حتى اكون صادقة وياكم من ذكرت الكم هاي التفاصيل مااتذكرها اني بس حاچيها اليه اهلي..من ودوني للمستشفى العام سوولي طبلة(ملف مكتوبه كل التقارير بي) محچيت الكم من ضمن التقارير اني صارت عندي صدمه وعائيه يعني شنو هسه اشرح الكم يعني يقل الاوكسجين بالدماغ وسبب اليه فقدان ذاكره مؤقتة من هذا اليوم وبدت الاشعات حتى يعرفون شكو برجليناتي اخذو الها اشعه وبالأشعه طلع صاير تهشم بالفخذ الايمن والايسر مالتي والركبه اليسرة مفطوره ومثل مگلت متهشم العظم مال الفخذ ف يعني اكيد رايح ويا الدم وصاير عندي نزيف داخلي ورجليناتي زرگ وما اگدر احركهم أبد و أخذو اشعه الايدي وجتفي وحددو الكسور وقوتها ودخلو عظم الترقوة جوة بأيدهم ☺️ف جبسوا ايدي رغم من چنت اني بهذيچ المستشفى هم جبسوها اليه وچنت كلش اشكي من بطني أأشر عليها وأون ف گالو ناخذ الها مفراس ليكون بيها شي خطر..منا وبدت اهلي يشيلوني ببطانيه هاي الي تصير جوايه وتقريباً ستةاشخاص يشيلوني لان هواية ثگل جسمي ومتورم وكلش ممنوع يحركون البطانيه ممكن اموت وجع ف كلش حذرين وياية چانو ..مگلت الكم اختي الي بغير دوله ثاني يوم الحادث اجتي للعراق تخيلو صدمتها حتى نايمه بالگاع مال مطار حتى تلحگ ع الطياره ومتفوتها طبعاً وگفت اليه بشكل مينوصف بعدين احچيلكم عن هذا الشي...نرجع نكمل ف خلوني بالسدية وضلو يمشون لحد ما وصلوا للمفراس وشالوني من السديه وخلوني بي ومن المفراس خلص الحمدلله طلع مابي شي راسي ولا باقي الاجزاء رجعوني للغرفة الي اني نايمة بيها اجتي والدتي وخالاتي وصديقاتي واهل خطيبي احليتنه المستشفى😂 واكيد تعرفون هيچ حالات يصير الشخص مهم والكل يصورون بي ..وهذا الشي بعد مااتحسنت حالتي كلش فرحت بي انه عندي صور لشكلي ووضعي .گلت الكم بدو يلتمون العالم الي يحبوني ف اقاربي اقترحت اسم دكتور معين شاطر ضلو يدورون عليه اهلي لكو واحد غيره بس اكو اشخاص نصحوهم مو هواية زين هذا الدكتور وممكن يغلط بشي ويسبب اليه عاهة مستديمه بقو يدورون اهلي الى ان لگو الطبيب الي هو احسن طبيب بالمحافظة الي چنت بيها اني .يمكن مذكرت الكم اني چنت اسبوعين تقريباً عناية مركزة وچنت هواية انزف لدرجة دمي وصل للأربعة وكامو يتبرعون اهلي وينطون اليه دم وبلازما حتى يگدر الطبيب يسوي اليه عمليه تقريباً وره يومين الدكتور گال اسوي الها عمليه تثبيت هسه اشرحلكم يعني شنو وليش التثبيت هو عبارة عن شياشة بلاتين متصلة ببعض يدخلوها برجليناتي حتى يتوقف النزيف طبعاً بس الي شايفين هيج حالات راح يجي بعينهم شكل بلاتين التثبيت..