أنا أنتِ🖤 (رواية مثلية)

♡3♡

" قلبي طيفٌ يتبعكِ ، هرب من جسدي و ترك
  مكانه ثقباً أسوداً ؛ يطوي المسافات لكونٍ
  آخر .. هو حبي لكِ ! "

.......................................................

فتّحت عيوني .. التفتت لحتى ضم كريستين ..

تذكرت أنو أنا هلأ بالخصوصية تبعي !

ضربت على راسي .. أنو معقول كنت متحمسة

أحكي مع حدا و يغازلني لساعة متأخرة بالليل

لدرجة أخسر حنان كريستين الصبح !

ما بخفي أنو نور حدا كتير مهضوم و بينحبّ ،

بس عم حس في شي ناقص تجاها ..

يمكن هو " اللهفة "  أو ..

هيديك الحالة المجنونة الي بتصيب قلبك !

تمنيت لو يلي حكا معي امبارح كانت شبيهة كريستين !

مع أنو فقدت الأمل ارجع شوفا !

طلعت برا غرفتي ..

دقيت مرتين على باب غرفتا .. فتحتو شوي

شفت آثار تكسير بلّور ( زجاج ) ..

يعني الصوت امبارح كان مش من الجيران !

شو اللي صرلا .. هالقد عصبت!

ما لقيتا بالغرفة .. وين راحت !

شفت رسالة متروكة على الطاولة ..

فتحتها بسرعة .. و حالة القلق يلي فيا أنا ما بنحسد عليها ..

" بما أنو يا بيلا كبرتي متل ما قلتي امبارح ..

فمتل ما بدك خصوصية أكيد لازم تعتمدي على

نفسك بكلشي .. فيقي لحالك و فطري لحالك

أنا رايحة عندي تدريبات في المعهد .. "

تنهدت .. شكلا لسا زعلانة مني ..

مو القصة أنو اعتمد على حالي .. بس..

" روتين الحنان " يلي بتقدملي ياه كل يوم

بيعنيلي كتيير 💔

لبست و جهزت نفسي .. هالمرة بدي اظهر

بكامل أناقتي .. يمكن نطلع أنا و نور بموعد ..

كريستين هلأ بمعهد التمثيل والفنون المسرحية

بتذكر كيف كانت تعصب عليي و بعدا فجأة تضحك..

بتقلي كنت عم اتدرب ..

أو شوفا عم تبكي .. بكل دراما ادام المراية ..

حتى يمكن ما عدت ميّز بين الحقيقة و الجد ..

مرات كانت بتطلع عليي بنظرات دوبانة حب ..

قلتلا " ليش عم تطلعي فيني بهالطريقة ؟ "

فتضحك و تقلي لا بس عم مثّل ..