niya na parang hindi niya gets ang sinabi ko. I laughed. "Hindi siya si Voldemort."

Muli siyang umirap bago ibinaba ang mga papel na naka-roll sa table ko. "Manahimik ka na nga lang d'yan, Jin. Iniinis mo lang ako!"

Matapos niyang sabihin 'yon ay nakasimangot siyang naupo sa swivel chair niya bago nagsimula sa trabaho. Napapailing na lang ako.

If she wants to know how George is right now, bakit hindi siya mangumusta? It's not like George is not reaching out. Ang alam ko ay hinahanap siya nito hanggang ngayon. Hindi ko lang alam kung totoo.

Hindi naman kami close ni George.

Nang mag-lunch break ay inaya ko si Anna na kumain sa labas since na-badtrip ko yata. Hindi naman siya umangal—hindi nga lang sumagot.