بعد ما طلبت منهم يغيرولي مكاني ومااريد السديه انام عليها شالوني اخوية وبنت خالي واختي ووالدتي هم نفس الفكرة بطانية جوايه ويشيلوني منها خلوني على قريولتي هنا بديت استخدم التلفون واني بوعيي داستخدمه قبل چنت مااستخدمه هوايه ولا اشوف يمكن بقة شهر مابي شحن
اساساً .يعني مااعرف گمت مااحب اشوف السدية ولا انام عليها اني محچيت الكم والله كل يوم ابچي لحد ماانام من الوجع رغم غيرت مكان نومتي گلت يمكن دا اتأذه من السدية بس بقة نفس الوجع والبچي .. چانو يخلون جوايه فد شي مثل النايلون أو المشمع يشتغل على الكهرباء وينفخ يمنع التقرحات الي تصير بالظهر لان اني تقريباً شهرين انام على ظهري بالمسشفى چانو ستة اشخاص يشيلوني وخالتي تخيلي بودره الظهري حتى ميصير بي تقرحات لمده شهر وبعدها اشترو هذا الي گلت الكم عليه تعرفون والله چنت ابچي من وجع ظهري چانت اختي تگعدني وتلزمني من ظهري حتى شويه اگدر اتنفس واگعد مو كل وكتي نايمه ..فد مره اجوي اهل خطيبي واهلي وفرحانين بديت اتحسن شويه ولو هوه ماكو تغيير بعيني ابد بس همة لان شافو حالتي من اول يوم ف يشوفوني كلش زينه ف التمو يمي شوية وراحو ف بقة يمي خطيبي گتله مدا اتنفس زين گام وفتح الشباك مال غرفة گتله مااگدر بعدني شايفين يعني الهوه ميفوت مثل ما هسه تتنفسون اني چان يفوت لنص الرئه وخلص وصار وجهي اصفر مااحچيلكم شگد نرعبوا اهلي طلعوني بالحديقة نص ساعة ولبسوني كومه ملابس شتويه لان شتة صار ومفاد بقيت مااتنفس زين .. مگلت الكم بشنو طلعوني اكو فد كرسي متحرك بي رجلينات عدله يعني متنثني رجلي ابد اخوية واختي الچبيرة شالوني بي ودفعوني لحد ما وصلت باب البيت وبعدها بنص ساعة بقيت هيچ متغير شي عاد جابو اليه اوكسجين يلا گدرت اتنفس صرت شويه احسن وره كم ساعة اخوية جاب اليه مجبرچي حتى يسوي ايدي لان كلش يفتهم بوكتها شفت ايدي كميه الزراگ مو طبيعية و وارمة كلش مااعرف شسوه عدلها او طگها المهم رجع العظم المكانه وجبرها ابد متأذيت الحمدلله طبعا مو عظم الترقوه لا چان جتفي وايدي هم مكسورات مثل مذكرت الكم المهم كمل تجبيس و كال شهر ونص وافتحها الج وراح يعني بس تخيلو رجليناتي مكسورة وايدي هم شلون وضعي ثلاث شهور استخدم ايد وحده وانام على ظهري فد مره اتوسلت بأختي الچبيره تنومني على بطني لان چنت كلش ابجي من وجع ظهري ساعدتني ونمت على بطني تقريبا ربع ساعه بس محسيت رأساً نمت وفزيت من وجع ايدي صحت الها وعدلت نومتي رجعتني على ظهري يعني حرفياً مااعرف شلون اختي وبنت خالي چانو يشيلوني منيلهم قوه بعدين اكتشفت ورة كم شهر من يروحون من يمي للمطبخ عساس يسوون اليه اكل يبچون عليه ميتحلمون يشوفوني هيچ بس تعرفون شي چانو يوميه يغسلون شعري ويخلون اليه عطر ومعطر ويبلسوني ملابس وجواريب ويمشطون شعري شكد اتوسل بيهم اشوف وجهي ميقبلون بس