يي نرجع نكمل القصه الكم مو حچيت چانو مخليني بالگاع متمدده على ظهري ووجهي على السماء ف بهاي الاثناء الولد موگف صاحب سيارة داينة حتى يودينه للمستشفى المهم وگف وره سيارتنه بكم متر أكيد انتو عبالكم شالوني وخلوني بالسيارة؟؟ لا غلطانين سحلوني من ايديناتي لحد مال صعدوني بالسيارة بالبدي مال سياره
يعني والله معرفت الى هسه ليش هذا السحل احتمال عيب او حرام يشيلوني ماأعرف بس هاي الطريقه زيدت الكسور عليه !!يي نرجع للسالفه خلوني وخلو والدي بصفي وماكو اي شي جوة راسي عاد والدي خله ايده او الجاكيت مالته مااتذكر شنو بالضبط طبعا اني سويت السيارة كلها دم وچنت مخايفه لان شفت والدي متمدد يمي ف چانت ايدي اليسره باتجاهة لزمت اصبع ايده كلش قوي وبچيت واغمى عليه بس اتذكرت هسه صدگ اني چان يغمى عليه لو چنت انام😅المهم بعدين وره ساعه أو اقل حسيت ف الجو چان بااارد والدنيا مغرب شفت نفسي بگراج وراها اجوي ممرضين وجابو سديه واجوي نقلوني بس الحمدلله نقلوني صح دفعو السديه لحد ما وصلت باب المستشفى و وگفو مااعرف شيحجون واني مثل محچيت الكم عيني بس تباوع للسماء ومااحچي ولا اسمع ومااشوف واضح بعدها فوتوني للطوارئ چانت السدية مالتي قريبة ع الباب و أكيد جوي شافو حالتي وكتبو بالتقرير جروح بسيطة وتشكو من الم بالاقدام🤦🏻♀️😅 ي ارجع اكمل الكم اجوي صديقات اختي وگرايبي وخطيبي واخويه بس قبل ليجون خيطو لساني تخيلو بس مطلعة لساني ومااحس بأي وجع وخيطو صديقة اختي سألتي متتوجعين؟ أشرت براسي لا وكلش ضجت اي شخص يشوفني يگول تعرفيني ..راح احجيلكم شلون عرفو اهلي وخطيبي.. بالحادث خطيبي مو چان يحچي ويايه وانسد الخط رجع دگ واكيد مجاوبت ف بقى باله بس مدگ بعد انتظر اني ادگ بهل اثناء الولد الي نقذني لازم تلفون والدي ومخابر على اخر رقم داگ عليه وهوه صديقتي وحاچي الها وهيه مخابرة خطيبي وگالت صاير حادث وياها ....وبنفس الوقت خطيبي خابر والدتي واول شي حاچيته والدتي من فاتحة الخط گالت الحگ مااتت (اني يعني)ومحچيت الكم امي تلطم وتعيط وطلعت بالشارع لمت الناس عليها واخويه چان بالملعب يلعب طوبه خابرته صديقتي وكام يصيح بصوت عالي ويبچي راح خطيبي البيت اهلي واخوية رجع واجه ابن خالي وياهم واجوني بنص الليل للمستشفى الي تبعد ساعتين عنهم لحد هسه اتذكر لبس خطيبي وشكله هوه واخوية شلون يبچون ف المستشفى الي چنت بيها بالطوارئ دازيني لداخل المحافظة للمستشفى ف اخذوني بأسعاف بنص الليل اتذكر خالين كانيولا بأيدي ويمكن مغذي مااتذكر بالضبط ابن خالي گاعد يمي ليوره وبصفي خطيبي ولازمه ايده كلشي كتبته هسه اني اتذكره بعدها الي راح اكتبه الكم اهلي حاچي اليه اني مااتذكر مجرد بس لقطات اكمل الكم الباقي؟؟
