أنا أنتِ🖤 (رواية مثلية)

♡4♡

" أنا عم بلش حبك
  أنا لما بشوفك بتلبك
  مع إنك بتضلك ساكت
  قلبي عم يسمعك ..  "

( كريستين )

وصلت عالبيت للمرة التانية  .. بس هلأ أنا كريستين .. و صار المسا ..

أول ما فتحت الباب .. ريحة أكل طيب اخترقت إنفي حرفياً ..

هه ! شكلا عم تراضيني بهالطريقة ..

و أول ما شافتني ركضت لعندي ..

و قالتلي و هي مقوسة شفايفا :

_ كريستين زعلانة مني؟

_ اممم ما بعرف ..

_ حضرتلك جاج مشوي متل ما بتحبي ..

_ إذا بتطعميني ممكن أرضى ..

_ بس تشبعي غسلك إيدك كمان ؟

و فلت علينا الضحك .. و ما قدرت إلا ضما بين ضلوعي..

بهي اللحظات حسيت ما عم تسعني الدنيا !

عم حس بنبضاتا ضد صدري  ..

مسكت إيدي و صارت تتفحصهن ف شافت
أثر الجرح ..
يلي حاولت اخفيه عنا لما كنت معا من شوي ..

مسكت إيديي و باست الجرح ..

قالتلي ..

_ بوعدك ما رح عصبك مرة تانية ..

_ إنت معك حق .. لازم تاخدي راحتك بغرفتك ..

_ يلا لكن رح صب الأكل في الصحون ..
و ناكل ..

انتبهت و نحن عم ناكل .  إنها عم تشرد كتير..
و تبتسم ببلاهة ..

_  بيلا .. في حدا شاغل بالك؟

_ امم في هيك شي .. بس ما في شي جدي ..

_ نيالها سعيدة الحظ .. 

ارتبكت بيلا .. 

_ نيالاا؟!!

_ اي .. مش إنت ليز ؟

_ كيف عرفتي أو ... مين اللي قلك !!

_ هيك حسيت .. لا تنسي تقريباً أنا اللي ربيتك

_ إي أنا مثلية .. و كنت أخفي هالشي عنك
خفت إنك ما تتقبليني !

_ لا أبداً ..  بتعرفي أنو نص رفقاتي هيك ..
و أنا كمان ..

فلتت من إيدها الملعقة و قالت بصوت مليان دهشة و فرحة بنفس الوقت  ..

_ متل ما توقعت تماماً ..

_ بعرف إنك متوقعة هيك  .. قد ما عرفتيني على صاحباتك الحلوين ..

انفجرِت من الضحك .. و قالتلي ..

_ ما في شي بنت ساكنة قلبك ؟ عرفيني عليا !

اختفت بسمتي تدريجياً  ... كيف فيي قلا
أنو إنتِ ..
إي إنت اللي بعشقا  ..