مااعرف ليش چنت الهل درجة ماافتهم يعني كاميرا تلفوني يمي واگدر اشوف بس ابد مجتي هالفكرة ابالي عاد مرة اجتني امي بس كلت الها اريد اشوف وجهي جابتلي مرايه بس راحت من يمي گبل متتخيلون شگد صعبة عليه من شفت وجهي عباره عن اثار متشوه اسناني مكسورات حاجبي وكذلتي شويه منها مسويهم بالموس بالعمليات لان بيهم دم عبالهم بيهم شي شفت عندي نص حاجب وجزء من كذلتي ماكو وخدي بي اثر كلش چبير وواضح نزلت المرايه باوعت على چتافي تعرفون لون الباذنجان؟هوه هيج لونهم چان وچفوف ايدي هم لونهم ازرك گبل بچيت انقهرت على وجهي هيچ صاير بي وضجت من الدهن ومسحته چانت اختي الچبيرة تخلي الوجهي دهن حتى تروح الاثار يوميه من الليل قبل ماانام للصبح وهيه تستخدم هذا الدهن الوجهي من ايام المستشفى هوه الطبيب كتبه اليه ..ضل الوضع يوميه هيچ اگعد من الصبح اتريگ واخذ الدوة وانام واگعد اخذ دوة واتغده واضل انام واگعد ..هوايه كلش اجوي عليه زيارة وچانو يفوتون واحد واحد حتى لو عائله ميفوتون كلهم .اختي الوسطانيه اتحسنت واجتي لبيتنه حتى تشوفني اول مشافتني وعرفتها گبل بچت حضنتها بأيد وحده وسوت اليه كلشي اكل احبه وهم چانت تهتم بيه وتصبغ اظافري مگلت الكم من خلولي بلازما بقيت شهرين جسمي يتقشر ميفيد مرطب ابد ف اختي الوسطانيه راحت چابت صينيه مال اكل مالتي الي تصير على القريوله اعتقد شايفيها وجابت گهوه وزيت زيتون وسوت تقشير شويه خف التقشر من ايدي زوجها الاختي أبد مقصر بأي شي ويايه ..تعرفون أصلاً ماكو احد نعرفه موگف النه وسوه الواجب . بعد مااجتي اختي بكم يوم صار موعد مراجعتي للطبيب والدتي اخذت ستاركس علمود اتمدد براحتي بيها وخلولي فراش ضغط عالي بيها بعد ما صاحبها شال كل الكراسي عاد طلعوني بفد سديه تنطبگ مااعرف اوصفها زين الكم بس مو ثكيله شالني خطيبي واخويه وابن خالي واختي الچبيرة بالسديه وطلعوني من البيت وخلوني بلسيارةطبعاً امي وياهم وياهم على كيفكم لتطخوها ولتأذوها وتبچي عليه بس متخليني اشوفها اني من صوتها اعرفها .. خلو اليه فوگ الفراش بطانيه حتى انشال منها وبطانيه اتغطى بيها ومخدة انام عليها وصعدو يمي اخويه واختي الچبيره وخطيبي وليگدام يم السايق خالتي وامي عادي مثل متعرفون الطريق كله نايمه ومااادري بالدنيا شكو ورحنه للطبيب يبعد عن بيتنه ساعه ونص لمن وصلنه اله چانت الدنيا الظهر نزل اخويه وخطيبي جابو سديه من العياده وميحتاج اعيد الكم منو شالني وشلون فوتوني للعياده چان ازدحام هم گمت مااتنفس زين طلعوني اكو غرفه لخ مال انتظار وبقو يمي محچيت الكم ليش اجيت اني اجيت حتى يشيل الكلبسات من رجليناتي مو خياط لان مااتحرك ف كلبسات اسهل وحتى الاثر ميبقة بنظر الدكتور ..هوايه انتظرنه عاد اجة السره بس مفتنه للطبيب چانت اكو غرفه للتداوي وبيها باب على غرفه الطبيب فوتوني بهاي الغرفه
