طبعاً قبل يوم من الحادث حلمت بصديقي اتوفى قبل خطوبتي بشهر
هو شاب عمره حوالي ثلاثين سنه او اكثر طولة معقول بشرته بيضة وچان معروف بالمنطقة بالإيجابية والابتسامه الي ابد متفارگ وجهة خدوم لابعد حد وصاحب مواقف بس بسبب مرضه تراجعت صحته بالفتره الاخيره وفارق الحياة ف مثل مذكرت قبل بيوم من الحادث بالحلم اجه گال تعالي ويايه محتاجچ بشغلة اني شفته وجمدت بمكاني وهو سحبني من ايدي وصلت ويا الباب الغرفه گبل فزيت..الحلم چان عبالك حقيقة حتى صوت انفاسه جانت باذاني وره مفزيت بكم دقيقه واني مرعوبه من الحلم بچيت عليه وخابرت خطيبي حچيتله الحلم گال ليش حچيتيلي الحلم موزين تحچي وبقه ويايه على الخط لحد مرجعت نمت اتذكر گلت لكم شخص اني عمري مااحسه طويل قبل كم سنه يعني وچانو يصنفون ويگولون لتحچين هيچ شنو هالسلبية اني قبل الحادث حسيت حيصير شي بس اكيد محسيت الهل درجة ممكن حيصير مچنت مرتاحة ابدا ومبينت الاحد هذا الشي طبعاً اني عندي خوات ثنين وحدة مسافره ووحده متزوجه وأخ واحد وامي وابويه المهم اختي الي چنت يمها اتحسنت چان لازم ارجع امي تعبانه بس محد قبل ارجع الكل منعني گال يومين وتعالي اني عاندت لان هواية بالي يمها چانت الدنيا ظهر والجو مغيم وبي برودة شويه بدايه الشته يعني ودعت عائلة اختي وصعدت بالسيارة يم ابويه كعدت ومشينه مسافه قليله خابرتني امي گتلها اني راح اجي گالت ليش مو گتلچ يومين وتعالي گتلها لا اشتاقيتلچ حلفتني واتوسلت بيه اربط حزام الامان گتلها اي ميخالف وراحت عبالك جانت حاسة حيصير هيج واكيد مربطت الحزام لان نسيت وبنفس الوكت ماأحب ولامتعوده ع هل شي ومشينه بالطريق و والدي شغل اغاني قديمه ومنزلين الجامه شويه والجو كلش چان حلو اني من نوع ماأنام بالسياره بهذاك اليوم چنت تعبانه ونمت شويه واتصل خطيبي گعدت چانت عندة مقابله عمل وحچة اليه شصار بالمقابله وگلت اله هسة تنقبل اني متفائله الك بهاي الاثناء چانت صعدة گدامنه ولوري ف والدي ساق سريع واجتاز اللوري اني بهاي اللحظة مااتذكر شلون سديت التلفون اول مااجتاز اللوري اجتي سيارة گدامنه والدي راح على جهة اليسرة والسيارة هم بنفس الاتجاه وثنينهم چانو سريعين لان طريق خارجي اتذكر صيحت اني بعلو صوتي من الخوف وانصدمت سيارتنة بسيارتهم
