The Song Of Us

First love ni Lou si Taru. Naudlot ang kanilang love story dahil bigla na lang nawala si Taru na parang bula.

Dalawang taon ang lilipas, isang malaking balita ang nakarating sa kanya. Ikakasal na pala si Taru sa sikat ring singer na si Ara.

Ang iniidolo niyang singer noon pa.

Halos hindi matanggap ni Lou ang katotohanan. Lalo pa't ang bagong kantang nirelease ni Ara ay sila mismo ni Taru ang gumawa. Alam ni Lou sa kanyang sarili na wala siyang habol sa kantang iyon dahil kapwa kilalang tao sila Taru at Ara.

Dahil sa sobrang sama ng kanyang kalooban, hinayaan niya muna ang kanyang sariling na magpakalasing kasama ang mga kaibigan niya. Pero iyon rin ang magiging dahilan para masangkot siya sa isang aksidente.

Sa pagdilat ng kanyang mga mata, nasa ibang katawan na siya. Nasa katawan na siya ng babaeng iniidolo niya.

Ang asawa ni Taru, si Ara!

Hihilingin pa ba niyang bumalik sa dating katawan? O paninindigan niya ang pagiging pekeng asawa ni Taru?