أنا أنتِ🖤 (رواية مثلية)

♡1♡

" كان شغفي بكِ و فقداني لنفسي كالموت حينما تحاولين شرحه لطفل صغير .. مثلاً :
" العيش في الجنة "
شيعتُ نفسي في اللحظة التي فضلتكِ عنها .. و كنت سعيدة حتى ظننتها تعيش في الجنة
و تحلق ..
لكن عندما شاخ حبي و شُرِخ بانهزامي أمامك فهمت أنه لم يكن سوا الموت .. و ليس العيش في الجنة يا عزيزتي !

بحس بوجودها بالغرفة من صوت وقع

خطواتها و مشيتها الناعمة ..

بتقرب أكتر و ريحتها الحلوة بتنعشني ..

_ خليني حطلك روج ..

_ بيلا بتعرفيني ما بحب حط ميك اب كتير ..

_ كرمالي كرمااالي ..

بتدلل عليي و بتقعد بحضني و بتقرب لشفايفي

و بتحطلي روج .. و طول الوقت عينيي عليها

عم ائشع عيونها و شوف كيف عم تركز على
شفافي ..

_ ليكي كيف صرتي أحلى هلأ ..

_ طيب اذا حلوة هيك بنظرك هيدا الشي بكفيني ..

بتضمني و بتقلي بحبك يا أحلى كريستين

بالدنيا

بيرجع فيي التفكير للماضي ..

لما أول مرة ندهت باسمي ..

كانوا جيراننا

ماتوا أمها و أبوها بحادث ..

و ضلت بيلا بأمانتنا ..

و بيوم اللي فيو مرض بابا و ساءت صحته

كتير .. توفى ..

إمي ما تحملت الصدمة .. توفت بعدو !

إي .. بيلا بتحبني و ما فيا بدوني بس مش

ك حبيبة ..

فرحت لما قالتلي بحبك برغم غصتي هيدي ..

أنو عالأقل بتحبني ... يمكن يكون حبها أطهر

من حبي .. حب بلا ولا شي ..

ضميتا بقوة .. و قلتلا :

_ يلا قومي انتي بتطبخي و أنا برتب البيت ..

طبخك أطيب بكتير .. لولاكي كنا تسممنا

بتضحك .. و جمال ضحكتا ما بتنوصف !

نسيت حالي ..

_ مو معقول كيف بتقصفي جبهة حالك

قلت بقلبي .. اي بيلا .. مستعدة ضلني اتمسخر

ع حالي بس تضحكي و تجننيني بهالضحكة !

_ لا جد عم احكي انتي ماهرة بالطبخ متل ماما

_ بتعرفي كريستين .. أنا بتذكر لما كان عمري

١٠ سنين كيف لما كنتي تعملي الشوربة ..