أنا أنتِ🖤 (رواية مثلية)

♡12♡

" كلما بشتقلك ..
بشعل شمعة بنص الليل ..
بجرب احكيلك عالناس ..
أو احكيلك عن حالي "  🎼

( كريستين )

لما تعتم الدنيي بيشتد الشوق أكتر ..

ما حدا ح يعرف طعمه غير الي حس فيه بس ..

كأنو نار بتولع بالقلب ..

بتختنق بدخانا .. بتحس كأنو ما بدك شي

غير أنفاسها لتتنفس منو ..

الشوق هو صوت حدا جريح

من جوا عم يصرخ  ..

بيصدع كياني .. ما بدي شي غير قربها ..

بتصل فيا..

صوتا بيخفف من هالشوق ، بيبرد كياني ..

_ بيلا .. شتقتلك !

_ و حياتك أنا أكتر ..

_ شو كنتي عم تعملي يا حلوتي

_ عم رتب كنت مكتبتك  ..

_ أُف شو خطرلك

_ من الملل يمكن .. بس بتعرفي شو ..

_ شو ؟

_ تفاجأت .. ما في كتاب عندك إلا و كذا صورة

إلي فيه .. حتى صور كتيرة ما كنت بعرف فين ..

_ ليش هوسي فيكي هيدا شي جديد ؟

_ ما بعرف لما شفت كل الصور ، حسيت  حنانك

ع شوي ح ينطق فين ..

و كأني كنت محور حياتك ..

_ ولا زلتي يا حياتي كلا ..

_ و انتي كمان .. اكتشفت أنو مستحيل اقدر

اتحمل العيشة  بلاكي ..

البيت صار كئيب .. الحيطان عم تحاصرني

حواسي كلا  مفتقدتك ..

_ يا الله كلامك هاد عم يخلي قلبي يطير ..

_ ريتو ما يحرمني  من دقاتو ..

_ ولا يحرمني منك .

اليوم التالي :

بعد ما وعدت نور نلتقي ، و اتفقنا عالزمان

و المكان .. راحت معي لارا ..  فلما شافتا نور :

_ ليش جاية انتي؟
مشان تضربيني متل هديك المرة ؟
شو ما بتعرفي تخلصي مواضيعك بإيدك بدك Body guard !

_ روئي و خلينا نحكي ..

طول الوقت كانت لارا ساكتة و استغربت

من برودة أعصابا .. و هي بس عم تسمع :

_ ليكي نور .. المبلغ يلي بدك ياه  منعطيه !

بس لا تجنّي و تخلي بيلا تعرف الحقيقة . .

_ مني بحاجة مصاري .. كلامي كان واضح