{أمر من السحر}

الحلقه ال ٣

السلام عليكم اخواتى واحبتى 😍موعدنا مع قصتنا اليوميه ☺اللى يارب تفضل عجباكم للنهايه

ويالا نصلى ع الرسول وندخل ع قصتنا ع طووووول🌹

اللهم تقواك والعمل فى رضاك 🤲

#أمر_من_السحر
#جيهان_سلامه_البارودى
#محبه_الرحمن

الحلقه ال ٣ 🌹

سامح واقف فى الشباك قلقان ومستنى راضيه تيجى من بره ويطمن عليها...وبيكلم نفسه بنرفزه

هى إتاخرت اوى كده ليه.........لاااااااا🤨
بعد الجواز مفيش الكلام ده عندى......بس اتجوزها الاول وبعدين اعرفها طبعى

وشافها جايه من بعيد وماسكه شنط فى ايديها
ودخل من الشباك بسرعه .....ونزل يجرى على تحت علشان يقابلها ويشيل عنها الشنط

تليفون راضيه رن قدام باب البيت.......

ايه داااا .....انتى لحقتى توصلى بيتكم قبلى ولا ايه

لبنى: يوووو....من بدرى
وغيرت هدومى كمان 😀

راضيه: يا بختك ......على العموم انا خلاص اهو قدام البيت وطالعه ...بس تعرفى
انا متضايقه اوى وحاسه انه انضحك عليا فى الحاجات اللى اشتريتها انهارده

لبنى: انضحك عليكى فى ايه بالظبط

راضيه: فى الفستان والبلوزه والجيبه......٨٠٠ جنيه كتير اوى عليهم

لبنى: ولا انضحك عليكى ولا حاجه ..دول يستاهلوا كمان اكتر من كده ..دول تحفه يا بنتى

راضيه:يعنى بجد حلوين ومنضحكش عليا 😊

لبنى : عيب عليكى ..ده انا عصرت الرجل فى
ايدى فصال..ده المفروض يبقى تمنهم الف جنيه
انتى مش شايفه خامتهم عامله ازاى وشياكتهم

راضيه: يعنى تفتكرى هعجبه بكره وهلفت نظره😌

سامح نازل على السلم بهدوء....وعامل نفسه إنه هيقابلها صدفه .....وسمعها وهى بتتكلم
وافتكرها بتتكلم عنه.....وانبسط جداااا😊

اصلك متعرفيش انا اتعلقت بيه ازاى يا لبنى

سامح واقف مبسوط وهو بيسمعها😊

لبنى: طب وسامح هتعملى معاه ايه

راضيه: يا بنتى سامح ايه بس دلوقتى...انا بكلمك عن حسام ...تقوليلى سى زفت😠

سامح: 😳

لبنى: أنا رأيي إنك تفكرى كويس ..ومادام سامح
شاريكى يبقى خلاص خليكى معاه احسن
وسيبك من حسام ده بقا .....ده مستوى تانى خالص يا بنتى 😏

راضيه: لاء طبعا...انتى عبيطه ولا ايه
قال اسيبه قااال😏

حسام ده بالنسبالى طوق النجاه اللى هينقذنى من العيشه الأرف اللى عيشاها دى😠