ကောင်မလေးတွေဖတ်ဖို့

If We're Honest

#unicode
လူတွေအပေါ်ကို ရိုးသားသင့်လား?

ဒီမေးခွန်းနဲ့ပတ်သတ်ပြီး ဖြေရတာက နည်းနည်းလေးတော့ ရှော့ရှိပါတယ်။ အဖြေကိုနားလည်မှုလွဲသွားရင် တိုင်ပတ်နိုင်တဲ့ မေးခွန်းမို့ google မှာဖတ်ဖူးတဲ့ စာသားလေးနဲ့ပဲ အရင်ဖြေပေးချင်ပါတယ်။ ။

"A person should not be too honest. Straight trees are cut first and Honest people are screwed first.လူတစ်ယောက်ဟာ အရမ်းကြီး မရိုးသားသင့်ပါဘူးး။ ဖြောင့်တန်းနေတဲ့ သစ်ပင်ကြီးတွေဟာ ပထမဆုံး အခုတ်ခံရသလိုပဲ.. ရိုးသားလွန်းတဲ့သူတွေဟာလည်း သူများတွေရဲ့ အသုံးချမှုကို ခံရတတ်ပါတယ်။"

တခြားသူတွေရဲ့အမြင်ကိုမသိပေမယ့် Ren အမြင်အရဆိုရင် ဒီစာသားကို ထောက်ခံပါတယ်။ကိုယ်က စေတနာတွေထား ရိုးသားခဲ့ပေမယ့် ကိုယ့်ကို အသုံးချသွားတဲ့သူတွေ၊ ကိုယ့်ကို လိမ်လည်လှည့်ဖျားသွားတဲ့သူတွေနဲ့ ခဏခဏကြုံနေရတဲ့သူတွေရှိမှာပါ။ အဲ့လိုကြုံလာတဲ့အခါ "ငါ့ကိုမှလုပ်ရက်လိုက်လေခြင်း" ဆိုပြီး ဝမ်းနည်းသွားတာတွေရှိသလို ဒေါသဖြစ်တာတွေလည်း ရှိတတ်ပါတယ်။ အထူးသဖြင့် ကိုယ် မထင်မှတ်ထားတဲ့သူက ကိုယ့်ရဲ့ ရိုးသားမှုကို အသုံးချသွားရင် ခံရပိုခက်ပါတယ်။

အဲ့ဒါဆို မရိုးသားရတော့ဘူးလား။အဲ့လိုမဆိုလိုပါဘူး။ ရိုးသားတာဟာ ကောင်းမွန်တဲ့ ကိုယ်ကျင့်တရားပါ။ လူတိုင်းမလုပ်နိုင်တဲ့ အရည်အချင်းတစ်ခုပါ။ ဒါပေမယ့် ကိုယ်က ရိုးသားတယ်ဆိုတာကိုတော့ လူတွေကိုပေးမသိတာကောင်းပါတယ်။ ကိုယ်ရဲ့ ရိုးသားတဲ့စိတ်ကို လူတွေသိသွားပြီဆိုရင်.. ဒါက အန္တရာယ်ပါ။ လူကောင်းတွေ ..ဖြောင့်မတ်တဲ့သူတွေက သိရင် ကောင်းပေမယ့် မသမာသူတွေ၊ အကျင့်မကောင်းတဲ့သူတွေက သိသွားရင် ကိုယ်က သူတို့ရဲ့ ငါးစာ ဖြစ်သွားပါလိမ့်မယ်။

အဲ့ဒါကြောင့် ရိုးသားခြင်းဟာကောင်းပါတယ်။ အဲ့ဒီရိုးသားခြင်းဆိုတဲ့ ကိုယ်ကျင့်တရားကို ဆက်လက်ပြီး ကျင့်သုံးပါ။ ဒါပေမယ့် လူတွေကိုတော့ ပေးမသိပါနဲ့။ကိုယ်ရိုးသားတာ ကိုယ်သိရင် လုံလောက်ပါပြီ။ကိုယ်ဖြောင့်မတ်တာ ကိုယ်သိရင် လုံလောက်ပါပြီ။ကိုယ် စိတ်ထားကောင်းတာ ကိုယ်သိရင် လုံလောက်ပါပြီ။ကိုယ်တစ်ယောက်တည်းနဲ့တင် လုံလောက်နေပြီမို့..ဖြစ်နိုင်ရင်တော့ ကိုယ့်ရဲ့ရိုးသားမှုတွေကို ထုတ်ဖော်မကြွားပါနဲ့။