بعد خمس شهورتقريباً على مرور الحادث بالليل چنت احاچي خطيبي مكالمة هيچ مر گدام عيني شريط شلون صار الحادث ثواني والله سكتت ومحچيت خطيبي بقة يگول الو گتله اني اتذكرت گال شنو گتله اتذكرت شلون چنت گاعدة وشلون والدي اجتاز اللوري لونه چان برتقالي ورايح كلش مزنجر واول ما اجتازة اجتي السيارة عطت اني و والدي وصار الحادث وشرحتلة گلشي حچيته الكم ببداية القصة من الصدمة بچة والصبح حچيت الاهلي هم بچو من سمعو الحچي من عندي ..رحت للعيادة اني و والدتي وخطيبي واخوية بعد اسبوع .رحتلة على الكرسي المتحرك ودخلنه بالغرفة مال تداوي لمن دخلنة اجة المضمد ديشيل اليه الخيط چان اول عملية خيط برجلي مو كلبس ف كلش اتأذيت لان اول شعور😅 من شالة متت من الوجع وطلع كومة دم وهم عقمة وحط لزكة ضد المي گتلة شگد واسبح يعني گال اسبوعين تقريباً عدا الاسبوع الي فات ورحت اخذ اشعه جديدة كملت ورجعت بقيت گاعدة ع السدية انتظر الدكتور و والدتي وخطيبي واكفين اجة الدكتور گال ليش كرسي متحرك؟ والدتي گالت نخاف لان تتأذة گال لا خلي تستخدم مشاية والعملية زينه ونظيفة الحمدلله وهنا فاجئني گال اذا من هذا الخيط تبچين لعد شلون اذا سويتي عملية لخ اني بچيت گتلة ليش بعد اكو عملية؟؟گال لا مو اكيد بس خلي هيچ احتمال ابالچ وعملية كلش بسيطةعاد كتبلي ادوية وسألته عادي امشي؟گالي بعد احسن المشي الچ وگال روحي للمعالج كتبلة فد شي بورقة وگال شهرين وتعالي اشوف وضعچ طلعت من الباب مال دكتور رحت للمعالج الطبيعي انطاني تمارين وانطاني مشايه وطلعت اكيد الكل فرح واني اولهم خواتي كلش فرحو عاد صار ثاني يوم ورجعنة للبيت طول الطريق متمددة ورجلي بحضن والدتي وخطيبي اتذكر لمن وصلنه للبيت اختي الچبيرة طلعت للباب گالت مبرووك واخيراً شفتچ تمشين حضنتها صدگ چنت فرحانه دخلنه جوة للبيت مسوية غدة يجنن اكلنه وكملنه رحت اتمددت بغرفتي ونمت اكيد..يمكن محچيت الكم اني چنت ناويه بس امشي اصلي ومستحيل اعوفها اصلي بحب يعني مو فرض وخلص ..گدرت ادخل حمام وحدي حطت اليه اختي كرسي ودخلت المشايه ويايه وسبحت طلعت صليت چانت احلى صلاة بكل حياتي شگد بچيت من الفرح وشكرت الله الف مرة وبقيت اسوي علاج طبيعي بالبيت يوميه ثلاث مرات واكل صحي واختي الچبيرة هيه تسويلي اكل وتجيبلي مي وهيه تطلعلي هدوم من اسبح كلشي هيه تسوي 🥺 المعالج گال اسبوعين بس العلاج الي راح انطي وراها شوفو معالج تروحلة اني بهاي الاسبوعين دورت ف لگيت مريةو المركز مالتها بالسوگ رحت الها بعد الاسبوعين گالت يومية لازم تجين والمدة مااعرف شگد لما تتحسنين يعني خلي اوصفلكم المركز عبارة عن بيت قديم كلشش وصبغة رايح ووسخ وكلش صغير يعني كل المركز ٤امتار مترين للنساء ومترين للرجال واني رحت انيقة ومرتبةنفسي 😂 اول مدخلت بدو يتعرفون عليه وليش هيج صار وياچ اني حچيت الهم كلشي واتونست وياهم عاد اجتي المعالجة خلت اليه لفاف مبلل وبداخلة واير كهربائي ولفتة ب بادنج وعلى ركباتي ثنينهم اني مصدومة ليش هيچ تسوي بقيت ادعي متسوي شي افز منه عاد خلت الجهاز ع الكهرباء وبقيت انتل بس يعني شي بسيط ويروح ويجي مو مستمر بقيت ساعتين هيچ وخلصت انطتني كم تمرين گالت سويهم شگد متگدرين گلت اوكي وانطيتها فلوس وطلعت رجعت للبيت سولفت الاهلي شلون انتل😂 وسويت تماريني ..گمت اروح كل يوم بعد الغدة بتكسي واروح بتراكسود مرتب😂😂 بقيت هيج شهر بس شنو كل اسبوع تزيد سرعة الكهرباء حسيت بتغيير للاحسن بس مگلت الكم اني من امشي چنت مااثني رجلي اليمنه لان عمليه واخاف ف امشي من وركي يعني مااعرف اوصف الكم الصراحة بس مشية كلش غلط واعرج كلش شي واضح صار الشهر الثاني گلت اشترك شهري احسن ف اخذت فلوس الاشتراك الشهري صارت كلش تكاليف علاج وسيارة تكسي حسيت هواية دا اضغط على والدتي .اخو خطيبي انطة السيارة مالتة الاخوية يعني يوميه اروح بسيارته وارجع كلش ساعدنه بهاي النقطة الحمدلله ..اما المعالجة زيدت الكهرباء على اخر حد🤣وهم استفاديت منها الصراحة يعني احسن من المعالج الطبيعي الاول .