أنا أنتِ🖤 (رواية مثلية)

♡8♡

مع وجه الضو بستقبل صوتها وهي بتحكي عن حالي أنا ومية معي :
" لا غفيت ولا عرفت الأحلام
واتذكرت حكيات رفقاتا..
إنو اللي بيحب، ما بينام "

الليل بالنسبة إلي صاحبي و عدوي بنفس الوقت

مرات بيشعل فيي فتيلة الذكريات يلي بتحرق

عالبطيء .. و لما يحب ينوع بالألم .. بينتقل

لمخاوفي بالمستقبل .. لأنو الفقد مرعب كتير!

بس مع هيك أنا طول اليوم بنطر تا يجي الليل ..

حتى كون حدها ..

التحدي بهي اللحظات بتكون صعبة كتير ..

متل لما تكون ع شفة الهاوية !

شفايفها هنن ذاتهن الهاوية بالنسبة إلي ..

هالمرة غير كل المرات ..

التحدي أصعب .. لأنو أنا عرفت امبارح شو يعني

قرب منها و نكون بهالدرجة من  الشغف ببعض!

الساعة 3 بالليل ..

كل وحدة مننا عم تتطلع ع ذات السقف

عم نفكر  ...

الصمت عم يدور بهالغرفة .. بيضرب الحيطان

تا يطالع صدى .. حتى يعبر عن نفسو !

بس بضلو بلا صوت ..

و كأننا حسينا فيه ..

التفينا  بذات اللحظة ..

ابتسمت ابتسامة بس ما بتشبه كل المرات ..

ابتسامة مع خجل خفيف ..

لننطق سوا :

     " ما عم اقدر نام "

فضحكنا ، و قتلنا الصمت !

نظرتها هالمرة فيها تعب ، و كأنها كانت بتفكر بشي

خضار عينيها مع اللمعة .. متل انعكاس بستان

على المي الجارية فيه ..

عم تتأمل كرسامة  عم  ترسم حبيبتها !

و بلحظة صارت المسافة بيناتنا أقرب ..

تحركت من مكانا و وشا قابل وشي ..

توترت للحظات .. حتى حسيت بداني في وحدة

من الearpods ..

رجعت مكانا .. و هي حاطة التانية ب دانها

و اشتغلت غنية ل آدم :

و تعا .. تعا تنعمر ذكريااات

و نحسب أنو الماضي ماات

                     ماات اللي ما عشناه سوا