أنا أنتِ🖤 (رواية مثلية)

♡13♡

" خليك ..
شي ساعة أو ساعتين ..
أو كل العمر يا كل العمر " 🎼

في الصباح :

( لارا )

بعد ما اقتنعت نور أنها بحاجة لإلي و أخيراً ..

فاتصلت فيي بالليل .. و وعدتا أنو ح اجي

ع بيتا .. و ح نخلص ع الموضوع ..

متمددة كنت عالسرير ، ما نمت منيح كنت

عم خطط ف مشغول بالي ..

ما بدي يصير أي غلط بكرا ..

حدي ميرا ، تلمست شعراتا الشقر بحنان ..

ما بتعرف أديه بحبا .. ما عندا فكرة

لأنو ما بيتعبر عنو بالكلام ..

مررت أصابعي ع إنفا الرفيع الحاد ، و شفايفا

المليانة .. و بستن ..

فتحت عيونا شوي شوي ..

و جابت قلبي في مقتل ..

_ عمري .. ( بنعومة )

_ اشتقتلك

_ هيني أنا جنبك ..

_ ولو .. ما بعرف حاسة بشوق كبير

_ ممم لكن خليكي اليوم حدي

_ بصراحة اليوم في عندي شي ضروري ..

بخلصه و منطلع نسهر شو رأيك ؟

_ هئ .. بدي طول الوقت تكوني حدي اليوم ..

_ يؤبرني المدلل اي .. بس خلص الشي المهم ..

_ مااا ما بدي بلا ما تروووحي

_ حبيبي .. ماا فيي

_ يووه ما عاد بدي شي ..

زعلت ميرا .. و طلعت من الغرفة ..

استغربت من تمسكا فيي هالقد ..

لبست و طلعت لبرا لجيب شي للفطور .

( ميرا )

لما قالتلي لارا أنها عندا شي مهم تذكرت مباشرة

يلي سمعتو بالليل .. حاولت اتمسك فيا

ما رضيت بعرفا عنيدة و إذا حطت شي براسا

بدا تعملو .. بعتا لبرا لتجيب غراض ..

و رحت لعند كريس كانت نايمة لسا ..

قربت شوي .. كان قلبي عم يدق كتير ..

من أول ما شفت كريس تلغبط يومي

ما عاد فيي بطل تفكير فيا ..

ما عندي وقت .. لهيك حاولت فيقا بلا ما ترتعب

_ كريس .. يا قمر .. فيقي ..

_ حبيبي اتركيني شوي نام ( بصوت ضعيف )