الدكتور قبل العمليه استدعى والدتي وبلغها انه حالتي كلش خطرة لازم توقع على تعهد خطي انه ادخل العمليه على مسؤوليتها يعني چان ممكن اموت من البنج جسمي ميتحمله وقعت عليها والدتي وبس تبچي وتدعي اليه ما اموت واتحسن طبعاً اني ودوني لصالة العملياات وبهاي الاثناء الدكتور راح الى والدتي ووقعت ورجع لصاله العمليات اتذكر الهسه شكلهم شلون فوگ راسي واني لابسه تيشيرت رصاصي انطوني بنج وبدو بعمليه التثبيت استمرت العمليه اعتقد ثلاث ساعات وطلعوني والشياشه برجلي منظرهم هوايه مرعب اگللكم شي مراح تصدكو ابد معيطت ولابچيت من الوجع🤣 بس چنت اون والدكتور بدة ينطي مسكنات كلش قويه حتى مااعيش الوجع الي فوگ الطاقة لان تعرفون وجع الكسور مينحمل مو عاد مسويه حادث وتخيلو الوجع..حوالي اسبوع بقة التثبيت برجلي وبهذا الاسبوع مااكل ولا اشرب فقط مغذي وأي شخص يفوت من يمي أأشر على رجلي حتى يفرك قدمي لان متأذيه ف حتى الدكتور أشرتله على رجلي حرفياً مبقى احد مفرك قدمي هسه نص الي يقرون القصة يتذكرون هالشي .نسيت احچيلكم على لساني تقريباً اسبوع طول الخيط بلساني وبعدها انشال ومااقبل احچي اخاف وراها بديت احچي بصوره مو مفهومة لان مثل مگلت اخاف اكو فد ممرض اجه گال گولي الحمدلله واني مااحچي لزم اصبع قدمي وضغط عليه كلش قوي حتى اگول الحمدلله وهم محچيت گال مااوخر اله تحچين عاد اتشجعت وكلت وخر😂 وراها كمت احچي طبيعي واعتقد هم بعد اسبوع سويت عمليه الثانيه بس الصراحة چانت عمليتي فوق الكبرى لتنصدمون من مدتها چانت مدتها خمسه ساعات وطبعاً قبل ميدخلني عمليه گال الاهلي اخلي بلاتين لو تيتانيوم؟ وحچه سلبيات وايجابيات المعادن وأكيد والدتي اختارت اليه الاحسن الي هوه التيتانيوم ..حچيت الكم كل صديقاتي اجوي وكل اقاربي طول مده بقائي بالمستشفى ابد محد قصر بشي .اتذكر قبل عمليتي الثالثه اجتي اختي الي مسويه عمليه عليه ومااتذكر كلشي بس اتذكر غسلت اليه بس راسي لان چان عباره عن دم ووسخ الگاع متشابك بطريقه حتى متجي ابالكم يعني مستحيل يتمشط غسلته اليه اني ابچي من وجع راسي بس هذا الموقف اتذكره والله.ي ف عمليتي الثالثه چانت اربعة ساعات وهم فوق الكبرى اهلي يگولون طلع من غرفه العمليات والدم تارس صدريتة گال نحتاج عظم ويكلف فلان سعر اسوي لو اسد رجلها وبعدين اسوي اهلي كلش اتفاجئو شلون گدر يطلع ويسأل هيچ سؤال وطبعاً چان جوابهم موافقين لو اعلى سعر بالدنيا هوايه تفاصيل مااتذكرها الصراحة هذا الي انحچة اليه لان عدا فقدان ذاكرتي چنت اخذ مسكنات قويه كلش وطول وكتي نايمه يعني اتذكر لمحت كم شخص بس اتخيلو حتى خطيبي مااتذكره چان بالمستشفى رغم معافني ولا لحظه اتذكر گالو طلعوها يعني روحو للبيت اني محچيت الكم چنت البس حفاظه لان ميصير اروح حمام نهائياً. باليوم الي طلعوني چانت الشمس حلوة طالعه نزلولي اخويه وخطيبي وابن خالي يجوز چان احد وياهم بعد بس مااتذكره وخلوني بسياره متمدده على فراش بعد ما رجعو كراسي السياره ليگدام حتى يصيرلي مجال اتذكر اول مصعدت نمت وگعدت اني اباب بيتنه هم حارو شلون ينزلوني طبعاً اولاد خالي جايبين البيتنة سدية متحركة يعني تشتغل على الريمونت شالوني مثل محچيت الكم ببطانيه من اربعة جهات وخلوني بغرفتي بالسديه...الباقي هم نص اتذكره ونص اهلي يحچون بي اليه لو اني اتذكر اخبصكم بالكتابة😂
اكمل الكم؟
