أنا أنتِ🖤 (رواية مثلية)

♡10♡

"وسكنتني حتى ظننتك أَجْمَعِيْ
‏وظننتُني بَعْضًا يُمـثّلُ أَجْمَعَكْ

‏فكأنّ روحك حيَّةٌ في أضلعي
‏وكأنّ أنْفاسِي تُحرّكُ أضْلُعكْ

‏فإذا رآكَ النّاسُ تَمْشِي واحدًا
‏حيّوْك فَرْدًا ثُمّ حيّوْني معكْ"

________________________________

كريستين

و أنا كنت عم فكر كيف أنهي موضوع نور ..

و كيف ح ابقى ساكنة ببيت لارا أو ح غير مكاني

بتدخل لارا عالبيت ..

بحركة من ايدا ما خلتني قوم ..

حضنتني بقوة و تلمست الجبيرة على إيديي

_ الحمدلله ع سلامتك ..

بتدخل وراها بنت طويلة ، أنوثتها طاغية ..

بتعرفنا عبعض ..

_ كريس هيدي حبيبتي ميرا

و ميرا هيدي كريستين رفيقة عمري ..

بتسلم عليي و بكل نعومة بتقول " تشرفت "

_ لارا أنا اليوم بس ح ابقى عندك ..

و من بكرا ح استأجر بيت لشهر .. و انتقل ..

_ عم تحكي من كل عقلك ؟؟

_ ما بدي احجز من حريتكن سوا ..

_ لا عفكرة أغلب الأوقات منقضيا برا البيت

و متل مو شايفة البيت كبير ..

_ طيب متل ما بدك .. بعرف كيف مستوى العناد

عندك ف ما بدي جادلك .. خلص رح ابقى ..

اتطلعت على ميرا يلي ابتسمت أول ما قلت رح

ابقى .. و قالت:

_ اعتبري البيت بيتك ..

بعد ساعات ..

بقعد أنا و لارا منخطط .. كيف ممكن نعرف

كلشي عن نور .. حتى نقدر نمسح أيا أدلة ..

أو عالأقل كيف نسكتها و ننسيا هاد الموضوع !

_ ليكي أول شي ح نتفاوض معا .. بمصاري

بأيا شي .. ح نجرب كل الطرق .. آخر شي

اذا اضطرينا نقتحم بيتا نحرق أو نحذف أيا أدلة

_ هيك الموضوع عم يكبر .. 

كمان ما بدنا نورط حالنا بشي أكبر مننا

_ ليكي كريس أنا بعد الي عملتو فيكي مستحيل

خليا تخرب عليكي فرحتك ..

رح اعمل أيا شي و أوقف جنبك لنتخطى هي

القصة .. انتي ما تهكلي هم ..