أنا أنتِ🖤 (رواية مثلية)

♡7♡

" لتصبحي في كبدي ..

لتصبحي شيئاً يخصني وحدي ..

لتصبحي مبسمي و شمسي و وردي ..

للصبح يا قلبي "

________________________________

رن المنبه ، و طفيتو بأسرع وقت ..

ما نمت أصلاً ..

بس كان بدي أوعى قبلها حتى ما تشوفني

بلا ميك أب .. و ساعتا بنفضح ...

ما بنكر أنو شعور الندم و حقارة النفس تسللو

لقلبي بعد ما خلص جنوننا ..

يمكن هو شي ما قدرت اتحكم فيه ..

بعد الي صار .. زادت أنانيتي فيا كتير ..

ولا يُمكن أنها تكون إلا إلي !

بعد ما عملت رتوش ميك اب خفيف و لبست

بعفوية ، صرت عم حضر الفطور ..

خايفة و متحمسة بنفس الوقت لردة فعلها ..

" بيلا "

فتحت عيوني .. المكان غريب بالنسبة إلي ..

راسي حاسستو ح يتفجر من الألم ..

لحظة و بنتبه إني بلا تياب ..

كاريين !! كنت مع كارين آخر شي سهرانين ..

معقوول... اه أكيد ..!

ضربت ع راسي ..

و تنهدت تنهيدة طويلة ..

كلو بسبب كريستين .. أففف

لسا ماني مستعدة لعلاقة .. و لا حتى جزمت

مشاعري تجاه كارين ..

ما أصلاً ما عم شوف فيا غير شبهها ب كريس ..

يا ترى سألت علي!!

فتحت موبايلي ولاقيت كمية اتصالات

و مسجات مو طبيعية منا ..

يمكن لأنو ماني بالعادة ببات برا البيت

و إذا صار ف بخبرها عالأقل ..

ابتسمت ابتسامة خفيفة ..

هي قلقت عليي .. و حتى لو كانت معا مايا

بس بتهتم فيي ..

ناديت على كارين .. و أنا مغطية حالي منيح ..

فبتطل بجمالا الجذاب ..

_ صباح الخير ..

قالتها و بابتسامة مصطنعة .. شوبيها هيدي !

_ اا صباح النور .. ممم مش متذكرة كيف صرت
هون ..

بتقاطعني و بتقول بجدية :

_ فيكي تاخدي شور .. و هيدي تياب نظيفة ..

و الفطور جاهز برا .. و بعدا منحكي ..