بديت اروح البيت خالي والبيت خطيبي وبيت اخو خطيبي يعني هواية اتحسنت نفسيتي واتغيرت للاحسن وهم نگعد نتذكر اول ايام الحادث وفجأة سألت والدتي وخطيبي گلت اتذكر الدكتور گال ممكن عملية صح؟ ثنينهم حچو بإسلوب كلش حلو انه بلي احتاج اكيد بس متأذي وسهله واني عديت الاصعب منها الصراحة رجعت اتكأبت وابچي ..چان خطيبي كل يوم بلليل يطلعني نگعد بالباب مال بيتنه حتى اغير جو ويجيب حلويات وجبس وناكل واخوية هم يگعد ويانه ومرات نتمشه بس اكيد مشي لمسافه قريبة لان اتعب استمريت اروح للمعالجة وگالت اتركي المشايه متحتاجيها بعد ونفس حچي الدكتور امشي براحتج گتلها اگدر اصعد درج گالت اي وعلمتني شلون اصعد حتى ميصير عندي سوفان برجلي ..اجة وقت مراجعتي هالمرة رحنه بتكسي اني و والدتي وخطيبي واخوية علمود اشوف شنو الوضع وشوكت العملية الي هيه اخر عملية نوعاً ما چانت نفسيتي زينه وچانت الدنيا صيف طلعنه الظهر و وصلنه بلليل وهم ردنه نندعم🤣🤣 وكلش خفت عاد غمضت عيني حتى مااشوف اي شي بعد وصلنه بلليل وثاني يوم الظهر چان موعدي واني عفت المشاية ودامشي كلش اعوج بس چنت فرحانه لان امشي بدون مشاية رحت للدكتور وكالعادة منتظرت هواية وفتت من الباب الثانية الي هيه باب التداوي وبقيت انتظرة اجة وسألني عن اخباري وصحتي وفحص رجلي حتى يشوف يادرجة واصلة بعدها گال روحي اخذي اشعه لليمنه ولليسرة عاد رحت اخذت اشعة ورجعت للغرفة واجة گال رجلج كلش زينه وعظمها قوي زيدي تمارينچ وزيدي مشي واكل صحي حتى تصير قوية عضلتج الرباعيه ف گتلة دكتور من فضلك مااريد تكتب اي نوع دوة كلش داضوج گال ولايهمج مااكتب اي شي الچ بس انتي بالمقابل اكلي صحي ولتخلين وزنچ يزيد حافضي على جسمج لان عظمچ ميتحمل وزن عالي گلت ماكو مشكلة وگال درج هم عادي وروحي للمعالج رحت للمعالج گال عضلتچ هوايةضعيفة گتلة والله يومية داروح للعلاج الطبيعي گال العلاج مو بس كهرباء لازم تمارين شوية قوية حتى اتحسن من وضع رجلچ تعرفون رجلي اليسرة تقريبا رجعت طبيعية يعني جنت اگدر اتربع بيها بس وهم مو مثلكم اتربع بس ميخالف😂ورجعت للبيت وقررت اعوف المركز وكل شهر اجي للمعالج الي يم الدكتور حتى ينطني تمارين وبنفس الوقت تواصلت ويا اقاربي معالج طبيعي انطاني تمارين وچان كلش ايجابي استمريت شهرين اتعلم حركات علاج طبيعي منه وخطيبي سوة اليه فد جهاز يقوي العضلة الرباعية (العضلة الرباعية هي المسؤولة عن انثناء الرجل اذا چان قوية تزيد درجة الانثناء) چان موجود بالمستشفى هذا الجهاز اخذ اله صورة وسوة الية واحد احلى منه😍 هنا من الراحة النفسية وگعدة البيت واهلي مدلليني مااسوي اي شي سمنت والله شهرين احاول ومينزل مااگدر يعني احب الاكل طيب قبل مااروح سويت دايت ورجعت لوزني الطبيعي
بيت خطيبي بدو يعمرون بالبيت وچنت اروح اساعدهم وهم يساعدوني🤣🤣بس منظر اروح بنفس الوقت گلت حابة اروح البيت اختي لان الطريق الي اروح بي البيتهم كلش اخاف منه بعد گلت لازم اغير هالنقطة رحت اني و والدتي واختي الچبيرة رحنه بتكسي الهم والطريق لمن وصلت المكان لا ارادياً دموعي نزلت واتكأبت ..وصلت البيت اختي الوسطانية وارتاحت نفسيتي لان خلص نزلت من السيارة عموماً هم يدخلون من باب المطبخ بيها دچة اني مگدرت مثلهم رحت من غير باب هيه عندها بابين بالبيت منطقة بيت اختي كلش حلوة عبارة عن بحيرة وخضار يعني شي يريح النفسيه بس مو مال تعيش هناك 😂تتكأب مابيها عالم هواية واكيد تعرفون اختي الوسطانية عبارة عن اكل طيب سوت كلشي اني احبة وهم استمريت علاج طبيعي فد يوم دا اسوي علاج طبيعي چان اتزحلگ و اوگع وخواتي ثنينهم ميكدرون يشيلوني من الضحك واني هم اضحك😂بنفس اليوم الي وگعت بي چنه محضرين نفسنه نروح للبحيرة رحنه بهدوم البيت وفوگا چاكيت طويل وحجاب صعدنه كلنه بسيارة زوج اختي اني يم الباب واختي الچبيرة بالنص😂شگد حلو گمت مااگعد بالنص ابد لان مااگدر واخذت حقي طول حياتي يگعدوني بالنص ..
