لون بشرتي ابيض وطولي متوسط طبعا اني خريجه ادارة واقتصاد بشكل عام اني انسانه نوعا ما جدية بحياتي وبطريقة تفكيري اتهجرنه من منطقتنة الي چنه نعيش بيها واجينه لمنطقة ثانية وبوقت تهجيرنه چنت مرحلة اولى كليه خلصتها ورحت بعدها قسم داخلي وهيج مشت ايام الكليه اتخرجت ورجعت يم اهلي عشت وبديت ادور على شغل رغم ضروفنه الماديه زينه بس مجنت احب ابقه بمكان واحد الي هوه البيت بعد ما جنت بكليه واتونس واختلط وازيد معلوماتي من كل ناحيه بيوم من الايام جنت اگلب ع الفيس بوك شفت گدامي منظمه معينه منزله فرص عمل فرحت طبعا جانت دنيا ليل چنت سهرانه رتبت الموضوع وقدمت ونسيت الموضوع تماما رجعت الروتيني الملل بيوم من الايام اتصل بيه رقم غريب بنت خالي چانت گاعده يمي وگالت جاوبي شوفي منو ف جاوبت الاتصال چان المدير مال منظمه گال انتي عندچ مقابله باچر وانطاني الوقت رحت وقابلت وانقبلت بعد عدة ايام بديت اداوم وجوي موظفين ويايه چان من ضمنهم ولد حلو شكله عيونه خضر وابيض وعنده لحيه خفيفه هوايه انيق وريحته مميزة بدينه الشغل واشتغلنه سوه اني ويا وبحكم الشغل صار حچي بيناتنه وبعد فتره صرنه اصدقاء وبعدها علاقه وانتهى شغلنه واجه اتقدم اليه مع العلم اختلاف قوميات واديان وتمت الخطوبه وبعد الخطوبه بأسبوع تقريبا اختي سوت عمليه رحت ويا والدي ابقى يمها اتحسنت واني رجعت للبيت وبالطريق صار شي غير متوقع نهائيا وغير حياتي بصورة جبيره
