أنا أنتِ🖤 (رواية مثلية)

♡9♡

" و إن جيت مرّة أرسمك شي خيال!
الخيال بدّو نور حتى يميل..

وقنديل عمري دموع زيتو قلال..
يمكن ع غفلة ينطفي القنديل! "

________________________________

بيلا:

كررت اتصالاتي مرتين و تلاتة على كريس ..

بيطلع الخط مشغول .. أو ما بترد عليي ..

و كأنو عم تتجاهل اتصالي ..

القلق خلاني شوف الدكتور

إذا كارين فيا ترجع عالبيت .. حتى ارجع

أنا كمان ، و انطر كريس و أعرف شوبها ..

و هاد يلي صار ..

دخلت فجأة على غرفة كارين بالمشفى

كانت بتحكي مع حدا عالموبايل :

و سمعتا عم تقول:

" تركينا بحالنا .. بيلا ما بتحبك ، بعدي عنها "

بتنتبه عليي فبتقلا " بعدين منحكي "

_ شو مين يلي ما بحبا !!

_ خلص ما تشغلي بالك ..

_ كارين شوفي ..

_ هيدي البنت يلي كانت معك لما تهجمت عليكن

بنت و من وقتا أنا وياكي تعرفنا ع بعض ...

_ اااه نور ؟ هيدي نور ....

_ إيه عم تقلي أنو بعد عنك و هي بتحبك ..

_ نور بتحبني!

شردت الحظة .. و اتذكرت الأيام القليلة يلي

رافقتا ل نور .. و وقت كنت معجبة فيا نوعاً ما

ما بعرف بس هلأ مستحيل فكر بغير كريس ..

هي فكرة أنو أنا و كريس نحب بعض ..

عم حسا براسي كتير لذيذة ..

مع أنو متأخرة!

بتقاطعني كارين بصوتا الحنون ..

_ بيلا .. انتي معجبة ب نور ؟

_ ممم أول ما تعرفت عليها اي .. بس هلأ لا ..

_ لكن ليه شردتي ..

_ ولا شي .. بس شو بدا نور منك ..

_ طلبت أنو ابعد عنك ..

_ اي و إذا ما بعدتي شو فيا تعمل؟

_ هي الي وقعتني اليوم ..

_ شو!!! عم تمزحي .. لهالدرجة لئيمة !!

_ إي و أكتر .. ع كلن لا تشغلي بالك فيا ..

_ بلكي أذتك أكتر .. انا لازم ابعد عنك لفترة

و واجها هي ..

_ لا ما تبعدي عني ( بانفعال )

_ بس هي الفترة .. حتى اضمن ما تئذيكي